Morgunblaðið - 01.02.2018, Blaðsíða 28

28 FRÉTTIRInnlent
MORGUNBLAÐIÐ FIMMTUDAGUR 1. FEBRÚAR 2018
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma
SVIÐSLJÓS
Björn Jóhann Björnsson
bjb@mbl.is
Forsvarsmenn þeirra skíðasvæða
sem Morgunblaðið ræddi við eru
himinsælir með veturinn fram til
þessa. Flest hefur haldist í hendur,
góður snjór og skíðafæri eftir því,
veðrið heilt yfir hagstætt og aðsóknin
mjög góð. Ekki þurfti mikið til að
bæta síðasta vetur, sem var afspyrnu
lélegur til skíðaiðkunar sökum snjó-
leysis og leiðindaveðurs. Gönguskíðin
hafa átt miklum vinsældum að fagna í
vetur og þannig er troðfullt á nám-
skeið um hverja helgi á Ísafirði og í
Bláfjöllum.
Hlíðarfjall
„Þetta er allt önnur staða en var
uppi síðasta vetur,“ segir Guðmundur
Karl Jónsson, forstöðumaður skíða-
svæðisins í Hlíðarfjalli ofan Akur-
eyrar, um aðsóknina í vetur. „Síðasti
vetur var mjög slæmur og menn
byrjuðu varla fyrr en eftir áramót.
Núna er aðsóknin á pari miðað við
þriggja ára meðaltal. Snjóalögin hafa
verið hagstæð í vetur og veðrið einn-
ig, sérstaklega um helgar. Ein helgi
fauk út í veður og vind hjá okkur,“
segir Guðmundur Karl en opnað var í
Hlíðarfjalli í lok nóvember.
Síðan þá hefur verið opið flesta
daga, að undanskildum um fimm dög-
um í janúar. Í það heila eru skíðadag-
arnir orðnir hátt í 40 í ár.
„Janúar telst jaðartími á skíða-
svæðunum og ekki besti mælikvarð-
inn á aðsókn. Það var mjög gott hjá
okkur um jól og áramót. Við höfðum
opið á jóladag og þá komu ótrúlega
margir, langflestir Íslendingar.
Annars fáum við talsvert marga er-
lenda ferðamenn sem koma hingað til
að fara á skíði á daginn og skoða
norðurljósin á kvöldin. Mesta traffík-
in er í kringum vetrarfríin í febrúar
og um páska, sem eru í fyrra fallinu
þetta árið. Við erum einmitt á fullu að
undirbúa þá vertíð,“ segir Guð-
mundur Karl.
Aðsóknarmetið í Hlíðarfjalli er um
102 þúsund gestir einn vetur fyrir
nokkrum árum. Meðaltalið hefur ver-
ið 65-70 þúsund manns. Guðmundur
segist vera bjartsýnn á mánuðina
framundan. Ef tíðarfarið verði áfram
gott þá geti vel farið svo að aðsóknar-
metið falli.
Dalvík
Utar í Eyjafirðinum er vinsælt
skíðasvæði Dalvíkinga, Böggvis-
staðafjall. Gerður Olofsson, stjórnar-
maður í skíðafélaginu, er hæstánægð
með veturinn. Frá því að svæðið var
opnað í byrjun desember hafi náðst
um 40 dagar í fjallinu. „Skíðasvæðið
hefur sjaldan verið betra, það er
snjór úti um allt. Við höfum verið með
ýmsar uppákomur og skíðamót, til
dæmis stórt bikarmót um síðustu
helgi. Svo erum við með ein 120 börn
á æfingum reglulega,“ segir Gerður
og bendir á að í Dalvíkurskóla séu um
220 börn. Því stundi ansi mörg skíða-
æfingar í byggðarlaginu. Þá er
Böggvisstaðafjall vinsælt meðal skóla
og félagsmiðstöðva annars staðar af
landinu. „Hér getum við hýst alla sem
vilja og aðstaðan er öll mjög góð.“
Oddsskarð
Það eru aðallega austfirskir skíða-
unnendur sem hafa fengið að kenna á
leiðinlegu veðri í vetur. „Veðrið hefur
heldur skánað eftir stórhríð í síðustu
viku,“ segir Ómar Skarphéðinsson
hjá félaginu Austurríki ehf., sem sér
um skíðasvæðið í Oddsskarði. Þar
hefur verið opið í ríflega 20 daga
síðan í byrjun desember. „Við
stefnum að því að hafa hjá okkur
Olísdaginn 10. febrúar, þá verður
frítt í lyfturnar og gleði í fjallinu. Við
fengum kærkomna sendingu af snjó
og horfum bjartsýn fram á veginn,“
segir Ómar.
Bláfjöll
„Við getum svo sannarlega ekki
kvartað, höfum verið með bullandi
snjó og ekki enn farnir að nota byss-
urnar,“ segir Einar Bjarnason,
rekstrarstjóri í Bláfjöllum, um skíða-
veturinn og á þar við snjóbyssurnar
svonefndu, sem gripið er til í snjó-
leysi. Bláfjöll voru opnuð um miðjan
desember og síðan þá hefur verið
opið í ríflega 20 daga. „Í fyrra var
bara opið í 10 daga, enda leiðindatíð
þann vetur. Núna er aðsóknin mjög
góð og kortasalan hefur gengið vel,“
segir Einar. Hann merkir líkt og Ís-
firðingar stóraukinn áhuga á göngu-
skíðunum. Námskeið séu haldin alla
laugardaga og þar mæti 50-70 manns
í hvert skipti.
