Morgunblaðið - 03.05.2018, Síða 40

40 FRÉTTIRErlent
MORGUNBLAÐIÐ FIMMTUDAGUR 3. MAÍ 2018
Stefán Gunnar Sveinsson
sgs@mbl.is
New York Times birti í fyrrakvöld
spurningalista sem Robert Mueller,
sérstakur saksóknari sem rannsak-
ar það hvort Rússar hafi haft óeðli-
leg áhrif á forsetakosningarnar
2016, hyggst leggja fyrir Donald
Trump Bandaríkjaforseta. For-
dæmdi Trump lekann á listanum og
sagði hann skammarlegan.
Spurningarnar lúta einkum að því
hvort forsetinn hafi ætlað sér að
standa í vegi fyrir framgangi rétt-
lætisins, sem og hvað Trump hafi
vitað um tengsl
og samskipti
helstu undir-
manna sinna við
stjórnvöld í Rúss-
landi. Spurði
Trump á Twitter
hvernig hægt
væri að standa í
vegi fyrir réttlæt-
inu þegar enginn
glæpur hefði verið framinn.
Í gær var svo tilkynnt að Ty
Cobb, helsti lögfræðingur forsetans
í rannsókninni, myndi yfirgefa varn-
arteymi Trumps í lok maí. Emmet
Flood tekur við starfi Cobbs, en
Flood varði einnig Bill Clinton þeg-
ar reynt var að höfða mál á hendur
honum til embættismissis.
Leggja upp laupana
Breska markaðsrannsóknafyrir-
tækið Cambridge Analytica til-
kynnti í gær að það hefði hætt allri
starfsemi sinni og að sótt yrði um
greiðslustöðvun bæði í Bandaríkjun-
um og Bretlandi.
Fyrirtækið og starfsemi þess
komst í hámæli í síðasta mánuði
þegar í ljós kom að það hafði sankað
að sér persónuupplýsingum allt að
87 milljóna notenda samfélagsmið-
ilsins Facebook og nýtt þær á vafa-
saman máta.
Fyrirtækið var meðal annars ráð-
ið af forsetaframboði Donalds
Trump og hefur það verið sakað um
að hafa haft óeðlileg áhrif á nið-
urstöðu forsetakosninganna í
Bandaríkjunum árið 2016.
Sagði í yfirlýsingu fyrirtækisins
að það hefði verið fórnarlamb
nornaveiða og að ómögulegt væri
fyrir það að halda áfram störfum
vegna „fjölmargra tilhæfulausra
ásakana“ sem enginn fótur væri fyr-
ir.
Vill ræða við forsetann
 Cambridge Analytica sækir um greiðslustöðvun  Mueller birtir spurningalista
Donald Trump
Tugþúsundir Armena streymdu í gær til höfuðborgar
landsins, Jerevan, til þess að mótmæla þeirri ákvörðun
stjórnarflokksins í Armeníu að hafna því að Nikol
Pashinyan, leiðtogi stjórnarandstöðunnar, yrði næsti
forsætisráðherra landsins eftir að Serzh Sargsyan
sagði af sér í síðasta mánuði. Stíflaði fólkið vegi og
hindraði aðgang að helstu stjórnarbyggingum. Var Je-
revan því nánast lömuð á meðan mótmælin gengu yfir.
AFP
Ósátt við ákvörðun þingmeirihlutans
Tugþúsundir mótmæltu í Jerevan, höfuðborg Armeníu
Mahmud Abbas,
forseti palest-
ínsku heima-
stjórnarinnar,
var gagnrýndur
mjög í gær fyrir
ummæli sín, þar
sem hann gaf í
skyn að „sam-
félagslegt hlut-
verk“ gyðinga í
bankageiranum í Evrópu hefði ver-
ið ein af orsökum þess að þeir voru
ofsóttir.
Fordæmdu bæði Evrópusam-
bandið og Bandaríkin ummæli Ab-
bas, auk þess sem fulltrúi Samein-
uðu þjóðanna í Mið-Austurlöndum
sagði þau mjög óhugnanleg og ekki
til þess fallin að stuðla að friði fyrir
botni Miðjarðarhafs. Benjamín Net-
anyahu, forsætisráðherra Ísraels,
sakaði Abbas um að vera einn af
þeim sem afneituðu helförinni gegn
gyðingum og kallaði eftir því að al-
þjóðasamfélagið fordæmdi hin
„andgyðinglegu ummæli.“
Abbas gagnrýndur
fyrir ummæli sín
Mahmud Abbas
PALESTÍNA
Forsprakkar hryðjuverkasamtak-
anna ETA, sem á árum áður börð-
ust fyrir sjálfstæði Baska, tilkynntu
í gær að samtökin yrðu lögð al-
gjörlega niður. Lýkur þar með sögu
síðustu vopnuðu aðskilnaðarsam-
takanna í Vestur-Evrópu.
