Strandapósturinn - 01.06.2014, Side 35

33
hins vegar sú að fólk á öllum aldri sótti samkomuna og var
nafninu því síðar breytt í kaffidag fjölskyldunnar. Í daglegu tali
er þó oftast talað um kaffidaginn.
Að öðru leyti hefur fyrirkomulag og framkvæmd kaffidagsins
ekki breyst mikið frá upphafi. Kaffidagurinn hefur verið haldinn
í maímánuði á sama stað og þorrablótin. Félagsmenn hafa séð
um allan bakstur og unnið að undirbúningi og frágangi eftir
daginn. Mæting hefur yfirleitt verið mjög góð og ekki óalgengt
að um 300 til 400 manns mæti til að sýna sig og sjá aðra Stranda -
menn.
Ég vona að kaffidagurinn eigi eftir að vera hluti af starfi félags-
ins um ókomna tíð. Þegar ég tók við sem formaður tók Haraldur
loforð af mér um að það yrði aldrei selt inn á kaffidaginn á
meðan þau lifðu og hef ég staðið við það. Ég tel að það sé mjög
mikilvægt að Átthagafélagið standi fyrir að minnsta kosti einum
viðburði eins og þessum, opnu húsi þar sem fólk getur hist yfir
kaffibolla hvort sem það ætlar að stoppa í einhvern tíma eða bara
rétt að líta inn. Kaffidagurinn er allt annars eðlis en þorrablótin
Ljósm.: Helgi Jónsson.
Kökubasar til styrktar Strandaseli í kjallara Húsmæðraskólans í Reykja­
vík. Frá vinstri: Sesselja Kristinsdóttir, Arndís Guðjónsdóttir, Mundheiður
Gunnarsdóttir, Sigurlaug Þórðardóttir.