Víkurfréttir - 16.12.2021, Page 44

Ekkert hraun hefur runnið úr gíg eldstöðvarinnar
í Fagradalsfjalli frá 18. september eða í nærri
þrjá mánuði. Talsverður hiti er þó í eldstöðinni og
ríkur myndarlega úr henni, enda ekki talin dauð
úr öllum æðum þó svo hraunrennsli nái ekki til
yfirborðs.
Eldgos hófst við Fagradalsfjall þann 19. mars
2021 kl. 20:45 í kjölfar jarðskjálftahrinu sem stóð
í nokkrar vikur þar sem skjálftarnir voru taldir í
tugum þúsunda og öflugasti skjálftinn var
5,8 stig.
Fyrsti gígurinn sem opnaðist í eldstöðinni var
sagður ræfilslegur. Síðan opnuðust fleiri gígar
en á endanum færðist virknin öll í einn gíg sem
hlóðst upp fram á haust og gjörbreytti landslagi
á svæðinu en ekki hafði gosið á Reykjanesskag-
anum í um 800 ár þar til Fagradalsfjall rumskaði.
Jón Steinar Sæmundsson, ljósmyndari okkar í
Grindavík, var við eldstöðina í Fagradalsfjalli síð-
asta föstudag. Þar smellti hann af meðfylgjandi
myndum þar sem takast á hitinn í eldstöðinni og
vetur konungur. Jón Steinar hefur verið reglu-
legur gestur við gosstöðvarnar allt þetta ár og
myndað framvindu atburðarins.
Jón Steinar Sæmundsson
44 // VÍKurFrÉttir á suÐurNesJum Í 40 ár