ETA-samtökin voru stofnuð árið
1959 á valdatíð Francisco Francos á
Spáni. Stóð barátta samtakanna
fyrir sjálfstæði yfir næstu fjóra ára-
tugina og féllu að minnsta kosti 829
í árásum þeirra. Þá stóðu samtökin
einnig fyrir margvíslegum mann-
ránum og öðrum glæpum á þessum
tíma.
Árið 2011 lýstu samtökin yfir ein-
hliða vopnahléi, en þá höfðu frönsk
yfirvöld náð að handsama marga af
helstu leiðtogum þeirra. Á síðasta
ári hófu samtökin síðan afvopnun
sjálfviljug, sem lauk á þessu ári.
Samtökin sendu frá sér í síðasta
mánuði yfirlýsingu þar sem beðist
var afsökunar á þeim mannvígum
sem þau hefðu staðið fyrir.
ETA-samtökin leyst
endanlega upp
BASKALAND
Lars Løkke Rasmussen, forsætis-
ráðherra Danmerkur, kynnti í gær
þrjá nýja ráðherra til sögunnar fyrir
Venstre, en tveir ráðherrar flokksins
sögðu óvænt af sér á þriðjudaginn.
Þeir Søren Pind, menntamála- og
rannsóknaráðherra, og Esben
Lunde Larsen, matvæla- og um-
hverfisráðherra, tilkynntu báðir á
þriðjudaginn að þeir hygðust yfir-
gefa dönsk stjórnmál. Larsen hafði
átt erfitt uppdráttar í embætti síð-
ustu mánuði, en Pind, sem var eitt
sinn ein helsta vonarstjarna Ven-
stre, sagði í fyrradag að hann hefði
einfaldlega misst eldmóðinn fyrir
stjórnmálunum og vildi finna sér
annan starfsvettvang.
Jakob Ellemann-Jensen, sem áð-
ur var talsmaður flokksins, mun taka
við starfi Larsens, en jafnframt var
tilkynnt að systir hans, Karen Ell-
emann myndi hætta sem sjávarút-
vegs, jafnréttis- og Norðurlandaráð-
herra, en gert er ráð fyrir að hún
muni reyna að verða þingflokksfor-
maður Venstre á næsta ári. Søren
Gade, sem nú gegnir embættinu,
mun að öllum líkindum bjóða sig
fram til Evrópuþingsins þá og segja
um leið af sér þingmennsku í Dan-
mörku. Sagði Rasmussen að hann
vonaðist til að Ellemann hlyti emb-
ættið, en hún yrði þá fyrsta konan í
sögu Venstre til þess að gegna því. Í
hennar stað skipaði Rasmussen Evu
Kjer Hansen í embættið, en hún hef-
ur setið í ríkisstjórn tvisvar áður.
Þá tilkynnti Rasmussen að við-
skiptamaðurinn Tommy Ahlers
myndi taka við ráðuneyti Sørens
Pind. Ahlers situr ekki á þingi, en
verður í framboði í næstu þingkosn-
ingum, sem eiga að fara fram í síð-
asta lagi hinn 17. júní 2019.
Óvænt uppstokkun
á ríkisstjórninni
 Tveir ráðherrar
sögðu af sér 1. maí
í Danmörku
AFP
Uppstokkun Lars Løkke Rasm-
ussen kynnti í gær nýju ráðherra-
efnin (f.v.), Tommy Ahlers, Jakob
Ellemann-Jensen og Evu Kjer Han-
sen fyrir framan Amalíuborg.
Að minnsta kosti 12 manns létust og
sjö til viðbótar særðust þegar sjálfs-
vígssprengjumenn réðust á lands-
kjörstjórn Líbíu í Trípólí í gær.
Hryðjuverkasamtökin Ríki íslams
lýstu yfir ábyrgð sinni á verknaðin-
um og sögðu hann vera lið í því að
ráðast á kjörstaði víðsvegar um Mið-
Austurlönd og arabaheiminn.
Tildrög ódæðisins voru þau að
tveir menn réðust á byggingu kjör-
stjórnarinnar um hádegisbilið að ís-
lenskum tíma í gær. Skutu þeir sér
leið inn í bygginguna áður en þeir
sprengdu sjálfa sig í loft upp.
Hin opinbera ríkisstjórn landsins
fordæmdi verknaðinn sem heiguls-
verk og lýsti því yfir að stjórnin
myndi áfram styðja við lýðræðislega
þróun landsins.
Kjörstjórnin sendi frá sér yfirlýs-
ingu um að öll gögn hennar væru
örugg, og að hún væri reiðubúin til
þess að skipuleggja kosningar hve-
nær sem boðað yrði til þeirra.
12 látnir
eftir sjálfs-
vígsárás
 Ríki íslams lýsir
yfir ábyrgð