Strandapósturinn - 01.06.2014, Blaðsíða 27

25
saman Gloria og Sanctus úr messu eftir sænska tónskáldið og
kórstjórann Robert Sund og stjórnaði hann sjálfur flutningi. Í
lokin sungu kórarnir og áheyrendur saman fjögur lög: „Heyr
himnasmiður“, „Smávinir fagrir“, „Maístjarnan“ og „Snert hörpu
mína“. Í lokin sungu síðan allir saman íslenska þjóðsönginn. Að
taka þátt í kórahátíð sem þessari, þar sem yfir 20 kórar alls staðar
að af landinu koma saman, er mjög ánægjulegt og gefandi. Allt
skipulag var vel undirbúið og gekk upp eins og best verður á
kosið og það var greinilegt að áheyrendur kunnu vel að meta
framtakið og þökkuðu fyrir sig með löngu, dynjandi lófaklappi.
Eftir kórahátíðina tóku við æfingar fyrir aðventuhátíðina sem
haldin var í Bústaðakirkju sunnudaginn 8. desember. Gunnar
Guðbjörnsson söng einsöng með kórnum, undirleikari var Vilberg
Viggósson og hugvekjuna flutti að þessu sinni Haraldur Hreinsson
guðfræðingur. Að venju átti barnakórinn sinn fasta sess á hátíð-
inni þar sem hann söng sig inn í hug og hjörtu hátíðargesta.
Stjórnandi beggja kóranna var Ágota Joó. Að lok inni dagskrá í
kirkjunni buðu kórfélagar hátíðargestum til kaffi hlaðborðs í
safnaðar heimilinu. Það er ánægjulegt til þess að vita að margir
Strandamenn og aðrir velunnarar kórsins telja aðventuhátíðina
ómissandi lið í undirbúningi jólahátíðarinnar og fóru heim með
þann fallega jólaanda sem aðventuhátíðin skapaði.
Í lokin er ánægjulegt að geta þess að nú á haustdögum gengu
til liðs við kórinn nokkrir gamlir og nýir félagar því að það er
alltaf uppörvandi að finna kórinn stækka og eflast. Með að ventu-
hátíðinni hljóðnuðu tónar kórsins starfsárið 2013 og fyrir hans
hönd eru Átthagafélagi Strandamanna færðar góðar þakkir fyrir
stuðninginn á árinu og einnig öllum þeim sem glatt hafa okkur
með nærveru sinni þegar kórinn hefur komið fram.
Haukur Guðjónsson
formaður