Strandapósturinn - 01.06.2014, Blaðsíða 25

23
Biðin við landamærin eftir leyfi til að fara yfir til Eistlands tók
um tvo tíma og greinilegt var að landamæraverðirnir voru
ekkert að flýta sér. Það versta við biðina var að ekki var hægt
að fá sér neitt að drekka og að salernisaðstaðan var vægast sagt
bágborin. Allt gekk þetta þó á endanum og nú tóku við mun
betri og greiðfærari vegir sem í ljós kom að var vegna styrkja frá
Evrópusambandinu í kjölfar inngöngu Eista nokkrum árum fyrr.
Hópurinn var kominn á hótelið í Tallinn um kl. 18 en gist var
á Hotel Sokos Viru sem er ágætis hótel og alveg í miðbænum.
Kvöldið var frjálst og notuðu flestir það til að ganga um gamla
bæinn og fá sér kvöldverð á einhverjum af þeim fjölmörgu og
góðu veitingastöðum sem þar er að finna.
Föstudaginn 14. júní var farið í skoðunarferð um gamla og nýja
bæinn í Tallinn þar sem leiðsögumaður sagði m.a. sögu gamla
bæjarins og ýmissa merkra bygginga og staða í Tallinn. Síðan
leið að síðasta kvöldi ferðarinnar og þá hittist allur hópurinn á
hótelbarnum til að eiga síðustu notalegu samverustundina og
til að kveðja þau heiðurshjónin Ágota kórstjóra og Vilberg sem
einnig var undirleikari kórsins á tónleikunum en þau ætluðu að
fljúga til Vínar árla næsta morgun.
Ljósm.: Guðni Þór Hauksson.
Kór Átthagafélags Strandamanna ásamt Karlakór Keflavíkur á tónleik­
unum í Glinka­sal Fílharmóníunnar í Sankti Pétursborg.