Fréttablaðið - 26.01.2023, Blaðsíða 15

KYNN INGARBLAÐ
ALLT
FIMMTUDAGUR 26. janúar 2023
Þráðurinn er upphafið og endirinn
Ása Bríet Brattaberg er nú á lokaári sínu í hönnun á kvenfatnaði í skólanum sem hana
dreymdi alltaf um að læra í, Central Saint Martins í London. „Þaðan hafa uppáhaldshönn-
uðirnir mínir útskrifast og sjálf útskrifast ég þaðan í vor,“ segir Ása.
Ása Bríet er upprennandi hönnuður á lokaári sínu í fatahönnunarnámi í London. Verk hennar bera vott um mikla næmni gagnvart áferð og sögu textíls.
Mynd/aðsend
Ása Bríet Brattaberg er 26 ára gömul
og er frá Íslandi og Færeyjum.
Hún útskrifaðist með sveinspróf
í kjólasaumi frá Tækniskólanum
í Reykjavík 2016 og fór þaðan í
textíldeildina í Myndlistaskólanum
í Reykjavík. „Mér fannst mikil-
vægt að hafa öðlast góða þekk-
ingu á textíl áður en ég stefndi í
fatahönnun. Ég hef farið í nokkur
starfsnám á námsferlinum og lærði
meðal annars hanskagerð hjá Tho-
masine Barnekow 2017, vann hjá
fatahönnuðinum Anne Isabella í
Berlín síðasta vor og svo vann ég
hjá textíldeild Chanel í París í sex
mánuði á síðasta ári, sem var alveg
ógleymanleg upplifun og reynsla,“
segir Ása Bríet.
Rauði þráðurinn
Ása ólst upp umkringd handa-
vinnu kvennanna í kringum sig
og var snemma byrjuð að taka
upp prjónana og prófa sig áfram á
saumavélinni. „Núna, þegar ég vinn
að lokalínunni minni er ég mikið
að skoða uppruna textílaðferða,
bæði í vefnaði, prjóni og útsaumi.
Þráðurinn hefur alltaf verið mikil-
vægur í minni sköpun, hvort sem
ég spinn mitt eigið garn úr ull frá
ömmu og afa sem eru sauðfjár-
bændur, eða afmynda efni með því
að taka ívaf úr uppistöðu þess.
Ég endurnýti gamlar flíkur sem
minn efnivið í hönnun. Það gefur
mér óútreiknanlega útkomu sem
mér finnst bæði spennandi og
krefjandi að vinna með. Í mínu
sköpunarferli byrja ég oftast á
því að vinna með textíl út frá
ákveðinni hugmyndafræði sem ég
hef. Þaðan fer ég svo að leika mér
með prufurnar á líkamanum. Ég
ímynda mér hvernig megi yfirfæra
textílinn í flíkur og form og leyfi
þá oft efninu að ráða ferðinni. Mér
finnst mjög áhugavert að vinna á
þessa leið, þar sem að textíllinn er
mjög mikilvægur í minni hönnun
og gefur hverri flík tækifæri á að
vera einstök.“
Innblástur og áferðir
„Ég er alltaf með augun opin og
forvitin fyrir öllu í kringum mig.
Ég verð meira fyrir innblæstri af
myndlist og tónlist heldur en fata-
hönnun.
Auðvitað er ég þó með puttann
á púlsinum og fylgist með hvað er
í gangi hverju sinni frá tískupöll-
unum í París og London. En ég skoða
kannski meira hvað var að gerast í
fatahönnun þegar stærstu meistar-
arnir voru enn uppi. Ég fylgist mikið
með David Altmejd og er mjög hrifin
af þráðainnsetningum hans og and-
litsskúlptúrar hans gefa mér alltaf
einhverja ónotalega fallega tilfinn-
ingu. Jeanne Vicerial er magnaður
þráðaskúlptúristi og svo er ég alveg
að dýrka Cecile Feilchenfeldt, sem er
ótrúlegur prjónahönnuður og gerir
ótrúlegustu hluti í prjóni fyrir helstu
tískuhús Parísar. 
Netglæpir verða sífellt flóknari.
FRÉTTaBLaðIð/GeTTy
sandragudrun@frettabladid.is
Sérfræðingar í netöryggi telja
að tæki ætluð til heimilis- og
einkanota verði helstu skotmörk
netglæpamanna í ár, ef marka má
breska fjölmiðla. Almenningur
verður sífellt oftar fyrir netárásum
og ógnanirnar verða stöðugt
flóknari. Í skýrslu frá árinu 2022 um
stöðu netöryggis, sem gefin var út af
netöryggisfyrirtækinu ReasonLabs,
kemur fram að stórfyrirtæki verja
miklum tíma og peningum í að
tryggja netöryggi sitt, en að sumir
einstaklingar þyrftu að koma upp
jafn öflugum vörnum heima við.
Víðtækari árásir
Í skýrslunni kemur einnig fram
að þar sem stórfyrirtæki eru sífellt
betur varin gegn árásum hafa
netglæpamenn þurft að breyta
aðferðafræði sinni. Í stað þess að
eyða miklum tíma í eitt fórnar-
lamb innan fyrirtækis ráðast þeir á
milljónir fórnarlamba í von um að
finna veikan hlekk. Árásirnar eru
orðnar víðtækari og tæknin sem
þeir nota er háþróaðri en áður. Þar
sem fólk er í auknum mæli farið að
vinna heima hjá sér fer það frekar
með fyrirtækistölvurnar heim. Þar
eru varnir hugsanlega minni en á
vinnustaðnum. Vefveiðar eru enn
stærsti árásarþátturinn. Vegna
þessa er undirstrikað í skýrslunni
að brýn þörf er fyrir aukna fræðslu
til almennings um netöryggi. n
Heimili skotmörk
netglæpamanna