Milli mála - 2022, Side 31

MILLI MÁLA
30 Milli mála 14/2/2022
er á stóru í sögu spænskukennslu á Íslandi á 20. og 21. öld (Sigrún
Ástríður Eiríksdóttir 2020, 271−284).
Þegar kemur að því að bera niðurstöður verkefnisins á Íslandi
saman við þær norrænu er sá vandi fyrir höndum að skólakerfið
er ekki með sama sniði í löndunum sem um ræðir (Danmörku,
Finnlandi, Noregi og Svíþjóð). Þetta á reyndar við um allan saman-
burð við önnur lönd í Evrópu. Sem dæmi má nefna að í grunnskóla
á Íslandi eru börn á aldrinum 6 til 16 ára en á hinn bóginn eru börn
í grunnskóla í Þýskalandi til 10 ára aldurs (Eurydice 2019). Fyrir
vikið er nauðsynlegt, þegar kemur að því að bera saman menntakerfi
á milli landa, að beina ekki augum að eðli og einkenni hvers skóla-
kerfis fyrir sig heldur leitast við að svara eftirfarandi spurningum: (1)
Hvenær og hvernig hefst tungumálanám í landinu? (2) Hversu mörg
tungumál læra nemendur í skóla? (3) Hversu gamlir eru einstakling-
arnir þegar þeir byrja að læra annað mál og hvenær það þriðja? (4)
Hversu mörg tungumál læra nemendur? (5) Hvenær geta nemendur
valið tungumál? (6) Í samkeppni við hvaða tungumál er spænska? (7)
Hvaða getustig eru í boði (A1, A2, o.s.frv.)? (8) Hvaða getustigi eiga
nemendur að hafa náð að námi loknu?
Lokaorð
Í þessari umfjöllun var sagt frá samevrópsku rannsóknarverkefni
sem fræðimenn innan námsleiðar í spænsku við Háskóla Íslands taka
þátt í og lýtur að því að draga upp mynd af stöðu spænskrar tungu
í Evrópu. Þá var gerð var grein fyrir framgangi verkefnisins á Íslandi
og fyrstu niðurstöður kynntar.
Í upphafi greinarinnar var fjallað um þann kenningalega grunn
sem rannsóknin byggir á. Hér var heitið lýðfræðimálvísindi eða lýð-
fræðileg málvísindi notað fyrir það sem í erlendum málum kallast
demolingüística (sp.), demolinguistics (e.) og Demolingvistik (þ.). Í stuttu
máli var gerð grein fyrir upphafi rannsókna á þessu sviði og tengsl
sviðsins við fræðasvið eins og lýðfræði og félagsmálvísindi. Því næst
var hugað að aðferðafræðinni sem liggur rannsókninni til grundvallar
og allir verkefnahóparnir vítt og breitt í Evrópu fylgja. Að lokum var
vikið að rannsóknarverkefninu á Íslandi og valdir þættir reifaðir.
DRÖG AÐ KORTLAGNINGU SPÆNSKU Á ÍSLANDI
10.33112/millimala.14.1.2