Tímarit lögfræðinga - 01.04.2012, Síða 76


1. Á hvaða tímapunkti viðskipti eiga sér stað eða tilboðin eru sett fram.
Mikill hvati getur verið fyrir þann sem vill hafa áhrif á gengi skráðs
fjármálagernings að gera það við opnun eða lokun markaðar. Ástæðan
er mikilvægi opnunar­ og lokaverðs og sú staðreynd að mögulegt er að
hafa áhrif á gengið með tiltölulega litlum kostnaði.
2. Hvort undirliggjandi hagsmunir séu aðrir en þeir að hagnast á við­
komandi skráðum fjármálagerningum, t.d. framvirkir samningar með
tengingu við gengi skráðs fjármálagernings á ákveðnum tímapunkti,
sbr. málið frá þýska fjármálaeftirlitinu.78 Hagsmunirnir geta einnig
verið fólgnir í stórri stöðutöku í viðkomandi skráðum fjármálagern­
ingi, sbr. t.d. dóm Hæstaréttar frá 21. mars 2011 í máli nr. 52/2010.79
3. Hvort tilboð í skráðan fjármálagerning séu frábrugðin öðrum tilboð­
um í sama fjármálagerning sem getur bent til þess að hvatinn sé annar
en að hagnast á viðskiptunum. Spyrja þarf þeirrar spurningar hvers
vegna markaðsaðili sé reiðubúinn að greiða meira fyrir hlutabréf en
aðrir á markaði og meira en hann virðist þurfa að greiða. Sjá umfjöllun
héraðsdóms í máli nr. 52/2010.80
4. Hvort tilboð í skráðan fjármálagerning séu sett fram án þess að sá sem
tilboðið gerir vilji eiga viðskipti, sbr. t.d. d­lið í grein 4.11 í leiðbein­
ingum ESMA og umfjöllun í máli nr. 52/2010 og dóm héraðsdóms Stokk­
hólms, Stockholms tingsrätt, í máli nr. B 16590-10 frá 4. apríl 2011.
Fleiri atriði geta að sjálfsögðu komið til skoðunar við mat á því
hvort markaðsmisnotkun hafi átt sér stað við opnun og lokun mark­
aðar.
Bann við markaðsmisnotkun er tiltölulega nýtt af nálinni og lít­
ið hefur reynt á það í framkvæmd hér á landi sem og annars staðar
í Evrópu. Markaðsmisnotkunarmálum virðist þó vera að fjölga jafnt
og þétt, bæði hjá eftirlitsaðilum og dómstólum. Sú þróun verður án
ef til þess að varpa skýrara ljósi á inntak bannsins.
78 Sjá umfjöllun á bls. 9 hér að ofan.
79 Sjá umfjöllun á bls. 17­18 hér að ofan.
80 Sjá tilvitnun á bls. 17 hér að ofan.