Morgunblaðið - 03.05.2018, Síða 74

74 ÍSLENDINGAR
MORGUNBLAÐIÐ FIMMTUDAGUR 3. MAÍ 2018
Í þessum töluðum orðum erum við hjónin hér á gangi í miðborgKaupmannahafnar. Það er ljúft að skreppa svona og njóta þessað vera til. Maímánuður fer reyndar allur í ferðalög, því fljótlega
eftir þessa Danmerkurferð ætlum við til Tenerife í sólina. Þetta er
bara skemmtilegt,“ segir Benedikt Kolbeinsson, bóndi á Votumýri á
Skeiðum, sem er sjötugur í dag.
Benedikt er frá Selfossi, er vélvirki að mennt og með meistarabréf
upp á vasann. Hann tók þó snemma stefnu í sveitina. Þau Sigurlín
Grímsdóttir kona hans hófu búskap á æskuslóðum hennar á Neðra-
Apavatni í Grímsnesi árið 1972. Fluttu svo árið 1975 að Votumýri þar
sem Benedikt á rætur – og byggðu þar upp myndarlegt bú.
„Mig langaði til þess að prófa búskap í sveit og sú tilraun stendur
enn. Við vorum hér lengi með stórt bú á Votumýri, oft um fjörutíu kýr
og ársnytin var þegar best lét um 7.000 mjólkurlítrar. Allt í tilverunni
hefur þó sinn tíma og við hættum með kýrnar í fyrravetur og seldum
mjólkurkvótann. Núna er ég bara með eldi á kálfum og nautum sem
ég sel í sláturhúsið. En lífið er ekki bara búskapur og auðvitað á ég
áhugamál; mér hefur alltaf fundist gaman að taka ljósmyndir,
skreppa á hestbak og ferðast, hvort sem það er innanlands eða til út-
landa,“ segir Benedikt. Þau Benedikt og Sigurlín eiga tvær dætur,
Þórunni Selmu og Ingibjörgu Ebbu, sem báðar eru uppkomnar og búa
í Reykjavík. sbs@mbl.is
Morgunblaðið/Sigurður Bogi
Bóndinn Mér hefur alltaf fundist gaman að ferðast, segir Benedikt.
Vélvirki sem varð
bóndi á Skeiðunum
Benedikt Kolbeinsson er 70 ára í dag
G
ísli Viggósson fæddist í
Reykjavík 3.5. 1943,
ólst fyrstu árin upp á
Leifsgötu 10, en 1948
flutti fjölskyldan að
Mávahlíð 24, þar sem Gísli átti
heima fram á unglingsár: „Hlíðarnar
voru skemmtilegar bernskuslóðir.
En skugga bar á þegar ég missti
móður mína er ég var átta ára. Sem
betur fer eignuðumst við systkinin
stjúpu sem reyndist okkur af-
skaplega vel.
Ég var í sveit á sumrin. Fyrst hjá
frændfólki á Ausu í Borgarfirði, síð-
an hjá frændfólki í Öxl í Húnaþingi,
þá á Flóðatanga í Stafholtstungum
og síðasta sumarið á Vallá á Kjalar-
nesi, þá orðinn 14 ára. Ég á mjög
góðar minningar frá þessum sumr-
um. Í Öxl var ég hjá öldruðum bónda
sem hafði brugðið búi en hafði unun
af verklagi gamla tímans, að slá með
orfi og ljá og hlaða torfhleðslur, sem
ég fékk að taka þátt í.“
Gísli var í Austurbæjarskóla,
Gagnfræðaskóla Austurbæjar, lauk
stúdentsprófi frá ML 1964, fyrri-
hlutaprófi í byggingarverkfræði frá
HÍ 1967 og MSc-prófi frá Tækni-
háskólanum í Þrándheimi (NTH)
1970.
Gísli fór ungur til sjós á togara
með föður sínum, sem og með Jón-
mundi Gíslasyni, föðurbróður og
skipstjóra. Á sjónum heillaðist hann
af haföldunum og brotöldum en
glíman við öldurnar hefur orðið
meginstarfsvettvangur hans.
Í framhaldsnámi í Þrándheimi
kynntist Gísli þeim manni sem mót-
aði hann hvað mest sem verkfræð-
ing, prófessor Per Bruun, sem var
alþjóðlegur ráðgjafi í hafnargerð og
gerð sjóvarna. Hann var lærifaðir
Gísla í faginu og þeir urðu mjög nán-
ir samstarfsfélagar í áratugi og Per
mikill vinur þeirra hjóna alla tíð.
Gísli var lengst af verkfræðingur
hjá Hafnamálastofnun, síðar Sigl-
ingastofnun, þar sem hann stýrði
rannsóknar- og þróunarsviði stofn-
unarinnar 1986-2013. Hann átti
frumkvæði að líkantilraunum af
höfnum og rannsóknum á hreyf-
ingum fiskiskipa í höfnum og notkun
og þróun nýrrar gerðar brimvarn-
argarða úr stórgrýti hér á landi og
víðar, svonefndum bermugörðum.
Dæmi um slíka garða er að finna við
ýmsar erfiðar innsiglingar fyrir
opnu hafi, s.s. um Hornafjarðarós,
Grindavíkurhöfn og Landeyjahöfn.
Gísli hafði umsjón með tveimur al-
þjóðlegum ráðstefnum á Hornafirði
1994 og 2005 og hefur ritað fjölda
fræðigreina í erlend fagtímarit. Hjá
Siglingastofnun leiddi Gísli þróun
upplýsingakerfis um veður og sjólag
til að auka öryggi sjófarenda. Hann
hafði einnig umsjón með „Áætlun
um öryggi sjófarenda“.
„Það hefur verið einstaklega
áhugavert og krefjandi að starfa á
þessum vettvangi, við rannsóknir og
líkantilraunir af mörgum höfnum
landsins, og að öryggismálum sjófar-
enda. Ótrúlegur árangur hefur náðst
Gísli Viggósson verkfræðingur – 75 ára
Stórfjölskyldan Gísli og Kristín með sonum sínum, tengdadætrum og barnabörnunum á Ítalíu, árið 2015.
Glímt við brotsjói Ægis
Hafið bláa hafið Gísli og Kristín í
siglingu úti á Flórída um páskana.
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Börn og brúðhjón
Allir þeir sem senda blaðinu
mynd af nýjum borgara eða
mynd af brúðhjónum fá fría
áskrift að Morgunblaðinu í
einn mánuð.
Hægt er að senda mynd
og texta af slóðinnimbl.
is/islendingar eða á
islendingar@mbl.is
Á „Íslendinga“ síðum
Morgunblaðsins er
meðal annars sagt frá
merkum viðburðum
í lífi fólks, svo sem
hjónavígslum,
barnsfæðingum
eða öðrum
tímamótum.