Fréttablaðið - 26.01.2023, Blaðsíða 43
Það er mikil verð-
bólga í því hvernig
fyrirtæki tala um sjálf-
bærni og mikill græn-
þvottur í gangi.
Við trúðum því
strax frá byrjun að
við gætum, með góðri
hjálp, skapað stað sem
við getum verið stoltar
af.
Embla Ýr og Emma
Þegar Ragna Sara Jónsdóttir stofn-
aði hönnunarfyrirtækið FÓLK
Reykjavík segir hún lán frá Svanna
hafa skipt verulegu máli.
„Ég hafði búið í Danmörku og
fylgst með norrænu nýbylgjunni í
innanhússhönnun, vörumerkjum
eins og Muuto og Normann
Copenhagen verða til. Þegar ég svo
flutti heim árið 2008 tók ég eftir
tvennu. Í fyrsta lagi að miðað við
gróskuna í hönnun hér á landi,
enduðu fá hönnunarverkefni sem
söluvara í verslunum. Í öðru lagi
vildi ég geta verslað vörur sem
voru hannaðar og framleiddar á
samfélagsábyrgan og sjálfbæran
hátt. Ég fór því að kanna hvað
þyrfti til til að auka framboð af
sjálfbærri, íslenskri hönnun og
endaði með því að stofna vöru-
merkið FÓLK.“
Þetta segir Ragna Sara Jónsdótt-
ir, eigand hönnunarfyrirtækisins
FÓLK Reykjavík sem þróar, hannar
og selur íslenska hönnun fyrir
heimili og fyrirtæki.
„Markmið okkar er að flýta
fyrir grænu umbyltingunni. Að
þróa vörur út frá hugmyndafræði
sjálfbærni, þar sem vörur eru úr
endurunnum eða náttúrulegum
hráefnum, hafa langan líftíma og
er hægt að taka í sundur og endur-
vinna að líftíma loknum,“ greinir
Ragna Sara frá.
Við uppbyggingu FÓLKS Reykja-
vík segir Ragna Sara hafa munað
um styrk frá Atvinnumálum
kvenna (AMK) og lán frá Svanna
lánatryggingasjóði.
„Við fengum styrk frá AMK
fyrir nokkrum árum sem hjálpaði
okkur að fara á aþjóðlega sýningu,
og á tímapunkti í vexti fyrirtækis-
ins fengum við lán frá Svanna sem
skipti verulegu máli.“
Í dag starfa þrír hjá fyrirtækinu
og nýlega var opnuð skrifstofa í
Kaupamannahöfn sem sér um
sölumál og vöruþróun.
„Á Hönnunarverðlaunum
Íslands í nóvember vorum
við valin Besta fjárfestingin í
íslenskri hönnun og á haustmán-
uðum fengum við inn íslenska
og erlenda fjárfesta. Við erum að
byggja upp FÓLK Reykjavík sem
alþjóðlegt vörumerki og hlökkum
til að sýna nýja hönnun á alþjóð-
legu vörusýningunni Stockholm
Furniture Fair nú í febrúar,“ segir
Ragna Sara.
Mikil samkeppni er á markaði
sem FÓLK Reykjavík starfar á og
ekki síst ríkir samkeppni um að
koma upplýsingum til neytenda.
„Það er mikil verðbólga í því
hvernig fyrirtæki tala um sjálf-
bærni og mikill grænþvottur í
gangi. Við leggjum okkur fram
um að gera virðiskeðjuna okkar
sýnilega svo neytendur geti sjálfir
metið sögurnar á bak við vörurnar
okkar. Við framleiðum eingöngu
í Evrópu og margt af því sem við
framleiðum er úr úrgangshráefn-
um eða endurunnum hráefnum
sem annars væri hent,“ upplýsir
Ragna Sara.
Hvar liggja tækifærin fyrir
FÓLK Reykjavík?
„Tækifærin felast í því að hjálpa
neytendum að byggja sér heimili
sem eru sjálf bærari og umhverfis-
vænni. Mikið af hlutum sem eru
framleiddir í dag voru hannaðir á
þeim tíma þegar við sem samfélag
höfðum ekki miklar áhyggjur af
þeirri mengun sem framleiðsla
hluta og húsgagna skapaði. Það er
hægt að hanna og framleiða hluti
sem hafa mun minni umhverfis-
áhrif en margt sem er gert í dag.
