Strandapósturinn - 01.06.2014, Síða 11

9
Brynja Bjarnadóttir
Sumarferð
Átthagafélags
Strandamanna
21.–23. júní
2013
Sumarferð Átthagafélagsins 2013 var til Vestmannaeyja um Land-
eyjahöfn. Þetta var þriggja daga og tveggja nátta ferð 21.–23. júní.
Einungis 17 ferðafélagar voru í þessari ferð og tveir fóru heim á
öðrum degi vegna veikinda. Þetta breytti þó ekki því að þeir sem
voru þarna á ferð voru komnir til að njóta íslenskrar náttúru og
ferðast með góðum félögum.
Við hófum sem sagt ferðina í Reykjavík og keyrðum sem leið
lá í Landeyjahöfn. Siglingin gekk vel og var gaman að koma til
Eyja frá þessari höfn en fæstir höfðu farið leiðina áður. Við komuna
til Eyja kom til okkar í rútuna Unnur Ólafsdóttir en hún og maður
hennar, Sigurmund ur Einarsson, voru fararstjórar okkar í þessari
ferð. Unnur lóðsaði okkur létt í gegnum bæinn og fylgdi okkur
að Hótel Hamri þar sem við gistum báðar næturnar. Við komum
okkur fyrir á hótelinu og skoðuðum nánasta umhverfi. Við vorum
heppin hvað allir í hópnum voru léttir á sér því að hótelið var
á þremur hæðum og herbergin á 2. og 3. hæð. Hótelhjónin,
þau Svava og Hilmar, voru einstaklega indæl og höfðu gaman af
hvað allir höfðu mikinn áhuga á staðnum en þau eru að gera
hann upp. Um kvöldið fórum við svo í mat á veitingastaðnum
Einsa kalda en þar borðuðum við bæði kvöldin. Þarna var allt til
fyrirmyndar og þjónustan alveg frábær. Lítill hópur ungra manna
var þarna líka og voru þeir að „steggja“ einn vin sinn. Þessir ungu