Að sögn Einars er ætlunin að opna
skíðasvæðið í Skálafelli um helgina,
líkt og jafnan sé reynt að gera í kring-
um 1. febrúar. Um „generalprufu“ sé
að ræða.
Ísafjörður
„Þetta er búinn að vera frábær vet-
ur, allt gengið vonum framar. Nægur
snjór og við hitt á flott veður,“ segir
Hlynur Kristinsson, sem veitir skíða-
svæðunum á Ísafirði forstöðu; í Selja-
landsdal og Tungudal. Hann segir að-
sóknina góða í brekkunum og ekki
hvað síst á göngusvæðinu. Í janúar-
mánuði komu um 300 manns vestur
til að fara á gönguskíðanámskeið um
helgar.
„Við vorum með 50 manna hóp hjá
okkur um síðustu helgi og eigum von
á 62 konum á námskeið um helgina.
Ísafjörður er orðinn vinsælastur hjá
gönguskíðafólki,“ segir Hlynur, kátur
með stöðuna.
Alpasvæðið á Ísafirði hefur verið
opið í meira en 40 daga í vetur, en til
samanburðar var opið í 34 daga allan
síðasta vetur. Svipaða sögu er að
segja af göngubrautunum. „Þetta er
allt önnur staða í vetur. Núna búum
við okkur undir Skíðavikuna á
páskum, en þá höfum við fengið um
1.100 manns á dag.“
Tindastóll
Viggó Jónsson, umsjónarmaður
skíðasvæðisins í Tindastóli í Skaga-
firði, hefur svipaða sögu að segja og
kollegar hans. Aðstæður hafi verið
mjög góðar í vetur, veðrið gott flesta
daga þó að vissulega hafi komið leið-
indaveður inn á milli.
„Auðvitað vill maður alltaf sjá
fleira fólk en í samanburði við vetur-
inn í fyrra hefur þetta verið mjög
gott,“ segir Viggó, en Tindastóll hef-
ur verið opinn skíðafólki í kringum 25
daga síðan fyrir jól. „Þetta mun bara
batna með hækkandi sól.“
Siglufjörður
Egill Rögnvaldsson, umsjónar-
maður skíðasvæðisins í Skarðsdal á
Siglufirði, segir að opið hafi verið hátt
í 40 daga síðan í byrjun desember en
á svipuðum tíma í fyrra hafi daga-
fjöldinn aðeins verið um 15.
„Við erum komin með um 2.500
gesti en það náði ekki þúsund í fyrra.
Sá vetur var sérstaklega erfiður.
Núna hefur þetta verið allt annað,“
segir Egill.
Undanfarin fjögur ár hafa skíða-
iðkendur getað keypt vetrarkort sem
gilda á fjórum svæðum norðanlands; í
Hlíðarfjalli, Böggvisstaðafjalli, á
Siglufirði og í Tindastóli. Egill segir
þetta hafa gefist ágætlega og aukin
notkun hafi verið á kortunum í vetur.
Tæknilega segir Egill fátt því til fyr-
irstöðu að sama kort geti gilt á öllum
skíðasvæðum landsins. Um þetta sé
rætt á hverjum vorfundi Samtaka
skíðasvæða en engin niðurstaða feng-
ist enn.
Bullandi snjór og engar byssur
 Skíðaunnendur hafa getað tekið gleði sína í vetur  Mjög góð aðsókn á skíðasvæðunum og veður-
guðir að mestu til friðs  Allt önnur staða en síðasta vetur  Gönguskíðin njóta aukinna vinsælda
Morgunblaðið/Skapti Hallgrímsson
Hlíðarfjall Aðsóknin hefur verið mjög góð í vetur fyrir norðan líkt og á flestum öðrum skíðasvæðum landsins.
Morgunblaðið/Kristinn Magnússon
Bláfjöll Borgarbúar og nágrannar hafa notið margra góðra daga í vetur.
Grundfirðingar hafa á undan-
förnum árum endurnýjað búnað
og aðstöðu á skíðasvæðinu við
bæinn, sem ber heitið Skíða-
svæði Snæfellsness. Fyrsti dag-
ur vetrarins sem opið er var sl.
þriðjudag og sagðist Hólmfríður
Hildimundardóttir hjá skíða-
deild ungmennafélagsins vona
að opið yrði um helgina.
„Við höfum fengið til okkar
fólk af öllu Nesinu; Hólmara og
Ólsara og sveitirnar í kring.
Sfellt fleiri íbúar á Snæfellsnesi
hafa verið að græja sig upp og
vonandi getum við haft lyftuna
meira opna í vetur. Allt er þetta
háð veðrinu,“ sagði Hólmfríður.
Fleiri græja
sig upp
GRUNDARFJÖRÐUR