Fréttablaðið - 26.01.2023, Blaðsíða 37
Að baki hverju
fyrirtæki sem
gengur vel og er í vexti er
blóð, sviti og tár ásamt
fórnum.
Í dag erum við líka
komin með allar
lausnir sem veitinga-
staður þarf til að hægt sé
að starfrækja hann.
Inga Tinna Sigurðardóttir
stofnaði Dineout árið 2017.
Í upphafi var hugmyndin
að þróa lausn fyrir borða
bókanir á veitingastöðum,
en þegar heimsfaraldurinn
skall á þurfti hún ásamt
teyminu sínu að hugsa út
fyrir boxið.
Inga Tinna stofnaði Dineout ásamt
bróður sínum, Magnúsi Birni
Sigurðssyni. Hún er verkfræði-
menntuð í grunninn og útskrifað-
ist úr rekstrarverkfræði árið 2010.
Ári fyrir útskrift byrjaði hún að
vinna í eignastýringu í banka. Þar
segist hún hafa eflt tengslanetið
sitt og fengið ómetanlega reynslu
sem hún býr að í dag.
„Ég starfaði þar í nokkur ár og
fikraði mig upp metorðastigann
eins og gengur og gerist. Þar
kynntist ég frábæru samstarfsfólki
sem margir hverjir eru góðir vinir
mínir í dag. En með hverju árinu
fór innri röddin að óma hærra
og hærra og ég fann það betur og
betur að vettvangurinn var ekki
að uppfylla þá þörf sem ég hafði
fyrir að skapa eitthvað sjálf. Eins
og sönnum verkfræðingi sæmir
átti Excel að leysa þetta verkefni
svo að sjálfsögðu var hafist handa
við að lista upp kosti og galla þess
að segja starfinu lausu,“ útskýrir
Inga Tinna.
Hún segir að niðurstaðan hafi
verið afgerandi. Excel mælti alls
ekki með því að segja starfinu
lausu, sérstaklega þar sem hún
hafði ekki hugmynd um hvað
hún ætlaði að gera í staðinn. En að
lokum lét Inga Tinna innsæið ráða
og sagði upp. Hún fór að vinna sem
flugfreyja, sem hún hafði gert sam-
hliða náminu, til að gefa sér góðan
tíma til að ákveða næstu skref.
„Í f lugfreyjustarfinu var maður
oft spurður að því hvaða veitinga-
staðir væru góðir á Íslandi ásamt
því hvað væri sniðugt að gera. Ég
fór að gefa þessu gaum og úr varð
að ég stofna fyrirtækið Icelandic
Coupons árið 2015. Ég byrja að
gefa út afsláttarbækling fyrir
ferðamenn sem innihélt leiðarvísi
að vinsælum veitingastöðum og
afþreyingu. Í þessari vinnu hitti
ég oft veitingahúsaeigendur og á
fundum mínum með þeim var oft
mikil truflun því þeir voru stans-
laust að svara símanum og taka við
bókunum sem þeir skrifuðu niður
í stílabækur eða excel forritið
góða,“ segir Inga Tinna, en þannig
kviknaði hugmyndin að Dineout.
„Til að gera langa sögu stutta
þá stofna ég Dineout árið 2017 og
í dag á ég, ásamt bróður mínum
Magnúsi Birni Sigurðssyni, meiri-
hluta fyrirtækisins. Hann kláraði
rekstrarverkfræði og tölvunar-
fræði og er snillingur lífs míns.
Í upphafi flökkuðum við á milli
kaffihúsa ásamt því að heimilið
mitt var skrifstofan okkar þar sem
við unnum hörðum höndum frá
morgni til kvölds,“ segir hún.
„Ekkert af því sem orðið er hefði
orðið nema fyrir það ótrúlega
flotta og magnaða fólk sem starfar
hjá Dineout. Hópurinn saman-
stendur í dag af 14 einstaklingum.
Hver og einn þessara einstaklinga
skipar mikilvægan sess í fram-
þróun fyrirtækisins. Andinn í
hópnum er frábær og vinnustaður-
inn í takt við það.“
Skortir kvenkyns fyrirmyndir
Þar sem Inga Tinna er kona og
eigandi hugbúnaðarfyrirtækis
hefur hún oft verið fengin til að
halda fyrirlestra um konur í hug-
búnaðargeiranum. Hún hefur
kynnt sér vel stöðu kvenna í þeim
geira og í frumkvöðlastarfi, en
staðreyndin er að þar eru konur í
miklum minnihluta.