Til hagsbóta fyrir neytendur og
umhverfið.“ n
Vill flýta fyrir grænu umbyltingunni
Ragna Sara Jónsdóttir er eigandi
FÓLK Reykjavík. MYND/SAGA SIG
Ljósmæðurnar Embla Ýr
Guðmundsdóttir og Emma
M. Swift opnuðu í haust
Fæðingarheimili Reykja-
víkur. Þær segja miklu hafa
munað um styrk frá AMK og
lán frá Svanna, lánatrygg-
ingasjóði kvenna.
„Fæðingarheimilið er draumur
sem rættist hjá okkur báðum.
Þegar við kynntumst sáum við
fljótt að við áttum mikla samleið
í hugmyndum og styrkurinn sem
við fundum í hvorri annarri gerði
að verkum að við trúðum því strax
frá byrjun að við gætum, með
góðri hjálp, skapað stað sem við
getum verið stoltar af.“
Þetta segja ljósmæðurnar Embla
Ýr Guðmundsdóttir og Emma M.
Swift á Fæðingarheimili Reykja-
víkur.
Áður en þær stofnuðu Fæðingar-
heimilið höfðu báðar starfað á
fjölbreyttum vettvangi við ljós-
móðurstörf og fengið tækifæri til
að sjá það sem virkar vel en líka
það sem betur mætti fara. Þær
kenna líka við Háskóla Íslands þar
sem þær hafa tekið þátt í og leitt
rannsóknir.
„Við kennslu í ljósmóðurfræðum
leggjum við sérstaka áherslu á
mikilvægi þess að starfa eftir bestu
getu og nýjustu þekkingu. Í því
samhengi er mikilvægt að skoða
hvaða þjónustuform skila bestri
útkomu fyrir fjölskyldur sem eiga
von á barni, sem og ljósmæður í
starfi. Þetta eru hugtök eins og
samfelld þjónusta, yfirseta ljós-
móður, eðlileg fæðing, upplýst
val kvenna og mikilvægi þess að
gefa ítarlega og hlutlausa fræðslu,“
útskýrir Embla.
Hún segir skjóta skökku við
að þegar komið er út í raunveru-
leikann séu fá tækifæri fyrir
ljósmæður að sinna fjölskyldum
í samfelldri þjónustu, og að þjón-
ustuformum sem lagt hafi áherslu
á eðlilegt fæðingarferli, svo sem
fæðingarheimili, MFS eða Hreiðr-
inu, hafi ítrekað verið lokað.
„Við ákváðum því að bretta upp
ermar og búa til fæðingarheimili
þar sem veitt er þjónusta sem við
vitum að er góð og samkvæmt því
sem vitað er að skiptir fjölskyldur
máli. Við lögðum áherslu á að
skipuleggja alla þjónustu sam-
kvæmt gagnreyndri þekkingu en
einnig því sem ljósmóðurstörfin
hafa kennt okkur í gegnum árin,
og nú þegar Fæðingarheimili
Reykjavíkur hefur opnað erum við
afskaplega ánægðar með að hafa
látið verkin tala. Við sjáum strax
hversu mikil þörf var á þessum
valkosti og finnum fyrir miklum
meðbyr.“
Gríðarlega þakklátar
Embla Ýr og Emma fengu styrk frá
Atvinnumálum kvenna (AMK) og
lán frá Svanna lánatryggingasjóði
til þróa hugarfóstur sitt sem var
Fæðingarheimili Reykjavíkur.
„Að hljóta slíkan styrk skipti
gríðarlega miklu máli. Þegar hug-
mynd er bara á blaði og óvissan er
mikil getur meðbyr frá AMK og
Svanna orðið til þess að efla með
manni kjark og tækifæri til að láta
drauminn rætast. Það varð raunin
hjá okkur. Styrkurinn frá AMK og
lánið frá Svanna varð í raun til þess
að við létum slag standa og fórum
af stað með húsnæðisleit, og í kjöl-
farið allar framkvæmdir á húsnæð-
inu. Fyrir það erum við gríðarlega
þakklátar,“ segir Emma.
Viðtökurnar fóru fram úr þeirra
björtustu vonum.
„Þegar við opnuðum Fæðingar-
heimilið í lok september fór starf-
semin strax vel af stað. Við höfðum
fundið fyrir miklum meðbyr í
samfélaginu og fjöldi skjólstæð-
inga sem sækja til okkar þjónustu
er meiri en við reiknuðum með.
Samfélagið okkar stækkar ört,“
segir Emma.
Markmið þeirra Emblu var að
Fæðingarheimilið yrði vettvangur
fyrir fjölbreytta þjónustu við
konur og fjölskyldur þeirra.
