Víkurfréttir - 16.12.2021, Qupperneq 95

Gleðilega hátíð og farsælt
komandi ár.
Þökkum viðskiptin á árinu
sem er að líða.
Sólborg Guðbrandsdóttir, Suðurnesjamaður ársins 2020, sendi nú
fyrir jólin frá sér sjálfstætt framhald af kynfræðslubókinni Fávitar
sem kom út í fyrra. Sögur útgáfa gefur hana út.
„Bókin fjallar að mestu leyti um samskipti og sjálfsþekkingu og í henni reyni
ég að leiðbeina unga fólkinu okkar hvað varðar samskipti í kynlífi og sam-
böndum og undirstrika mikilvægi þess að við fáum leyfi fyrir öllu því sem
við gerum í tengslum við annað fólk, séum heiðarleg við hvert annað og þá
leiðrétti ég einnig ýmsar ranghugmyndir sem við fáum úr klámi.
Fyrri bókin var samansafn af kynfræðslutengdum spurningum sem ég
hafði fengið sendar til mín á samfélagsmiðlum og á fyrirlestrum. Hún er
skrifuð fyrir unglinga sem eru að stíga sín fyrstu skref í þessum málum.“
Hvernig hafa viðbrögðin verið?
„Viðbrögðin hafa verið góð. Það er ótrúlega gaman að gefa út bækur. Ég
reyndar hélt það í miðju skrifferlinu að ég fengi að ferðast um landið og hitta
fólk þegar bókin kæmi út, halda partý og svona, en svo mætti Covid-djöfullinn
eina ferðina enn svo samfélagsmiðlarnir þurfa að duga annað árið í röð, svona
að mestu leyti allavega.“
Hvað fékk þig til að henda í framhald?
„Fræðslunni er aldrei lokið. Á hverju ári verða börn að unglingum og þeir hafa
svipaðar vangaveltur um þessa hluti og þeir sem á undan komu. Heimurinn
og samfélagið er stöðugt að þróast og við þurfum að hafa okkur öll við svo
okkur takist að fylgja með. Bækurnar eru góð leið til að opna á umræður um
þessi málefni heima fyrir og í skólum og ég er viss um að þær svari mörgum
spurningum unga fólksins okkar.“
Aðeins færri fávitar fæst í öllum helstu verslunum landsins, um allt land,
t.d. Hagkaup, Bónus, Nettó, Eymundsson o.fl.
Sjálfstætt
framhald af
kynfræðslubókinni
Fávitar sem kom
út í fyrra.
Aðeins
færri
fávitar
frá Sólborgu
FIMMTUDAG KL. 19:30
HRINGBRAUT OG VF.IS
og JamestownBobba
Óskum Suðurnesjamönnum
og öðrum landsmönnum
gleðilegrar jólahátíðar
með ósk um gæfuríkt
komandi ár.
Þökkum viðskiptin á liðnum árum.
VÍKurFrÉttir á suÐurNesJum Í 40 ár // 95