Morgunblaðið - 01.02.2018, Page 56

MORGUNBLAÐIÐ FIMMTUDAGUR 1. FEBRÚAR 2018
Galleri Ozone | Austurvegi 35 | 800 Selfoss | S. 534 8040 | Skoðaðu úrvalið á | Sendum frítt um land allt
KAFFE JILLIAN BLAZER
St. 34-46
Verð 11.990,-
BUXUR
St. 34-46
Verð 8.990,-
Ný
sending
Elínrós Líndal
elinros@mbl.is
Aðspurð hvernig maður viti hvort
maður er raunverulega í réttu
vinnunni segir hún „Þegar þú
sofnar á kvöldin og vaknar á
morgnana þá hlakkarðu til að
mæta í vinnuna, það er góður
mælikvarði á starfið sem þú ert í,“
segir Gunnhildur og bætir við að
það sé ekki nóg að hlakka til held-
ur þarftu að vita í hjarta þínu að
þú hafir skilað af þér góðu verki
yfir daginn í vinnunni. „Það er
ekki verra ef starfi þínu fylgja
ákveðnir mælikvarðar sem mæla
afköst og ánægju til dæmis við-
skiptavina þinna, því þannig verða
verk þín meira lifandi inni í fyrir-
tækinu. Það er gefandi fyrir þig
sjálfa og gerir þig að betri mann-
eskju á hverjum degi.“
Flæði í vinnunni
Gunnhildur segir að þú verðir að
vera í ákveðnu flæði í vinnunni og
það sé alltaf ánægjulegt ef vinnan
samræmist áhugasviði fólks.
„Starfsfólk sem starfar við það
sem það hefur áhuga á, gleymir
stað og stund og dagurinn flæðir
áfram ánægjulega í þeirra huga.“
Hún lýsir þessu sem átakalitlu og
eðlilegu ferli.
Aðspurð um ráð til þeirra sem
eru að leita sér að vinnu og séu
opnir fyrir allskonar valmögu-
leikum segir Gunnhildur. „Ef þú
ert opinn fyrir mörgu er gott að
átta sig á hvað maður vill ekki
gera.
Sem dæmi ef þú vilt ekki starfa
í kringum mikið af fólki áttu ef til
vill meira heima í bakenda fyrir-
tækis heldur en í framenda þess.
Ef þú getur ekki hugsað þér að
starfa við tölvu allan daginn, þá er
það góð vísbending um hvað þú átt
ekki að sækja um tengt vinnu og
svo framvegis. Ég tel mikilvægt að
við horfumst í augu við það þegar
við leitum okkur að vinnu að við
erum aldrei gerð fyrir allt, við höf-
um öll okkar einstöku hæfileika og
það ber að varðveita,“ segir hún.
Við eigum okkur
margvísleg hlutverk
Hvað með þá sem standa á
krossgötum, hafa kannski verið
látnir fara úr sinni síðustu vinnu.
Hvaða ráð áttu til þeirra? „Að
mínu mati er varla til sú mann-
eskja sem tekur það ekki nærri
sér að vera látinn fara úr starfinu
sínu, það kemur vanalega öllum að
óvörum, ekki síst þeim sem eftir
sitja í fyrirtækinu. Í þessu sam-
hengi er einnig gott að hafa í huga
að breytingar eru miklar á at-
vinnumarkaði og þú ert ekki sá
eini/sú eina sem ert að upplifa
breytingar. Það sem er einnig gott
að hafa í huga er sú staðreynd að
við sinnum mörgum hlutverkum í
þessu lífi. Starfið okkar er eitt
hlutverk okkar í lífinu, en svo
sannarlega ekki okkar eina. Við
erum mörg hver foreldrar, börn
foreldra okkar, sinnum félags-
störfum og svo eigum við áhuga-
mál. Það sem ég mæli því með
þegar fólk er á krossgötum tengt
vinnu er að fókusera á hin hlut-
verkin í lífinu og muna að það er
enginn betri til í heiminum til að
takast á við breytingar en þú. En
rannsóknir hafa sýnt að Íslend-
ingar eru heimsmeistarar að þessu
leyti, enda höfum við alist upp við
breytilegt veðurfar og marga aðra
óvissuþætti sem við höfum þurft
að aðlagast.“
Gríðarleg tækifæri geta falist
í að tapa vinnu og fá nýja
Er það ekki áskorun mitt í áfalli
að fara bara að hafa gaman og
njóta? „Jú heldur betur, en við
eigum að líta á þetta sem tæki-
færi. Auðvitað förum við í gegnum
nokkur stig sem felast í því að
lenda í áfalli, sem er afneitunin,
þar sem við hugsum: „Ég trúi ekki
að þetta sé að koma fyrir mig.“
Síðan kemur reiðin. Þar næst
sjálfsásökunin, síðan förum við á
stigið þar sem við verðum forvitin
og viljum svör Síðan koma vana-
lega nýju tækifærin. En ef þú átt-
ar þig ekki á þessum þrepum þá
getur þú verið að hringsóla í þess-
um stigum án þess að komast út
úr því og þá missir þú af tækifær-
inu til að komast á réttan stað.
Þegar þú sérð hins vegar að þú ert
komin/inn í bata þá byrjar þú að
upplifa aukinn styrk úr þessari
reynslu, ásamt því að finna til
samkenndar með öðrum sem hafa
upplifað það sama og það eru
verðmæti fyrir samfélagið í heild
sinni.“
En af hverju hafa mannauðs-
málin heillað Gunnhildi? „Ég bara
elska að sjá fólk vaxa og dafna og
veit ekkert skemmtilegra en að að-
stoða fólk við að komast í réttar
stöður og sjá það vaxa og dafna.
Það er á þeim tímapunkti sem fólk
hefur innleitt m.a. HR Monitor
Það er enginn betri að takast
á við breytingar en þú
Gunnhildur Arnardóttir framkvæmdastjóri CEO Huxunar þekkir vel til mannauðsmála og hefur um árabil
veitt stjórnendum og fyrirtækjum leiðbeiningar þegar kemur að því að auka ánægju starfsmanna, en ásamt
því er hún áberandi í starfsmannaráðningum og nýjustu fræðum þegar kemur að atvinnumálum í landinu.

,,Lífið er hverfult, það er fullt af breytingum, sem láta okk-
ur vaxa,“ segir Gunnhildur Arnardóttir. Hér er hún með
hundinum sínum Naski sem fór yfir móðuna miklu í fyrra.
 SJÁ SÍÐU 58