Víkurfréttir - 16.12.2021, Page 38
Sendum Suðurnesjamönnum okkar bestu
óskir um gleðileg jól og farsælt nýtt ár með
þökk fyrir viðskiptin á liðnum árum.
Dalsbraut 15 í Reykjanesbæ.
Fer í sölu í byrjun árs 2022.
Hugleiðing á aðventu
Elín Íris Fanndal,
formaður undirbúningsstjórnar kjördæmaráðs Flokks fólksins á Suðurlandi.
Á aðventu er okkur venju fremur
hugleikið hversu lánsöm við erum
sem getum notið þess að undirbúa
hátíð ljóss og friðar án þess að kostn-
aður setji stórt strik í reikninginn.
Eins hugsum við meira til þeirra
sem ekki eru í þeim sporum og kvíða
jólum. Allt of stór hópur barna og
fullorðinna eru því miður þannig
settur. Fátækar fjölskyldur, sem
hefur ekki tekist að leggja til hliðar
fyrir auknum útgjöldum, vanmáttur
fátækra og þörfin fyrir aðstoð verður
aldrei áþreifanlegri en í desember.
Það er að mörgu leyti enn erfiðara
að vera fátækur í dag. Börnin okkar
finna á annan hátt meira fyrir fá-
tækt. Að tilheyra stækkandi hópi fá-
tækra breytir ekki því að samfélagið
í heildina hefur það betra. Sjálfsagt
þykir að gjafir séu veglegar og við
þurfum að horfast í augu við þá stað-
reynd að meira þarf til að gleðja flest
börn í dag. Það er ekki við saklaus
börnin að sakast heldur hefur orðið
þróun í samfélaginu sem veldur því.
Félagslegur þrýstingur
vegna fátæktar
Börn og unglingar hafa á ákveðnu
tímabili mikla þörf fyrir að falla í
hópinn, það er hluti af þeirra þroska.
Persónulegt dæmi er þegar ég stökk
á tilboð á 66°N úlpu fyrir tólf ára
gamla dóttur mína. Hún var búin
að biðja um þannig úlpu lengi en ég
þrjóskaðist við vegna þess hversu
mikið úlpan kostar.
Svo fann ég þessa fínu en notuðu
úlpu á vefnum Brask og brall og
keypti hana handa skvísunni. Ráð-
villtur svipur hennar þegar ég af-
henti henni úlpuna sagði mér allt
um líðan hennar. Hún var sjálf
himinsæl en myndi vinahópurinn
samþykkja úlpuna? Hvað ef þeim
fyndist hún ljót? Hún ætlaði ekki
að fást til að fara í henni í skólann
en ég fékk hana til þess. Svo kom
hún alsæl heim, úlpan var sum sé
samþykkt af vinunum. Þá fékk ég
faðmlag og þakkir fyrir æðislega
úlpu sem hún hefur varla farið úr
síðan. Þetta atvik minnti mig ræki-
lega á hversu sterka þörf börn hafa
til að falla í hópinn, sjálfsmyndin er
svo brothætt á þessum aldri. Tilvera
barna okkar er ekki gerð auðveld á
þessu mikilvæga þroskaskeiði. Allt
áreitið er stundum nánast óbærilegt
og kröfurnar óvægnar.
Og hvað með börnin sem eiga
fátæka foreldra? Það er ekkert lítið
sem þarf útvega til að standast lág-
marksviðmið félaga og vina. Sá
hópur fær ekki tækifæri til jafns
við önnur börn, foreldrar þeirra ná
jafnvel ekki endum saman, hvað þá
að leggja til hliðar aukalega og álagið
á fjölskyldulífið er mikið. Við bætist
að fátæk börn eiga mörg hver ekki
kost á framhaldsmenntun sem í
flestum tilvikum opnar margar dyr
að lífsins tækifærum og þykir sjálf-
sögð í dag.
Þörf á samstöðu
Það er alls ekki ómögulegt að horfa
fram hjá fátækt á Íslandi vegna þess
að á mörgum stöðum erlendis er
neyðin algjör. Við sem erum betur
fjárhagslega stödd getum rétt hjálp-
arhönd erlendis án þess þó að hunsa
það að þörf fyrir aðgerðir og breytt
hugarfar er líka brýn þegar kemur
að fátækum samborgurum okkar.
Börnin okkar eru framtíð þessa
lands og þau eiga öll sem eitt að hafa
jafnan rétt á áhyggjulausri æsku og
seinna rétt til jafnra tækifæra hvert
sem hugur þeirra stefnir.
Við getum öll sammælst um að fá-
tækt er böl og gildra sem gríðarlega
erfitt er að ná sér úr.
Við getum einnig þakkað fyrir það
að Flokkur fólksins, sem berst gegn
fátækt og spillingu, hefur þegar náð
traustvekjandi fylgi á Alþingi eftir
magnaðan sigur í haust.
Betur má ef duga skal. Við
verðum að efla flokkinn enn frekar
til að hann nái því að verða það
stóra og kraftmikla umbótaafl sem
þjóðin þarfnast. Mín trú er sú að við
munum sýna áfram fram á öflugt
starf á þingi og fylgi okkar muni
áfram aukast til hagsbóta fyrir stóran
hóp sem bíður enn eftir alvöru úr-
bótum.
Ágæti lesandi!
Ég vil vekja athygli þína á því að
Flokkur fólksins hefur nú hafið und-
irbúning að stofnun kjördæmisráðs
síns á Suðurlandi. Við sem skipum
undirbúningsstjórn og tengiliðir
okkar erum spennt að hefja störf
eftir áramótin og munum að sjálf-
sögðu kanna alla möguleika á fram-
boði Flokks fólksins í komandi sveit-
arstjórnarkosningum. Hafir þú tök á
að taka þátt í öflugu og skemmtilegu
starfi í þágu þeirra sem minna mega
sín ertu velkomin(n) í okkar góða
hóp.
Árið 2022 verður án efa gjöfult
fyrir marga. Hugsjón okkar í Flokki
fólksins er að það verði gjöfult fyrir
alla. Við erum bjartsýnn og ein-
beittur hópur fólks sem ætlar sér að
vinna að tímabærri úrlausn þeirra
sem hafa orðið undir í þjóðfélagi vel-
sældar. Við krefjumst réttlætis fyrir
alla í ríku landi!
Gleðileg jól og farsælt komandi ár.
óskar Suðurnesjamönnum
gleðilegra jóla og farsældar
á nýju ári.
38 // VÍKurFrÉttir á suÐurNesJum Í 40 ár