Skessuhorn - 20.12.2022, Blaðsíða 10

ÞRIÐJUDAGUR 20. DESEMBER 202210
Jólagjöfina færðu í Model
Þjóðbraut 1 - Akranesi - sími 431 3333
Gleðjum með gæðum
www.gjafahus.is
Starfsmenn Fjöliðjunnar á Akranesi
lögðu af stað í mótmælagöngu rétt
eftir hádegið síðastliðinn miðviku­
dag til að mótmæla ósamræmi milli
vilja starfsfólks Fjöliðjunnar og
bæjar stjórnar Akraneskaupstaðar í
húsnæðismálum. Starfsmönnum
finnst ósamræmið felast í því að þau
séu sett í tvö hús sem eru langt frá
hvort öðru en þau vilji öll vera saman
í einu húsi. Áætlað er að samfélags­
miðstöð verði við Dalbraut 8 og
móttaka einnota umbúða, áhalda­
hús og nytjamarkað urinn Búkolla
verði á Kalmansvöllum 5. Sævar
Freyr Þráinsson bæjarstjóri gekk
með starfsmönnum frá Fjöliðjunni
og upp á skrifstofu bæjarins að Dal­
braut 4.
Þar ávarpaði Sævar Freyr við­
stadda og sagði meðal annars að
það væri búin að vera mikil óánægja
hjá þessum hópi með þá ákvörðun
að bæjarstjórn vilji byggja upp
Fjöliðjuna á tveimur stöðum. „Mig
langar aðeins að segja frá því hvað
bæjarstjórnin er búin að vera að
leggja áherslu á hvað sé gert fyrir
fatlað fólk og aðra hópa hér á
Akranesi. Við erum búin að vera
að glíma við að það séu margar
stofnanir hér í húsnæðishraki og
Fjöliðjan ekki búin að fara varhluta
af því. Nú erum við að reyna að
leysa húsnæðis vanda ansi margra í
einu og bæjarstjórnin hefur mikinn
áhuga á því að tryggja að fatlað fólk
geti elt sína drauma og væntingar
og geti tekist á við fjölbreytt verk­
efni í framtíðinni.“
Sævar sagði einnig að kjarninn
í þessu væri að bærinn væri búinn
að vera að vinna að því að leysa
þarfir gríðarlega margra í einu og
það hafi verið ósætti um þessa leið
hjá starfsmönnum Fjöliðjunnar.
„Okkur langar rosalega mikið að
eiga samtal við ykkur áfram til
þess að tryggja það að það sé hægt
að skapa sátt um þessa leið sem er
búið að varða. Okkur langar að
eiga fundi með ykkur til að ræða
málin af því við trúum því að við
getum búið til sátt um það sem er
markmið okkar allra, að líf fatl­
aðra á Akranesi verði framúrskar­
andi til framtíðar og að við getum
með öllu móti tryggt að þið verðið
hluti af framúrskarandi samfélagi.
Þetta snýst ekki um það að þó að
þurfi að fara í annað húsnæði til að
sinna dósamóttöku og Búkollu að
þá sé verið að slíta ykkur í sundur.
Ég vona að okkur takist að skapa
sátt um þessa leið, það er draumur
bæjarstjórnar fyrir ykkar hönd og
að geta gert ykkar líf enn betra á
næstu árum.“
Starfsmenn Fjöliðjunnar og aðrir
fengu síðan að spyrja Sævar Frey
spurninga er varðaði þetta mál og
reyndi hann eftir besta megni að
svara öllum þeim fyrirspurnum. Að
því loknu var fundi slitið og göngu­
menn gengu missáttir út í daginn.
vaks
Fjöliðjan fór í mótmælagöngu á bæjarskrifstofuna
Starfsmenn Fjöliðjunnar mættu með mótmælaspjöld í gönguna. Ljósm. vaks
Ingþór Guðjónsson úr bæjarstjórn bauð gestum inn fyrir úr kuldanum.
Það var vel mætt á bæjarskrifstofuna. Gestir fengu að spyrja bæjarstjóra spurninga.
Sævar Freyr bæjarstjóri
gerði sitt besta að svara
spurningum viðstaddra.