Tímarit Máls og menningar - 01.05.2018, Síða 50

K r i s t í n Ó m a r s d ó t t i r
50 TMM 2018 · 2
Hvaða lifandi mannveru dáist þú mest að?
Áður en mamma dó dáði ég hana mest. Má ég elska hund mest, bolabítinn
minn hana Honey?
Já. Ertu pólitísk?
Auðvitað. Ég fyrirlít ranglæti.
Ertu femínisti?
Algjörlega.
Viltu breyta heiminum?
Hann er að breytast en ég veit ekki í hvað.
Er öðruvísi að vera rithöfundur af kvenkyni en af karlkyni? Hver er munur
á stöðu karl- og kvenhöfunda?
Kvenkyns höfundur verður að vita meira og verður að vera betri höfundur
en karlkyns til þess að verða gefinn út, konurnar slíta sér út inní kerfi sem
reynir að fela þessar staðreyndir. Ég held að bestu rithöfundarnir séu konur.
Skiptir stéttauppruni máli til að verða rithöfundur í Bandaríkjunum?
Auðvitað! Listkennsla í Bandaríkjunum fyrir fátæka er annaðhvort æðisleg
eða engin. Hið mikla verkefni Ameríku er að hefja alla upp til virðingar en
enginn er samt sammála um hverjir þessir – allir – eru. Hér búa krakkar sem
að steðja miklar hættur, þau eru mjög mörg og ósýnileg og hvergi er minnst
á þau – einsog t.d. á verndarsvæðunum – þau hafa engan vettvang. Ég held
samt að krakkar úr lágstéttunum og verkamannastéttunum sjái þetta vel og
sýnir þeirra geti skapað nýjar sýnir. Sýnir hinna vel menntuðu millistétta og
yfirstéttakrakka eru oftar en ekki mataðar sýnir – eldissýnir. Það eru meiri
líkur á því að þú breytir heiminum ef þú ert frík. Til þess að hafa sýn er nauð-
synlegt að vera frík eða engill eða eitthvað.
Þið búið ekki við samskonar styrkjakerfi og rithöfundar og listafólk á
Norðurlöndunum. Geturðu útskýrt hvernig maður verður rithöfundur og
framfleytir sér sem rithöfundur hér í Ameríku?
Þú verður að vera útsjónarsöm og þú verður að láta líta útfyrir að þú sért
að gera eitt um leið og þú ert að gera annað og þetta annað vex í myrkrinu og
vonandi tekst þér að færa það til ljóssins áður en það eyðileggur þig.
Skiptir félagslíf rithöfundarins máli fyrir lífsbaráttu hans?
Já, þegar maður er ungur heldur maður að maður verði að gera þetta einn
og sjálfur og þannig fara margir útá kantinn. Að hitta vini þegar maður er
nógu ungur til að verða gagntekinn af vinum sínum er besta gjöfin í heim-