Ráðunautafundur - 15.02.2000, Blaðsíða 65

57
3. mynd. Skjalaeftirlit, skoðun og leyfisveiting fyrir tollafgreiðslu.
Þegar varan hefur verið flutt inn getur innflytjandinn annað hvort selt hana til smásala,
beint til bænda eða annarra ræktenda sé varan þess eðlis eða tekið hana til frekari vinnslu hér
innanlands, t.d. fóður í fóðurblöndur.
Við sölu, dreifingu og kynningu á eftirlitsskyldum aðföngum er með öllu óheimilt að vísa
til þess að þau séu háð opinberu eftirliti eða framleidd með opinberu samþykki eða leyfi. Hafa
ber í huga að hlutverk Aðfangaeftirlitsins er ekki að bera saman gæði aðfanga sem seld eru
hér á landi, heldur að sannreyna að varan uppfylli þau skilyrði sem hið opinbera setur og að
hún sé í samræmi við þær upplýsingar sem innflytjendur/framleiðendur og seljendur gefa um
hana.
Að sjálfsögðu geta bændur og aðrir notendur aðfanga farið ffam á að Aðfangaeftirlitið
athugi vöru sem þeim finnst vera óeðlileg á einhvem hátt og geta þá annað hvort haft sam-
band beint við Aðfangaeftirlitið eða talað við ráðunautana í sínu héraði og þeir svo aftur haft
samband við Aðfangaeftirlitið. Til að sýni séu viðurkennd sem rannsóknasýni þurfa þau að
vera tekin af opinberum aðila sem Aðfangaeftirlitið samþykkir. Leiði rannsókn í ljós að varan
uppfylli ekki þær kröfur sem settar em, sé ekki í samræmi við skráningu hennar hjá Aðfanga-
eftirlitinu eða standist ekki þá lýsingu sem fylgir henni frá seljanda sér Aðfangaeftirlitið til
þess að sala vörunnar verði stöðvuð og að ekki verði flutt inn meira af henni fyrr en gengið
hefur verið úr skugga um að bætt hafi verið úr þeim ágöllum sem fundust. Sé málið talið al-
varlegt er það sent þar til bæmm yfirvöldum til frekari meðferðar. Aðfangaeftirlitið sér aftur á
móti ekki um að gera bótakröfur fyrir hönd kaupenda né aðstoða þá við að ná rétti sínum
gagnvart seljanda.
Eftirlit er ekki aðeins bundið við eftirlit á innflutnings- eða framleiðslustað, heldur er
reynt að fara um og fýlgjast með innlendum og innfluttum aðföngum á sölustöðum og hjá
kaupendum. Eftirlitið eins og það er núna er þó alltof lítið og getur á engan hátt fullnægt þeim
lcröfum sem gerðar em til þess og þarf því að efla það vemlega. Eftirlitsgjaldið sem tekið er
samkvæmt lögum til að standa undir kostnaðinum er of lágt og því þarf að breyta. Vegna
smæðar landbúnaðarins og tiltölulega lítils magns sem flutt er inn eða framleitt hér á landi af
hverri tegund eftirlitsskyldrar vöm, þó fjöldi tegunda sé mikill, verður aðfangaeftirlit hér á
landi alltaf tiltölulega kostnaðarsamt.