Ráðunautafundur - 15.02.1991, Qupperneq 241

-233-
jafnvel nafnskírteini gefin út. Búsbækurnar munu innihalda skrá um undaneldishryssur
búsins, kynbótamat þeirra, afkvæmi og kynbótaspá afkvæmanna.
Þetta nýja skýrsluhald í hrossarækt á að hafa ýmsa kosti í för með sér. Ber þar
fyrst að nefna aukið öryggi við útreikning kynbótamats fyrir undaneldishrossin vegna
aukinna og væntanlegra öruggari ætttenginga. Hagræði við skráningu hrossa til
sýninga vex með því að upplýsingar um hrossin úr skýrsluhaldinu liggja fyrir í tölvu.
Einnig ætti útgáfa upprunavottorða fyrir útflutt hross að verða traustari og auðveldari
í framkvæmd. Þá er ónefnt hið glögga yfirlit sem nýtt skýrsluhald á að gefa um ýmsa
þætti er varða ræktunarstarfið í heild eða hvern ræktanda fyrir sig. Má þar nefna á
hvaða vegi kynbótastarfið í heild er statt samkvæmt kynbótamati, frjósemi stofnsins,
þátttöku í sýningum t.d. hvað afkvæmi undan einstaka hestum varðar, tíðni erfðagalla
og fleira.
Jafnframt uppbyggingu vélaskýrsluhalds er unnið að heildarsamræmingu gagnaskráa
hrossaræktarinnar og skráningu ritaðs máls úr gögnum fyrir 1986. Þetta kemur til
með að valda straumhvörfum hvað notkunarmöguleika gagnaskráa varðar.
Samhliða traustu skýrsluhaldi er mikilvægt að auðkenna hrossin með einstaklings-
auðkenni; frostmerking fæðingamúmers skv. reglugerð nr. 579 frá 1989, er líklegast
handhægasta aðferðin enn sem komið er en hraðstígar framfarir eru nú í þessum
málum erlendis. Frostmerkingar hófust fyrst hér á landi árið 1982 en þá hóf
Búnaðarfélag íslands frostmerkingar skv. kerfi sem það hefur einkaleyfi á. Markvisst
eftirlit með blóðflokkum hrossa í þeim tilgangi að sannreyna ættfærslur er mikilvægt
mál sem bíður úrlausnar.
Mikil umræða er nú erlendis um alþjóðleg skráningarkerfi á hrossum. Urnræða
um þessi mál þar helgast fyrst og fremst af þeim mikla flutningi sem er á hrossum á
milli landa, bæði vegna verslunar og þátttöku í alþjóðlegum sýningum og keppnum.
Einnig koma til viðhorf vegna kynbótastarfs. Þessi sjónarmið eru ekki síður mikilvæg
fyrir hrossaræktina hérlendis. í því sambandi má benda á að traust alþjóðlegt
skýrsluhald á hreinræktuðum hrossum af íslenskum stofni eflir tiltrú almennings úti
um allan heim á þessu hrossakyni, auk þess sem slíkt skýrsluhald eflir kynbótastarfið
ef komið yrði upp alþjóðlegu kynbótamati. Sjálfsagt er einnig að hafa það í huga að
fríverslun er vafalaust stórfellt hagsmunamál fyrir hrossaræktina, yrðu traustar reglur
um sjúkdómavarnir settar.
Nefnd á vegum FEIF sem nýlega hefur lokið störfum leggur til að komið verði
upp alþjóðlegu skráningarnúmeri á hross af íslenskum stofni. Það skráningarnúmer
er í raun hið sama og íslenska fæðingarnúmerið að því viðbættu að komið er í veg