Fréttablaðið - 26.01.2023, Blaðsíða 32

Stjórnarkonur FKA
Félag kvenna í atvinnulífinu, FKA, er öflugt tengslanet
kvenna úr öllum greinum atvinnulífsins um allt land. Félagið
er leiðandi hreyfiafl sem eflir fjölbreytileika atvinnulífsins,
styður kvenleiðtoga í að sækja fram og sameinar þær til
aukins sýnileika og þátttöku. Félagið var stofnað árið 1999
sem Félag kvenna í atvinnurekstri en varð síðar félagasamtök
fyrir konur í atvinnulífinu öllu. Hvort sem þú ert stjórnandi,
leiðtogi, átt eða rekur þitt fyrirtæki – þá áttu heima í FKA.
Mikilvæg verkefni hjá FKA
Guðrún Gunnarsdóttir situr í stjórn FKA. Hún starfar
hjá Fastus ehf., var einn stofnenda félagsins, og hefur
starfað sem deildarstjóri heilbrigðissviðs alla tíð.
Guðrún er tímabundið framkvæmdastjóri ásamt
Arnari Bjarnasyni.
„Ég hef unnið við sölu og markaðssetningu hjúkr-
unar- og lækningatækja í 30 ár og tel mig því þekkja
markaðinn ansi vel. Minn bakgrunnur er í viðskiptum,
námi og diplóma í notkun sérhæfðra lækningatækja,
og einnig í stjórnun og stjórnarmennsku,“ segir hún.
Guðrún er á fyrsta ári í stjórn FKA og segist hafa
kynnst mörgum öflugum konum. „Ég fékk tækifæri
til að vinna með þeim að flottum verkefnum eins og
Jafnvægisvog FKA sem er mikilvægt verkefni. Einnig
leiði ég starfið fyrir viðurkenningahátíðina okkar
sem er árlegur viðburður. Það er bæði verðugt og
mikilvægt viðfangsefni að hvetja konur til starfa í
efstu lögum fyrirtækja svo og stjórnum.
Árið 2023 verður ár breytinga eins og öll önnur
ár. Að mörgu leyti eru Íslendingar framarlega þegar
kemur að jafnrétti á vinnumarkaðnum og hlutdeild
kvenna á vinnumarkaðnum í stjórnunarstörfum vex
jafnt og þétt. Það er mjög gleðilegt og er eitt aðal-
markmið starfsins hjá FKA. Það gleður mig að sjá
konur fá tækifæri við að stýra mörgum stórum fyrir-
tækjum og stofnunum landsins. FKA á sinn sess í að
þróa þessi mál áfram með jákvæðum hætti.“
Eðlileg framþróun
Unnur Elva Arnardóttir er varaformaður FKA og situr
í stjórn. Hún starfar bæði sem forstöðumaður hjá
Skeljungi og sem „Senior Bunker and Fuel trader“,
en það starf felur í sér sölu á vörum og eldsneyti á
flutnings- og farþegaskipum. „Starfið mitt er í senn
mjög skemmtilegt, fjölbreytt og jafnframt krefjandi
þar sem ég bæti stöðugt í reynslubankann. Þá hef ég
komið víða við, starfaði í bílaumboðinu Heklu í ellefu
ár sem vöru- og sölustjóri Skoda-bifreiða, hjá fjar-
skiptafyrirtækjunum Vodafone og svo hjá Símanum
sem deildarstjóri viðskiptastýringar og sölu,“ segir
Unnur.
„Ég hef verið í FKA í nær tíu ár og verið mjög virk
innan félagsins enda setið í hinum ýmsu nefndum
og deildum. Ég sat í viðskipta- og fræðslunefnd auk
afmælisnefndar FKA þar sem við héldum upp á tutt-
ugu ára afmæli í Hörpunni. Fyrir mér var það eðlileg
framþróun að sækjast eftir stjórnarkjöri á sínum
tíma, enda brenn ég fyrir öflugu félagsstarfi FKA og
vil leggja mitt af mörkum til að gera það enn betra.
Tækifærin eru óteljandi þegar kemur að jafnrétti og
stöðu kvenna. FKA vinnur sem aldrei fyrr með aðilum
á vinnumarkaðnum, styður konur í að sækja fram, til
aukins sýnileika. Við eigum langt í land þegar kemur
að jafnrétti en jafnt og þétt mjakast þetta í rétta átt.
Hvetjum konur til að vera sýnilegar
Dóra Eyland er ritari stjórnar FKA.
