Strandapósturinn - 01.06.2014, Blaðsíða 30

28
Átthagafélagsins. Vonandi þykir þeim sem til þekkja gaman að
rifja upp þetta tímabil í sögu félagsins en fyrst og fremst vonast
ég til að geta lagt mitt af mörkum til að skila sögu félagsins inn í
framtíðina fyrir áhugasama lesendur Strandapóstsins.
Þorrablót
Félagið hefur staðið fyrir þorrablóti á hverju ári og komst sú
hefð á fljótlega eftir að það var stofnað eftir því sem ég best
veit. Þegar ég kom inn í skemmtinefndina á sínum tíma var
þorrablótið með öðru sniði heldur en er nú því að þá var hvorki
keyptur tilbúinn matur né veitingaþjónusta. Skemmtinefndin sá
alfarið um allan undirbúning, veitingar og þjónustu á meðan á
þorrablótinu stóð. Hið eina sem var aðkeypt var salurinn, hrá-
efni í matargerð og hljómsveit.
Skipulagning fyrir þorrablótið byrjaði oftast þegar stjórn og
skemmtinefnd hittust á haustin og voru línur vetrarstarfsins þá
lagðar. Sal þurfti að bóka með góðum fyrirvara og var það jafn-
vel gert árið áður en yfirleitt dugði að bóka hljómsveit með
minni fyrirvara. Aðalundirbúningurinn fyrir þorrablótið byrjaði
yfirleitt í vikunni fyrir þorrablótshelgina. Þá var farið að útvega
hráefni í matargerðina og annað sem þurfti vegna borðhaldsins.
Matseldin sjálf fór að mestu fram á föstudeginum, daginn fyrir
blótið. Allur matur var soðinn, skorinn og hafður til heima hjá
einhverjum í skemmtinefndinni og farið með hann daginn eftir
í veislusalinn. Um hádegið á laugardeginum var mætt í salinn
til að undirbúa borðhaldið og gera klárt fyrir kvöldið. Seinni
partinn skutumst við í skemmtinefndinni svo aðeins heim til að
skipta um föt og gera okkur klár fyrir kvöldið. Þar sem engin
veitingaþjónusta var keypt til verksins þurfti skemmtinefnd að
sjá um þau verk á meðan á veislunni stóð. Það þurfti að bera
fram nýtt á borðin og bæta á bakkana, vaska upp og ganga frá.
Það var því ekki fyrr en upp úr miðnætti sem skemmtinefndin
komst að einhverju ráði fram í sal til að skemmta sér.
Þegar ég kom inn í skemmtinefnd var félagsstarfið nokkuð
kynjaskipt eins og tíðarandinn var á þeim tíma. Það voru því
lengst af nær eingöngu karlmenn í stjórn félagsins og konur í
skemmtinefnd. Þetta breyttist aðeins þegar við fórum að láta
stjórn og skemmtinefnd vinna saman þar sem allur hópurinn