Heimsmynd - 01.08.1994, Side 98

Hjá flestum menningarþjóðum heims þykir sjálfsagt að hafa
borðvín með mat. Vínnotkun á Islandi hefur nú á seinni árum
færst í menningarlegra horf og hafa margir gaman og gott af
borðvíni þegar veislumatur er á boðstólum. Matar- og vínklúbb-
urinn tekur þátt í þeirri jákvæðu vínmenningu sem er að skapast
hér á landi og smakkar nú sem endranær á nokkrum léttvínsteg-
undum. Að þessu sinni leiðir Börkur Aðalsteinsson hópinn en
hann er sem kunnugt er annar helmingur vínskóla EB sem hef-
ur boðið landanum uppá vínsmökkunamámskeið síðustu niiss-
eri. Gestasmakkarar koma að þessu sinni frá Grillinu á Hótel
Sögu, Baldur Sæmundsson, yfirþjónn, og Nanna Snorradóttir,
þjónn. Sigurður L. Hall er sem áður fulltiúi Matar- og vínklúbbs-
ins. Vínin koma frá ýmsum áttum, Frakklandi, Astralíu, Ung-
verjalandi og Bandaríljunum. Þar sem annað er ekki tekið fram
eru vínin af frísvæði og ekki í hillum ATVR. Auðvelt er þó að
kaupa vínin og er allar upplýsingar þar að lútandi að finna hjá
umboðsaðila vínanna Júlíus P. Guðjónssyni, í síma 619484.