Tímarit lögfræðinga - 01.04.2012, Qupperneq 67


sem miðlarinn keypti bréfin á var umtalsvert hærra en síðasta skráða
viðskiptaverð og með viðskiptunum hækkaði gengið úr SEK 19 í
SEK 24,8. Með hliðsjón af gögnum málsins taldi nefndin að sérstak­
ar aðstæður hefðu ekki verið fyrir hendi sem réttlættu umrædda
hækkun. Nefndin leit til þess að tilgangur viðskiptanna hefði verið
sá að hækka lokagengi bréfanna á síðasta viðskiptadegi ársins.
Þó að niðurstaðan hefði verið sú að brotið hefði verið gegn
ákvæði 4.6.1 í aðildarreglum kauphallarinnar taldi nefndin að rann­
sóknin hefði ekki sýnt fram á háttsemin hefði falið í sér markaðsmis­
notkun. Nefndin sektaði bankann um SEK 400.000 en látið var nægja
að veita miðlaranum aðvörun.
Með hliðsjón af þeim upplýsingum sem lágu fyrir í rannsókn
málsins hjá sænsku kauphöllinni verður að telja með ólíkindum að
ekki hafi farið fram lögreglurannsókn á því hvort miðlarinn og hlut­
hafinn hefðu gerst sekir um markaðsmisnotkun. Í málinu lá fyrir
símaupptaka þar sem fram komu skýr fyrirmæli til miðlarans um
að hækka gengi í eWork Scandinavia AB fyrir lok ársins, sem varð
raunin. Fyrirmælin komu frá fjórða stærsta hluthafa félagsins sem
hafði sérstakra hagsmuna að gæta af lokagengi bréfanna.53 Framan­
greint er án efa sterk vísbending um markaðsmisnotkun. Þar sem
málinu var lokið með beitingu einkaréttarlegra úrræða má telja að
fordæmisgildi málsins sé takmarkað hvað varðar eftirfylgni á bann­
inu við markaðsmisnotkun í Evrópu. Málsatvikin eru hins vegar
gott dæmi um viðskipti sem eiga sér stað nálægt þeim tíma sem
verðútreikningar eru miðaðir við og framkvæmd eru fyrir tilstuðl­
an aðila sem hefur umtalsverða hagsmuni af því að gengi bréfanna
sé hátt í þeim verðútreikningum.
d) Nýlegt dómafordæmi frá Svíþjóð
Í dómi sænska áfrýjunardómstólsins, Svea Hovrätt, frá 15. september
2011, í máli nr. B 389-1154 voru þrír starfsmenn eigin viðskipta hjá
Carnegie banka ákærðir fyrir markaðsmisnotkun með því að hafa
haft ótilhlýðileg55 áhrif á dagslokaverð tiltekinna afleiðna sem voru
skráðar á markað í sænsku kauphöllinni. Nánar tilekið voru ákærðu
grunaðir um að hafa haft áhrif á afleiðurnar í þeim tilgangi að auka
53 Talið er að markaðsmisnotkun við lokun markaðar kunni einkum að vera viðhöfð
þegar sá sem á viðskiptin eða gefur fyrirmælin hefur sérstakra hagsmuna að gæta af loka­
verðinu, t.d. í sambandi við uppgjör á kaupréttarsamningum. Sjá til hliðsjónar Paul Krüger
Andersen og Nis Jul Clausen: Børsretten II, bls. 390­391.
54 Hægt er að nálgast flesta dóma Svea Hovrätt á eftirfarandi vefslóð: www.rattsinfosok.
dom.se/. Höfundi er ekki kunnugt um að dóminum hafi verið áfrýjað til Hæstaréttar Sví­
þjóðar, Högsta domstolen. Sjá heimasíðu dómstólsins á eftirfarandi vefslóð: www.hogsta­
domstolen.se/.
55 Á sænsku: otillbörlig.