Strandapósturinn - 01.06.2014, Side 26

24
Nú rann upp laugardagurinn 15. júní, Tallinn kvödd og
haldið niður á bryggju þar sem farið var um borð í ferju og
siglt yfir Finnskaflóa til Helsinki. Þar beið rúta sem flutti hópinn
út á flugvöll og flogið var heim kl. 15:30 með Icelandair.
Þegar hópurinn var að hefja rútuferðina heyrðust skothvellir og
umferðin stöðvaðist á kafla meðan sérsveit finnsku lögreglunnar
umkringdi bíl sem í voru menn sem höfðu komið með sömu ferju
og hópurinn. Það fór óneitanlega um suma þar sem Ís lendingar
eru blessunarlega óvanir atvikum sem þessu.
Um mánuði eftir heimkomuna barst sú sorgarfrétt að kór-
félagi um margra ára skeið, Ólafur Magnússon frá Ósi í Steingríms-
firði, hefði látist 11. júlí. Óli gekk til liðs við Kór Átthagafélags
Strandamanna árið 1995 og söng með kórnum alla tíð síðan eða í
18 ár. Óli var sendibílstjóri og einstaklega bóngóður þegar kórinn
þurfti á sendibíl að halda svo sem við flutninga á söngpöllum og
ýmsu öðru er tengdist starfsemi kórsins. Síðan var ekki liðinn
nema mánuður þegar önnur andlátsfregn barst og í það sinn
var það andlát Steins Eyjólfs Gunnarssonar en hann hafði sungið
með kórnum í um 40 ár. Steinn var gerður að heiðursfélaga í
kórnum á vortónleikum 2008 þegar kórinn átti 50 ára afmæli.
Þegar Steinn byrjaði í kórnum var Magnús Jónsson kórstjóri og
Steinn söng undir stjórn þeirra kórstjóra sem síðan hafa stjórnað
kórnum. Steinn var með í ferðinni til Sankti Pétursborgar og
naut sín vel og ekki var á honum að sjá hve alvarlega veikur hann
var greinilega orðinn. Beggja þessara ágætu félaga, sem nú eru
fallnir frá, er sárt saknað og þeim þökkuð einstaklega góð og
gefandi samvera í gegnum árin.
Þegar langt var liðið á ágústmánuð barst kórnum bréf frá
Landssambandi blandaðra kóra sem stofnað var af fimm kórum
árið 1938. Af stofnkórum er aðeins einn eftir, Sunnukórinn á
Ísafirði. Þau sem nú eru í forsvari vildu blása lífi í starfið í tilefni
þess að á árinu eru liðin 75 ár frá stofnun sambandsins. Ákveðið
var að halda upp á afmælið með því að halda kórahátíð í Hörpu
19.–20. október þar sem öllum blönduðum kórum á Íslandi var
boðin þátttaka. Kór Átthagafélags Strandamanna ákvað að taka
þátt í samsöng kóranna í Eldborgarsal Hörpu 20. október þar sem
frumflutt var lagið „Upphaf“ eftir Hreiðar Inga Þorsteinsson sem
hann samdi sérstaklega af þessu tilefni. Að auki sungu kórarnir