Skírnir - 01.09.2017, Qupperneq 97

361„ef að jeg fengi frá þér blað …“
stundum orðaeldur, hvort sem hann var sprottinn af einlægri ást
eða tilfallandi ástríðum manns og konu.“25 Svona eldur brann aldrei
í bréfum eða kvæðum Gröndals til Sigríðar en daður var það engu
að síður og skáldlegur leikur sem ætlað var að skemmta vinkonunni
með og sjálfum sér um leið.
Lokaorð
Saga Benedikts Gröndals og Sigríðar E. Magnússon sýnir hvernig
kynni ungs fólks í Reykjavík leiða til ævilangrar vináttu og sam-
bands sem haldið er við með bréfasendingum þegar fjarlægðin
skilur að. Gröndal finnur í bréfaforminu meira frelsi en í hefð -
bundn um greinum bókmennta og hefur þar meira svigrúm. Að
vissu leyti eru bréfin tilraunavettvangur fyrir hugmyndir og stíl eins
og vel kemur fram í ljóðrænni útleggingu hans á sögunni eftir Edgar
Allan Poe. Hann breytir þar um stíl og kveðskaparlag eftir því sem
sögunni vindur fram. Í sama ljóðabréfi frá 1859 býr hann til róm-
antískar hugarhallir og ímyndað landslag að hætti skálda eins og
S.T. Coleridge. Í öðru ódagsettu ljóðabréfi er textinn framúrstefnu -
legur og ortur á tilbúnu tungumáli. Afmæliskvæðin bera síðan vott
um nánd og umhyggju en einnig glettni og uppátækjasemi. Í af-
mæliskvæðinu 17. mars 1855 lofsyngur Gröndal tónlistargáfur
Sigríðar og gerir gítarinn að hörpu með tilvísunum í menningar-
heim og goðafræði evrópskrar fornklassíkur. Hann lætur listakon-
una taka við hljóðfærinu úr hendi föður síns sem er enginn annar en
guðinn Seifur. Skáldið beitir sögulegum samslætti í fleiri afmælis -
kvæðum til hennar og sýnir hana m.a. í góðum félagsskap Appol-
lós og Flóru. Ekki fer á milli mála að Gröndal hafði mikið dálæti á
Sigríði og hún hefur verið óvenjuleg og heillandi kona eins og lífs-
hlaup hennar sýnir best. Gröndal skrifaði manni hennar Eiríki
Magnússyni einnig mörg og efnismikil bréf eins og áður segir, en
skírnir
25 Erna Sverrisdóttir 2000: 48. Hún segir ennfremur (50): „Það bendir allt til þess
að Ólöf hafi elskað Þorstein í hjarta sínu, en hann aldrei elskað hana. Þorsteinn
hafði örlítinn áhuga á henni, allra fyrst, til þess eins að styrkja sína eigin sjálfs-
mynd og fá útrás fyrir kynferðislegar langanir.“
Skírnir HAUST 2017 (13.10.2017).qxp_Layout 1 20.10.2017 13:46 Page 361