Saga - 2016, Page 72

um líkindum í sinni fyrstu utanlandsferð. Hvað olli því að tvímenn-
ingarnir vildu ekki verða leikkonunni samferða til Berlínar kemur
hins vegar ekki fram en ljóst er að Ingibjörg var komin til Berlínar
um miðjan september.62
Á þessum tíma stóð Weimarlýðveldið á brauðfótum. Mikil átök
voru milli andstæðra stjórnmálafylkinga og mögnuðust enn frekar í
kjölfar verðhrunsins á Wall Street í október þetta sama ár. Í borg inni
kynntist Ingibjörg félagsstarfi þýskra kommúnista en hugur hennar
leitaði lengra. Hún vildi komast til Sovétríkjanna. Þangað hélt hún í
janúar 1930 til sjö vikna dvalar. Í skugga alltumlykjandi lögregluríkis
og víðtækrar miðstýringar var efnahagslegur uppgangur í Sovét -
ríkjunum á þessum árum. Heimsóknin varð því ekki til að draga úr
aðdáun Ingibjargar á ráðstjórninni. Hún heillað ist af því sem henni
var sýnt en auk þess sótti hún leikhús, kvikmynda hús og aðra
menningarviðburði. ekki er ljóst hvernig hugmyndin að þessari för
varð til, hvort hún kviknaði hjá Ingibjörgu sjálfri eða einhverjir
stungu upp á þessu við hana. Aðeins er vitað að Jens Figved skipu-
lagði dvölina en hann var þá eini íslenski nemandinn í þjálfun þar
eystra og því mikilvægur tengiliður við komintern. Sagðist hann
hafa haft nóg að gera á meðan Ingi björg dvaldi í Moskvu.63 Í bréfi
til Brynjólfs Bjarnasonar frá 6. febrúar 1930 sagði Jens:
Jeg ætla að skjóta því hjer inn í á meðan jeg man. Ingibjörg Steinsdóttir
er hjerna og hefir verið hjer tæpa viku, hún fer hjeðan e. þann 20. Áður
en hún kom hingað skýrði jeg „sekreteren“ í „komintern“ frá því
hvernig hún væri, að maðurinn hennar væri centristi o.s.frv. Við urðum
ásáttir um að taka henni vel, þó það máske lítinn árangur hefði, gæti
það þó ekki skaðað. Hún býr hjer á skólanum og nýtur allra hlunninda
sem kommúnistar er hingað koma njóta. Hún hefir töluvert umgengist
kommúnista í Berlín og orðið þar fyrir einhverjum áhrifum. Jeg hefi
vísað henni til þín sem hins rjetta, til að fá leiðbeiningu etc. eftir að hún
kemur heim. Jæja nóg um hana.64
Orðin sem Jens notar um Ingibjörgu er vert að skoða nánar. Hann
skilgreinir hana út frá stöðu eða viðhorfum eiginmannsins fremur
ingibjörg sigurðardóttir og páll …70
62 Á.Ó., „Glímuför Ármenninga um Þýskaland“, Morgunblaðið 13. október 1929,
bls. 3–4.
63 H.skj.Ísaf. kS 1887/417. Bréfasafn Halldórs Ólafssonar 1928–1929. Jens Figved
til Halldórs 16. júní 1930.
64 Lbs. Lbs. 26 NF: Bréfasafn Brynjólfs Bjarnasonar. Jens Figved til Brynjólfs Bjarna -
sonar 6. febrúar 1930.
Saga vor 2016.qxp_Saga haust 2004 - NOTA 17.5.2019 10:09 Page 70