Hún hefur starfað í bráðum tíu ár
við þjónustu- og markaðsmál hjá
Golfklúbbi Reykjavíkur en reynsla
hennar er mest á því sviði. „Ég er
með BA-próf í félagsvísindum
frá Bifröst (HHS) og stunda núna
meistaranám samhliða vinnu við
Háskóla Íslands í þjónustustjórn-
un, svo það er nóg að gera.“
Dóra segir það hafa mikla
þýðingu fyrir sig að sitja í stjórn
FKA. „Við erum jafn ólíkar og við
erum margar en vinnum allar að
sömu markmiðum – að efla og
tengja félagskonur. Stjórnarseta
gefur mér einnig tækifæri til að
kynnast félagskonum og starfi
félagsins betur, sem er dýrmætt.
Sjálf tók ég þátt í undirbúningi
Sýnileikadags FKA á síðasta ári og
sit nú í Sýnileikanefnd sem fulltrúi
stjórnar. Í gegnum þá vinnu hef
ég fengið að kynnast og mynda
tengsl við frábærar félagskonur.
Öll þátttaka í félaginu, hvort sem
er í gegnum viðburði, nefnda-
eða stjórnarstörf eru góð leið til
að efla tengslanet sitt og veita
okkur tækifæri til að hreyfa við
hlutunum. Það er af nægu að taka
innan FKA og mun félagið halda
áfram að þjónusta atvinnulífið
og vera vænlegur kostur fyrir þær
konur sem vilja fjárfesta í sjálfum
sér,“ segir hún.
Þegar hún er spurð um framtíð-
arþróun jafnréttis og stöðu kvenna
á vinnumarkaði, svarar hún: „Ég
hef trú á frekari framfarir og aukið
jafnrétti hvað varðar stöðu kvenna
á vinnumarkaði á komandi ári. Það
væri gaman að sjá fleiri konur taka
stjórnendasæti í fyrirtækjum á
markaði. Við munum að minnsta
kosti halda áfram að hvetja konur
til að vera sýnilegar og sækja fram
– með þeim hætti aukum við lík-
urnar á fleiri tækifærum og meira
jafnrétti.“
Jafnrétti er val
Íris Ósk Ólafsdóttir situr í stjórn FKA. Hún starfar
sem viðskipta- og verkefnastjóri hjá Advania þar sem
hún sinnir viðskiptavinum í að nýta tæknilausnir og
vöruframboð til að tryggja yfirsýn og einfalt aðgengi
að upplýsingum um mannauð þeirra. „Það skiptir mig
miklu máli að vinna með flottu og öflugu teymi, hafa
gaman af því sem ég er að gera ásamt því að læra
eitthvað nýtt. Mér leiðist að gera sama hlutinn oft og
fer því yfirleitt strax í að besta ferlið eða auka virðið
á einhvern hátt, en þar liggur einmitt bakgrunnurinn
minn. Ég lærði virðiskeðjustjórnun í Danmörku fyrir
mörgum árum en það má segja að þar hafi ég verið
heilaþvegin í að koma auga á sóun í rekstri, horfa á
allt sem ferli til að skapa virði og muna að stöðugar
umbætur eru lykillinn að framförum. Það hugarfar
hefur fylgt mér alla tíð og var það mér því eðlislægt
að leiðast út í upplýsingatækni, sem ég hef verið við-
loðandi undanfarinn áratug.
Ástæðan fyrir því að ég tek þátt í að móta FKA með
stjórnarsetu er fyrst og fremst vegna þess að FKA er
afl sem lætur sig málin varða og vinnur að þeirri fram-
tíðarsýn sem ég trúi á. Ég er þannig úr garði gerð að
til þess að geta tjáð mig óhindrað af öllu hjarta finnst
mér best að setja mig inn í aðstæðurnar og finna á
eigin skinni,“ segir hún.
„Eins og góð vinkona mín segir þá er jafnrétti val.
Það skiptir máli að taka af skarið, hafa kjark, taka
samtalið. Í dag eru geggjaðir tímar þar sem við höfum
flottar fyrirmyndir úti um allt. Mér finnst mikilvægt
að allir finni fyrirmyndir eða einhvern sem hægt er að
tengja við.
Ég er bara venjuleg „sveitastelpa“ sem vil vaxa
og ná árangri. Ég finn að með því að stíga skrefið og
bjóða mig fram til stjórnarsetu breytist samtalið við
vinkonur, kunningjakonur og samstarfskonur. Ég tel
það vera mikilvægt, ég er ekki háværust eða fremst
en ég tel að samtalið þurfi að vera á öllum vígstöðv-
um og þess vegna þarf fjölbreytileika til að ná þeim
árangri sem við viljum.“
Konur eru alls konar
Katrín Kristjana Hjartardóttir er
gjaldkeri stjórnar. Hún er fram-
kvæmdastjóri Sambands íslenskra
framhaldsskólanema (SÍF). „Ég
starfaði í sex ár í flugrekstri og
langar að fara aftur í flugið, seinna
á lífsskeiðinu, ég elska allt við
flugið, þar er ég á heimavelli,“
segir hún. „Í dag er ég atvinnu-
stjórnarkona, framkvæmdastjóri
og stundakennari. Það er ótrúlega
skemmtileg blanda og eru engir
dagar eins. Ég elska að vinna með
ungu fólki, það heldur mér síungri
og kennir mér að við, mannfólkið,
erum í stöðugri þróun og þurfum
að hlaupa hratt ef við ætlum að
halda í við næstu kynslóðir,“ segir
Katrín.