„Í dag erum við til dæmis með
brjóstagjafaráðgjafa, ljósmæður
sem sinna ráðgjöf um breytinga-
skeið og fjölskylduráðgjöf, nám-
skeið, meðgöngu- og mömmujóga.
Við erum mjög áhugasamar um
að halda áfram að skapa vettvang
fyrir fagaðila með sérþekkingu,
svo sem ljósmæður sem hafa
bætt við sig námi og brenna fyrir
starfi sínu, eða aðra sérfræðinga
sem hafa sérhæft sig í málefnum
kvenna eða fjölskyldna. Fæðingar-
heimili Reykjavíkur er heimili
fyrir það,“ segir Emma.
Gaman að sjá heimilið blómstra
Embla Ýr og Emma mættu ýmsum
áskorunum þegar þær hófu veg-
ferð sína í átt að Fæðingarheimili
Reykjavíkur.
„Helsta áskorunin hefur líklega
verið sú að mörg verkefni sem snúa
að skipulagi og opnun fæðingar-
heimilis eru mjög ólík ljósmóður-
störfum. Við höfðum ekki mikla
þekkingu af rekstraráætlunum,
framkvæmdum á húsnæði né
markaðssetningu, en við höfum
leitað til sérfræðinga og lært heil-
mikið á þessari leið, ekki síst að
treysta á innsæi okkar og að leyfa
okkur að hugsa stórt og láta hlut-
ina virka,“ greinir Embla frá.
Eftir að starfsemi Fæðingar-
heimilisins fór af stað hafa áskor-
anir verið af svipuðum toga.
„Auk þess að sinna fjölbreyttum
ljósmóðurstörfum erum við í
öllum öðrum verkefnum sem falla
til, svo sem framkvæmdastjórn,
bókhaldi og daglegum rekstri. Sem
betur fer þykir okkur það allt mjög
skemmtilegt og sjáum hvernig
þetta nær strax að blómstra.
Stærsti lærdómurinn er því lík-
lega að hafa trú á sjálfum sér til að
takast á við ný verkefni en um leið
að þekkja sín mörk og fá sérhæfða
einstaklinga til að leiða ákveðin
verkefni þegar þörf krefur,“ segir
Embla.
Fagleg þjónusta og fræðsla
Fæðingarheimili Reykjavíkur er til
húsa í Hlíðarfæti 17, í nýju hverfi í
nágrenni Valsheimilisins, Háskóla
Íslands og Landspítala. Þar starfar
teymi ljósmæðra sem hefur að
markmiði að veita góða fræðslu og
faglega þjónustu á meðgöngu og í
fæðingu.
„Við ákváðum að finna strax
húsnæði sem gæti rúmað alla
þjónustu sem við sjáum fyrir
okkur og lögðum mikið upp úr því
að Fæðingarheimilið yrði heim-
ilislegt og að þar sé gott að vera.
Okkur finnst það hafa tekist vel.
Við sjáum mikil sóknarfæri í að
auka enn frekar við þjónustuna og
stefnum að því að bjóða ráðgjöf
um getnaðarvarnir, sem mikill
áhugi er fyrir hjá skjólstæðingum
okkar. Einnig viljum við stækka
teymi sérfræðinga sem leigir
aðstöðu hjá okkur og vonumst
sérstaklega eftir sjúkraþjálfara,
næringarfræðingi og sálfræðingi
sem hafa sérhæft sig í málefnum
kvenna á barneignaraldri. Þá væri
gaman að bjóða upp á enn fleiri og
fjölbreyttari námskeið í salnum,“
segja þær Embla Ýr og Emma.
„Við sjáum fyrir okkur að geta
tekið á móti enn fleiri börnum
á næstu árum og stækkað ljós-
mæðrateymið svo hægt sé að sinna
fleiri skjólstæðingum á þann
hátt sem við teljum mikilvægt.
Við teljum tækifæri til aukinnar
þjónustu bæði raunhæf og mikil-
væg og finnum fyrir miklum áhuga
ljósmæðra á að vinna í samfelldri
þjónustu á fæðingarheimili eins og
okkar.“ n
Skapaði tækifæri til að láta drauminn rætast
Séð inn í fæðingarstofu Fæðingarheimilisins en þar er líka baðkar til fæðinga.
Embla Ýr Guð-
mundsdóttir og
Emma M. Swift á
Fæðingarheimili
Reykjavíkur eru
reynslumiklar
ljósmæður og
kennarar í ljós-
móðurfræðum
við Háskóla
Íslands. FRÉTTA
BLAÐIÐ/ERNIR
kynningarblað 27FIMMTUDAGUR 26. janúar 2023 Félag kVenna í atVinnulíFinu