Strandapósturinn - 01.06.2014, Side 29

27
Þegar ég kom inn í skemmtinefndina árið 1982 voru talsverð
tímamót hjá félaginu þar sem nokkuð var um mannabreytingar
í stjórnum og nefndum félagsins. Félagsstarfið hafði fram að
þessu verið mjög öflugt og forverar okkar unnið gott starf fyrir
félagið. Gísli Ágústsson tók við sem formaður á sama tíma og
náðum við strax vel saman. Fljótlega var tekinn upp sá siður að láta
stjórn og skemmtinefnd halda sameiginlega fundi. Framkvæmd
þorrablótsins, eins og staðið var að því þá, hefur eflaust ýtt undir
þetta fyrirkomulag þar sem það kallaði á mjög náið samstarf
þessara tveggja hópa. Það varð síðar til þess að ekki var kallað
til fundar hjá stjórninni eða skemmtinefnd nema báðir hópar
væru boðaðir.
Það er ekki ætlun mín að gera starfi félagsins síðustu 30 árin
full skil heldur langar mig að segja stuttlega frá helstu starfs-
þáttunum eins og þeir hafa birst mér. Þar ætla ég að koma inn
á horfna starfshætti þar sem því er við komið og draga fram
einstaka viðburði frá þeim tíma sem ég var virk í starfi félagsins.
Sumt af því sem hér kemur fram er kunnugt þeim sem hafa
starfað fyrir félagið á þessum tíma eða verið virkir í félagslífi
Ljósm.: Helgi Jónsson.
Fimm formenn. Frá vinstri: Sigurbjörn Finnbogason, Gísli Ágústsson,
Guðrún Steingrímsdóttir, Þorsteinn Ólafsson, Haraldur Guðmundsson.