Skírnir - 01.09.2017, Side 107

371ætti að banna pólitískan rétttrúnað?
Í leit sinni að svörum velur Schenz þá aðferð að greina um -
ræðuna um pólitískan rétttrúnað í Bandaríkjunum og hvernig hún
endurómaði í Þýskalandi á árunum 1989–1993. Hún bendir á að
vestanhafs hafi fjölmiðlaumræðan um pólitískan rétttrúnað hafist
fyrir alvöru árið 1991 þegar þar kom út ritið Illiberal Education:
The Politics of Race and Sex on Campus eftir Dinesh D’Souza (1991).
D’Souza samdi það eftir að hafa rannsakað áhrif pólitísks rétt-
trúnaðar innan sex helstu háskóla Bandaríkjanna, þ.e. Berkeley,
Stanford, Howard, Michigan, Duke og Harvard (Schenz 1994: 18).
Þar heldur hann því fram að búið sé að stofnanavæða marga mæli-
kvarða pólitísks rétttrúnaðar. Þannig sé þeim ekki einungis fylgt við
val á stúdentum, starfsliði og kennurum við viðkomandi háskóla-
stofnanir, heldur fyrir allt starf þeirra. Þessi miklu áhrif sem D’Souza
vill sýna fram á valda því, að mati Schenz, að umræðan um póli-
tískan rétttrúnað nær mikilli útbreiðslu því í kjölfar hennar hefur
mikill fjöldi greina, jafnt í fræðiritum sem tímaritum og blöð um,
verið skrifaður um efnið. Schenz telur þó að það sem einkenni flesta
höfunda á þessu sviði sé tilhneiging þeirra til að „leggja meira upp
úr eigin mati en greining á því sem hreyfingin stendur fyrir“ (Schenz
1994: 21).
Schenz greinir frá því hvernig fulltrúar pólitísks rétttrúnaðar hafi
beitt sér fyrir því að námsefni í háskólum yrði lagað að því sam-
félagi fjölhyggju og fjölmenningar sem einkenni æ meir samtímann
(Schenz 1994: 24), meðal annars með því að afbyggja margt sem
áður var talið sjálfgefin evrópsk hugsun. Meðal sjónarmiða þeirra var
að jafnrétti til náms yrði einungis tryggt með því að taka mið af kyni
og uppruna nemenda, kennara og annars starfsfólks og því verði að
hverfa frá hvers kyns matskerfi sem sé sérsniðið að þörfum og hags-
munum hinnar hvítu valdastéttar við val á nemendum til háskóla-
náms og tilhögun alls náms. Endurskoða bæri allt námsefnið því að
rit dauðra hvítra karla endurspegli tæpast reynsluheim allra nem-
enda- eða samfélagshópa. Fulltrúar pólitísks rétttrúnaðar vildu að
sögn Schenz rétta þessa slagsíðu af „með því fyrst og fremst að
leiðrétta tungumálið og hegðun fólks til þess að minnihlutahópum
[…] yrði hlíft við meintri mismunun af hálfu meirihlutans“ (Schenz
1994: 26).
skírnir
Skírnir HAUST 2017 (13.10.2017).qxp_Layout 1 20.10.2017 13:46 Page 371