„Kennsla finnst mér vera það
mikilvægasta í heiminum, ég
held að ef allur heimurinn hefði
jafnan aðgang að góðri menntun
þá myndum við útrýma stríði,
fátækt og ójöfnuði. Ég elska sjálf
að læra, fór í húsmæðraskóla og
barskóla í London, er stjórnmála-
fræðingur, viðskiptafræðingur og
hef menntað mig meðal annars
í Ástralíu (þannig blandaði ég
menntun og flugi saman). Ég
stefni á frekara nám í framtíðinni
og er núna að skoða doktorsnám,
meira um það seinna.“
Katrín segir að engin kona sé
eyland og til þess að jafnréttis-
baráttan skipti máli þurfi konur
og kvár að standa saman. „Ég vil
að sonur minn búi í sanngjarnara
samfélagi, til þess þarf ég mark-
visst að búa til þannig umhverfi
og taka þátt í að efla konur á
vinnumarkaði, ég tel að karlkynið
muni njóta mun betur góðs af en
er almennt talað um, að fá konur
með inn í atvinnulífið. Þess vegna
er ég í stjórn, til að vera hluti af
hóp sem saman getur sett af stað
umfjöllun sem þarf og minnt á að
hér er mikil vinna fram undan.
Ég held að við séum að sjá bak-
slag í jafnréttismálum líkt og ann-
ars staðar. Með nýjum forstjóra
Festi og öðru sem vekur athygli.
þá halda margir að þetta sé komið
gott og flott. En af tölfræði til
dæmis Jafnvægisvogar (hreyfi-
aflsverkefni FKA) að sjá er lítil sem
engin hreyfing á jafnari stöðu
kvenna í efsta lagi stjórnenda. Ég
held að stjórnendur, sérstaklega
konur, þurfi að vera óhræddari við
að ráða inn konur, að sjá aðra konu
í framkvæmdastjórn sem styrk, en
ekki ógn. Við konur þurfum líka að
vera meðvitaðar um orðið leghafi,
og að ekki allar konur hafa leg, að
vera kona er alls konar. Við þurfum
að opna lokaða kvennaklúbba og
það er það sem bíður FKA.“
Konur þurfa að segja já
Sigrún Barðadóttir, stjórnarkona í FKA, er einn stofn-
enda og formaður stjórnar Eimverks Distillery og
stofnandi Teko vöruþróunar. Hún útskrifaðist með
BA úr Concordia-háskóla í Montreal, Kanada, árið
2008, og master í stjórnun frá Háskólanum á Bifröst
2012. Hún hefur einnig setið í stjórn meðal annars
Nýlistasafnsins, Samtaka sprotafyrirtækja í SI og Eim-
verks Distillery.
„Ég er spennt fyrir nýju ári, mikið hefur áunnist
en það er eftir sem áður mikilvægt að við séum öll
meðvituð um að við getum með ákvörðunum okkar
stuðlað að fjölbreytni. Hún kemur ekki af sjálfu sér.
Stjórnendur þurfa að taka meðvitaðar ákvarðanir um
að auka fjölbreytni í stjórnum félaga, framkvæmda-
stjórnum og atvinnulífinu almennt.
Það er líka mikilvægt að við konur séum meðvit-
aðar, setjum okkur markmið, tökum af skarið, segjum
já, „lean in“, og umfram allt aldrei hætta að þora.
Mér er einnig hugleikið hlutverk okkar í alþjóða-
samstarfi, við erum fyrirmynd og getum haft áhrif,
þróun erlendis hefur víða ekki verið í rétta átt, hér
er mikilvægt að við á Íslandi höldum áfram að vera
fyrirmynd og sýnum hvað er hægt. Þetta á bæði við
um málefni jafnréttis í öðrum löndum en það er ekki
síður mikilvægt að við sinnum vel því fólki sem er að
setjast að á Íslandi.
FKA hefur gefið mér mikið og eflt mig síðan ég
fyrst kom í félagið 2010. Frá þeim tíma hef ég sótt
orku og þor í félagið, rætt við konur um hugmyndir,
rekstur og allt sem viðkemur fyrirtækjum og atvinnu-
lífi. Fyrir mér er heiður að fá nú að nýta mína reynslu
á sviði stjórnar FKA. Það er lærdómur að vera í stjórn,
krefjandi og gaman, ég hvet konur til að gefa kost á
sér í stjórnir, segja: „Já, ég er með.“
FélAg KvennA í AtvinnulíFinu16 kynningarblað 26. janúar 2023 FIMMTUDAGUR