Strandapósturinn - 01.06.2014, Side 72

70
Ljósm.: Sigurrós M. Jónsdóttir.
Selvík og Kolbeinsárnes sunnanvert.
bókinni 1709 og sagt að ef fjárbeit er í fjöru að gagni þá verði
margar ær tvílembdar.
Rétt sunnan við bæinn gengur Kolbeinsárnes í sjó fram. Þar
mun hafa verið býli til forna er hét Auðnakot. Þess er getið í
Jarðabókinni 1709 en enginn veit hvenær þar var búið eða hvenær
það eyddist. Á nesinu er landslag fjölbreytt og sérkennilegt um -
horfs. Má þar finna kynlega kletta sem og formfagrar hamraborgir
framarlega á nesinu, þær heita Tjarnarborgir; einnig sérstæða
voga og víkur. Þar er Búðarvogur sem er höfn fyrir báta frá
náttúr unnar hendi. Þar var verstöð fram til 1926 og sennilegt að
þaðan hafi verið róið öldum saman. Við Búðarvog eru nokkrar
rústir eða tóftir af verbúðum. Fram undan nes inu er Kolbeinsárey
sem er varpland æðarfugls; einnig fjöldi hólma og skerja fyrir
landi. Til hlunninda er trjáreki, dúntekja og umtalsverð selveiði
sem ekki er lengur stunduð þar sem selskinn eru ekki lengur
markaðsvara. Sunnan við nesið er Selvík, skjólgóð og frið sæl.
Áður en vegur var færður upp fyrir Borgaborgirnar lá hann niður
að Selvík ofan í svokallaðan Prestahvamm og inn með sjónum að
Borgum.