„Það hafa mýmargar rannsóknir
verið gerðar á þessari staðreynd.
Niðurstöður eru margþættar en
rauði þráðurinn virðist vera sá
að ímynd nýsköpunar og frum-
kvöðlastarfsemi tengist áhættu.
Um helmingur fyrirtækja sem
stofnuð eru deyr innan fimm ára.
Karlar eru í eðli sínu áhættusækn-
ari en konur og eiga því auðveldara
með að taka ákvörðun um að feta
þessa leið. Vissulega er áhætta
fólgin í nýsköpun en eins og fræðin
segja er jákvæð fylgni á milli
áhættu og væntrar ávöxtunar. Ef
hugmyndin reynist góð er áhættan
svo sannarlega alltaf þess virði,“
segir Inga Tinna með áherslu.
„Önnur ástæða fyrir skorti á
konum í frumkvöðlaheiminum
er að þar skortir kvenkyns fyrir-
myndir. Mannskepnan er hjarðdýr
þannig að því fleiri reynslusögur
sem koma frá konum og því fleiri
áberandi kvenfyrirmyndir, því
líklegra er að konur nái að spegla
sig og horfa á þennan vettvang sem
tækifæri.“
Inga Tinna segist oft fá spurning-
ar um hvernig það er að vera kona í
nýsköpunarheiminum, hvort hann
sé ekki meira fyrir karla. Hvort
hægt sé að eignast börn í þessu
starfi og hvort hún eigi sér eitthvað
líf.
„Vissulega eru þetta allt spurn-
ingar sem eiga rétt á sér og sumar
hverjar hitta beint í mark. Að baki
hverju fyrirtæki sem gengur vel og
er í vexti er blóð, sviti og tár ásamt
fórnum. En við höfum öll val um
hvernig við nýtum tímann okkar
og hvernig við forgangsröðum
hlutum. Það er sorglegt að verja
tíma sínum og orku í það að passa
inn í einhverja ákveða ímynd sem
samfélagið hefur búið til. Númer
eitt er að upplifa sannlega að
maður sé að gera hluti sem veita
manni fyllingu og gleði, hvort
sem það er nýsköpun eða eitthvað
annað. Vera óhræddur við að lifa.
Það að vera að sinna því sem í dag-
legu máli kallast vinna er eitthvað
sem ég horfi á sem áhugamál. Það
eru ákveðin forréttindi.“
Skrápurinn þykkari
Síðastliðin ár hefur Inga Tinna
fundið fyrir breytingu í áherslum á
frumkvöðlastarfsemi og þar nefnir
hún sérstaklega að stjórnvöld hafi
markvisst búið til góða umgjörð
fyrir fólk í nýsköpun.
„Til dæmis er þvílíkt flott setur
og vettvangur fyrir nýsköpun í
húsi Grósku, breyttir lagarammar
og áherslur styrkveitinga. Það eru
ótal fleiri tækifæri og nú höfum við
titlaðan nýsköpunarráðherra sem
er atorkumikil og ofuröflug kona
sem lætur verkin tala,“ segir Inga
Tinna. Hún bætir við að til að kom-
ast áfram í nýsköpunarheiminum
þurfi frjóa hugsun, góða hugmynd,
óbilandi trú á að hugmyndin leysi
þörf eða vandamál, gott og öflugt
teymi, mikið keppnisskap, mikla
þolinmæði og sterkan skráp.
„Svo er gulls ígildi að hafa góðan
ráðgjafa og klappstýru sem hægt er
að leita til og fá lánaða dómgreind
frá. Faðir minn á klappstýru-
titilinn skuldlausan. Hann er minn
helsti ráðgjafi og á heiðurinn af því
að blása hita til mín. Það sem er
svo fallegt við nýsköpun er að hún
spyr ekki hverra manna þú ert,
hvaða menntun þú hefur eða stöðu
í samfélaginu. Þú sérð alfarið sjálf
eða sjálfur um að skapa þá veröld
sem þú hefur trú á,“ segir hún.
„Út frá minni reynslu er ekkert
til sem heitir heppni. Árangur
verður ekki til á einni nóttu. Þetta
snýst allt um að taka fyrsta skrefið,
taka svo næsta rétta skref og svo
næsta rétta skref. Vera viðbúin því
að hlutirnir munu alls ekki þróast
nákvæmlega eins og þú leggur
upp með í byrjun og það er margt
sem mun koma á óvart. Ekki horfa
of mikið í baksýnisspegilinn eða
hugsa um hvað aðrir eru að gera
og ekki láta höfnun draga úr þér,“
heldur hún áfram.
