Morgunblaðið - 01.02.2018, Blaðsíða 54

54
MORGUNBLAÐIÐ FIMMTUDAGUR 1. FEBRÚAR 2018
Eltak sérhæfir sig í sölu
og þjónustu á vogum
Dvergshöfða 2, 110 Reykjavík bilanaust@bilanaust.is
Sími: 535 9000 | bilanaust.is
Gæði, reynsla og gott verð
Vottaðir hágæða
VARAHLUTIR
í flestar gerðir bifreiða
Siðan 1962
Bílanaust er einnig í Kópavogi – Hafnarfirði – Keflavík – Selfossi – Akureyri – Egilsstöðum
Faxaflóahafnir hafa birt yfirlit yfir
landaðan afla í höfnum fyrirtækisins
á árinu 2017. Heildaraflinn var
118.915 tonn eða heldur meiri en ár-
ið 2016 þegar hann var 112.361 tonn.
Aukning milli ára nemur 6.500 tonn-
um eða tæplega 6%. Munar mest um
aukningu á uppsjávarfiski sem land-
að var á Akranesi.
Landaður afli í Reykjavík var tæp
100 þúsund tonn, um 6.900 tonnum
minni á milli ára. Samdráttur var
bæði í botnfiski og uppsjávarfiski.
Væntanlega hefur sjómannaverk-
fallið í byrjun ársins haft hér áhrif.
Á Akranesi var landað rúmlega 19
þúsund tonnum. Þar af var upp-
sjávarfiskur 16.540 tonn. Aðeins var
landað 969 tonnum af botnfiski, litlu
meira en árið áður. Má þessi mikli
fyrrverandi útgerðarbær muna sinn
fífil fegri. Til samanburðar má nefna
að árið 2005 var landað 16.585 tonn-
um af botnfiski á Akranesi.
Erlend skip lönduðu heldur meiri
afla hjá Faxaflóahöfnum í fyrra en
árið áður eða rúmlega 16 þúsund
tonnum. sisi@mbl.is
Morgunblaðið/Eggert
Norðurgarður Löndun undirbúin úr hinum nýja togara Engey RE.
Heildaraflinn tæp
119 þúsund tonn
Fimmtíu ár verða brátt liðin frá sjó-
slysunum miklu í Ísafjarðardjúpi í
byrjun febrúar 1968, en þá fórust 26
sjómenn af tveimur breskum tog-
urum og einum íslenskum vélbáti. Af
þessu tilefni verður haldin athöfn
um borð í varðskipinu Óðni til minn-
ingar um þá sem týndu lífi þennan
örlagaríka sólarhring og jafnframt
til að minnast þess björgunarafreks
sem áhöfnin á Óðni vann. Athöfnin
hefst klukkan 16 á mánudag.
Sex manna áhöfn Heiðrúnar II frá
Bolungarvík var á meðal þeirra sem
fórust, auk 19 manna áhafnar breska
togarans Ross Cleveland, en einn
skipverja togarans, Harry Eddom,
bjargaðist við illan leik. Sama dag
strandaði breski togarinn Notts
County á Snæfjallaströnd, en áhöfn
Óðins vann hetjudáð þegar hún
bjargaði skipverjum hans. Einn
þeirra var þegar látinn er Óðinn
komst á slysstað.
Fyrir tilstilli áhafnar Óðins, með
Sigurð Þ. Árnason skipherra í farar-
broddi, varð 18 mannslífum bjargað
þennan dag.
Minningarathöfnin fer fram í
þyrluskýli Óðins og mun sr. Hjálmar
Jónsson fara með minningarorð og
Michael Nevin, sendiherra Breta á
Íslandi, mun jafnframt ávarpa sam-
komuna.
Í kjölfarið verður boðið upp á
kaffiveitingar í messa skipsins, sam-
kvæmt upplýsingum frá Sjóminja-
safninu. Þar mun Gylfi Geirsson,
formaður öldungaráðs Landhelgis-
gæslunnar og fyrrverandi starfs-
maður hennar, fjalla um björgunar-
afrekið sem áhöfn Óðins vann. Óðinn
liggur við festar við Sjóminjasafnið í
Reykjavík, við Grandagarð 8, og hef-
ur tilheyrt safninu síðan 2008.
sh@mbl.is
Minnast þeirra sem fórust
fyrir fimmtíu árum
Morgunblaðið/Sigurður Bogi
Súðavíkurhlíð Fjölmargir togarar, íslenskir og breskir, höfðust við í Djúpinu á meðan hamfaraveðrið gekk yfir.
Varðskip Óðinn á siglingu. Tveir stýrimenn úr áhöfn skipsins fóru á bát yfir til togarans Notts County.
Áhöfn Óðins vann hetjudáð
þegar hún bjargaði skipverj-
um togarans Notts County.
Síðan er liðin hálf öld.
Allt um
sjávarútveg