Strandapósturinn - 01.06.2014, Blaðsíða 24

22
ferðafélagar ákváðu að fara líka svona snemma og nýta tímann
fram að tónleikum til að skoða sig um í tónleikahúsinu eða
næsta nágrenni. Þarna hittust kórarnir tveir, þ.e. Kór Átthagafélags
Strandamanna og Karlakór Keflavíkur, í fyrsta sinn en síðarnefndi
kórinn hafði komið til borgarinnar daginn áður. Kórarnir tóku
stutta æfingu hvor í sínu lagi og síðan æfðu þeir saman þau tvö
lög sem ákveðið hafði verið að syngja sameiginlega. Þarna var
einnig ákveðið að Kór Átthagafélags Strandamanna væri með
sína söngskrá fyrir hlé og eftir hlé kæmi Karlakór Keflavíkur með
sína söngskrá og í lokin væri samsöngur kóranna. Tónleikarnir
hófust kl. 19 og var sungið fyrir fullu húsi tónleikagesta sem tóku
söng kóranna með miklum ágætum og greinilegt var hve vel allir
nutu stundarinnar. Ekki síðri var ánægja kórfélaga sem „svifu um
á bleiku skýi“ í lokin eins og einn ágætur kór félagi komst að orði.
Að loknum tónleikum var sameiginlegur hátíðarkvöldverður beggja
kóra og annarra ferðafélaga í „hvíta sal“ Arkitekta hallar innar.
Höllin er íburðarmikil og mikið skreytt bæði á veggjum og í lofti
að ógleymdum stórglæsilegum kristalsljósakrónum sem hanga
voldugar yfir hverju tíu manna borði. Að loknum aðalrétti var
óvænt uppákoma þegar Pétur Óli bauð gestum nokkuð leyndar-
dómsfullur að ganga inn í annan sal í höllinni. Þegar þangað var
komið var gestum boðið til sætis framan við nokkuð stórt svið en
þar birtist Sellósveit Sankti Pétursborgar, sú sama og hélt tónleika
í Hörpu í Reykjavík mán uði áður. Sveitin spilaði nokkur lög og
þar á meðal mjög skemmtilega útsetningu eins meðlima selló-
sveitarinnar á laginu „Á Sprengisandi“ og enda punkturinn var
síðan flutningur þeirra á íslenska þjóð söngnum. Eftir þessa
óvæntu og einstaklega vel heppnuðu uppákomu var aftur farið í
„hvíta salinn“ og lokið við borðhaldið. Þar með skildi leiðir,
Karlakór Keflavíkur var þakkað fyrir sönginn og samveruna og
Pétri Óla fyrir gott skipulag ferðarinnar, fararstjórn og ógleyman-
lega leiðsögn. Þannig lauk þessum síðasta degi Kórs Átthaga-
félags Strandamanna í Sankti Pétursborg.
Að morgni fimmtudagsins 13. júní var ekið til Tallinn í Eist-
landi þar sem áætlað var að dvelja í einn dag áður en haldið væri
heim til Íslands. Ferðin til Tallinn tók sjö tíma og þegar ekið var
um sveitir Rússlands í átt að landamærunum versnaði vegurinn
sífellt og greinilegt að viðhald hans hafði lengi setið á hakanum.