„Hlutir eru hættir að koma mér
á óvart eins og þeir gerðu fyrir
einhverjum árum og skrápurinn
orðinn töluvert þykkari. Það er
ekki hægt að gera ráð fyrir því að
fólk hugsi eins og maður sjálfur,
það er ekki hægt að gera ráð fyrir
því að allir séu heiðarlegir, það er
ekki hægt að gera ráð fyrir því að
utanaðkomandi þættir spili með
þér. En það sem mestu máli skiptir
er að þú missir ekki sjónar á trú
þinni og gildum. Það eina maður
getur haft áhrif á er maður sjálfur
og hvernig maður bregst við í
ákveðnum aðstæðum.“
Hugsuðu út fyrir boxið
„Þegar heimsfaraldurinn skall á,
veitingastöðum var lokað og tak-
markanir voru alveg gríðarlegar,
þá var borðabókunarkerfið eina
varan okkar og hún varð óvirk
þegar engir gátu bókað borð. Þá
var ekkert annað í stöðunni en að
annað hvort sitja og bíða af okkur
storminn eða rísa upp og þróa
fleiri lausnir. Við völdum seinni
kostinn,“ segir Inga Tinna.
„Nýjasta varan okkar, rafræn
gjafabréf, leit dagsins ljós í nóvem-
ber síðastliðnum. Gjafabréfin
má nota á fjölda veitingastaða og
hefur því sá sem fær gjöfina val um
hvar hentar að nota inneignina.
Þú getur verið með gjafabréfið raf-
rænt í farsímaveski eins og Google
Wallet og Apple Wallet, fengið það
sent í tölvupósti eða fengið það
útprentað. Gjafabréf slógu alveg í
gegn fyrir jólin.“
Lausnin er afar einföld að sögn
Ingu Tinnu. Fólk fer einfaldlega
inn á dineout.is og smellir á tengil
sem heitir „Gjafabréf“ efst á for-
síðunni til að kaupa gjafabréf. Þau
eru svo send í tölvupósti en við-
skiptavinir geta hakað við að þeir
vilji fá gjafabréfið í gjafaöskju.
„Við erum komin með um 95%
markaðshlutdeild á Íslandi þegar
kemur að borðabókunum. Í gegn-
um dineout.is og Dineout appið
getur fólk séð, út frá þeim fjölda
sem ætlar saman út að borða, degi
og tíma dags, hvaða veitingastaður
er með er laust borð og bókað það
á staðnum,“ segir Inga Tinna.
„Í dag erum við líka komin með
allar lausnir sem veitingastaður
þarf til að hægt sé að starfrækja
hann, hvort sem þar er borðabók-
unarkerfi, matarpöntunarkerfi,
kassakerfi eða rafræn gjafabréf.
Við höfum líka búið til vefsíður
fyrir veitingastaði og erum með
viðburðakerfi. Í viðburðakerfinu
er meðal annars verið að selja
aðgang að pitsuskóla, vínsmökk-
unarnámskeiðum og fleira og
f leira. Við tengjum öll þessi kerfi
til almennings í gegnum dineout.
is og Dineout appið. Þannig tala
veitingastaðirnir og almenningur
auðveldlega saman.“
Hagræðingin í þessu, að sögn
Ingu Tinnu, er að veitingarekstr-
araðilar geta núna sýslað með
allan sinn rekstur í einu og sama
kerfinu. Hún segir það einnig
mikla hagræðingu fyrir starfsfólk
að þurfa ekki að læra á mörg kerfi.
„Þess má geta að 680.000 manns
settust til borðs í gegnum Dineout
í nóvember síðastliðnum og í
sama mánuði varð 10 milljónasta
f lettingin í gegnum dineout.is
frá upphafi. Tugir þúsunda hafa
aðgang að Dineout appinu, en þar
er mjög auðvelt að sjá laus borð
og bóka þau. Þannig að þetta er
orðið stærsta markaðstorg fyrir
veitingastaði á Íslandi og fer ört
vaxandi. Það virðist vera komið
inn í vöðvaminni landans að
fara inn á markaðstorgið og bóka
þaðan.“ n
Árangur verður ekki til á einni nóttu
Inga Tinna Sigurðardóttir stofnaði Dineout ásamt bróður sínum. Hún segir að það vanti kvenkynsfyrirmyndir í frumkvöðlastarfi. FRÉTTABLAÐIÐ/SIGTRYGGUR ARI
kynningarblað 21FIMMTUDAGUR 26. janúar 2023 Félag kvenna í atvinnulíFinu