Saga - 2016, Síða 119

Lokaorð
Til þessa hafa fræðimenn einkum einbeitt sér að verslun englend -
inga hér á landi og fiskveiðum þeirra á Íslandsmiðum sem og þeim
stjórnmálaflækjum sem fylgdu í kjölfarið enda aðrar heimildir um
samskipti þjóðanna takmarkaðar. Upplýsingarnar í England’s Immi -
grants sýna fram á mun fjölbreyttari tengsl. Það voru ekki bara
höfðingjar og fyrirmenn sem áttu í samskiptum við englendinga
heldur einnig fólk af lægri stigum.
Á 15. öld og fram á þá 16. flutti umtalsverður hópur Íslendinga
til englands í framhaldi af miklum umsvifum enskra kaupmanna
og fiskimanna hér á landi. Þótt heimildir bendi til þess að nokkrum
þeirra hafi verið rænt eða þeir blekktir til að yfirgefa fósturjörðina
má ætla að flestir þessara einstaklinga hafi farið af fúsum og
frjálsum vilja í því skyni að bæta stöðu sína og í leit að betra lífi. eins
og títt var um innflytjendur af öðru þjóðerni unnu flestir þeirra við
störf í neðstu lögum samfélagsins eftir komuna til fyrirheitna lands-
ins, voru þjónar, vinnumenn og vinnukonur. Lausleg könnun á sam-
setningu innflytjenda frá öðrum löndum, sem er að finna í gagna-
grunninum, leiðir svipað í ljós þótt samsetningin sé nokkuð mis-
munandi eftir þjóðerni.
Í gagnagrunninum England’s Immigrants er að finna upplýsingar
um a.m.k. 155 Íslendinga en næsta víst er að þeir hafa verið talsvert
fleiri sem hleyptu heimdraganum. Flestir þeirra sem þar er getið
settust að í og nálægt hafnarborgunum Hull og Bristol og svo í
London. Um flest af þessu fólki er fátt vitað annað en nafnið, hve -
nær það var í englandi og hvar það dvaldist á þeim tíma. Um þó
nokkra er hægt að grafa upp viðbótarupplýsingar svo sem nákvæm-
ara heimilisfang, starf og stöðu, hvort viðkomandi hélt heimili eða
hvert var nafn húsbónda eða húsmóður ef viðkomandi var í þjón-
ustustörfum á heimilum betri borgara.
engar beinar upplýsingar er hins vegar að finna um hvernig
þeim vegnaði í nýjum heimkynnum en þó má ráða af ýmsu því sem
er að finna í gagnagrunninum að þó nokkrum hafi tekist bærilega
að koma undir sig fótunum, hasla sér völl og aðlagast ensku sam-
félagi. Þar er þó allnokkur munur á eftir svæðum. Þeim sem settust
að í east Riding vegnaði að því er virðist betur en öðrum. Þar eru 13
manns sem halda heimili og tveir Íslendinganna á þessum slóðum
fengu ríkisborgararétt. Aðeins einn Íslendinganna í London heldur
heimili en enginn af öllum þeim sem bjuggu í Bristol. Hér er þó rétt
að hleypa heimdraganum 117
Saga vor 2016.qxp_Saga haust 2004 - NOTA 17.5.2019 10:09 Page 117