Víkurfréttir - 15.12.2022, Qupperneq 25

Körfuboltakappinn Ólafur Ólafsson hlakkar til að verja tíma með konnunni sinni og
börnum og segist ekki þurfa annað. Verkfæri eru á jólagjafalistanum hans og borvél frá
konunni er eftirminnilegasta jólagjöfin sem hann hefur fengið.
Hvernig var árið 2022 hjá þér
og þinni fjölskyldu og hvað
stendur upp úr?
Það er ekki hægt að gera mikið
á veturna þegar tímabilið
stendur yfir – en fjölskyldu-
ferðalögin í sumar standa upp
úr. Okkur finnst gaman að
ferðast en við fórum til Dan-
merkur í fjölskyldufrí og fórum
svo í nokkrar skemmtilegar
útilegur líka.
Ert þú mikið jólabarn?
Já, ég er jólabarn en ekki
október/nóvember jólabarn.
Ég kemst í jólaskap/jólagírinn
1.–5. desember, eða þegar jóla-
lögin fara hljóma í útvarpinu.
Hvenær er jólatréð yfirleitt
sett upp á þínu heimili?
Það fer vanalegast upp um
miðjan desember en við ætlum
að bíða aðeins með það þar til
nær dregur þar sem við eigum
einn átján mánaða orkubolta
sem heldur að allir kringlóttir
hlutir séu boltar.
Hver eru fyrstu jólin sem þú
manst eftir – áttu einhverjar
skemmtilegar jólaminningar?
Fyrstu jólin sem ég man eftir
var þegar ég var svona sex, sjö
ára þegar ég fékk bíl í jólagjöf –
var mikil bílakarl þegar ég var
yngri.
En skemmtilegar jólahefðir?
Á aðfangadag förum við alltaf
saman í hádeginu til for-
eldra minna í möndlugraut
og hittum þar systkini mín og
fjölskyldur þeirra. Annars eru
aðrar hefðir svona frekar klass-
ískar, eins og að skreyta tréð
saman, laufabrauðshittingur
hjá tengdó og svo höfum við
Katrín alltaf tekið frá kvöld til
að horfa á The Grinch og það
hefur verið svona okkar hefð
síðan við byrjuðum saman.
Hvenær klárar þú að kaupa
jólagjafirnar?
Konan mín er mesta jólabarn
sem sögur fara af þannig hún
sér um að kaupa allar gjafir á
okkar heimili – ég þarf bara að
kaupa eina jólagjöf það er fyrir
konuna.
Hvað finnst þér vera ómiss-
andi á jólunum?
Mér finnst mikilvægt að
stoppa aðeins og njóta
samverunnar með fjöl-
skyldunni og njóta þess
að sjá börnin mín upplifa
jólin og gleðina sem fylgir.
Svo verð ég samt að nefna
mömmukökurnar hennar
mömmu líka.
Hver er eftirminnilegasta
jólagjöfin sem þú hefur
fengið?
Þegar ég fékk borvél frá kon-
unni var ég mjög ánægður.
Er eitthvað á óskalistanum
fyrir jólin í ár?
Það eru fleiri verkfæri í safnið,
ég er mjög seinn að skila
hlutum sem ég fæ að láni.
Hvað verður í jólamatinn hjá
þér á aðfangadagskvöld? Eru
hefðir í mat?
Það er verður sellerí/
sveppasúpa í forrétt, ham-
borgarhryggur í aðalrétt, svo er
Toblerone-ís í eftirrétt.
Hvað ætlar þú að gera í
kringum jólahátíðina í ár?
Ég ætla að njóta þess að verja
tíma með konunni minni og
börnum, ég þarf eiginlega
ekkert meira en það um jólin.
Mömmukökurnar
eru ómissandi um jólin
Jóhann Páll Kristbjörnsson
johann@vf.is
VÍKurFrÉttir á suÐurNesJum // 25