Skessuhorn - 20.12.2022, Blaðsíða 16

ÞRIÐJUDAGUR 20. DESEMBER 202216
Jóladagskrá Garða- og
Saurbæjarprestakalls
www.akraneskirkja.is
Akraneskirkja
Aðfangadagur 24. desember
Aftansöngur kl. 18
Jólasöngvar á jólanótt kl. 23

Jóladagur 25. desember
Hátíðarguðsþjónusta kl. 14

Nýársdagur 1. janúar
Hátíðarguðsþjónusta kl. 14

Hallgrímskirkja í
Saurbæ
Aðfangadagur 24. desember
Aftansöngur kl. 23
Leirárkirkja
Jóladagur 25. desember
Hátíðarguðsþjónusta kl. 13.30

Höfði
2. jóladagur 26. desember
Guðsþjónusta kl. 12.45

Gamlársdagur 31. desember
Guðsþjónusta kl. 11.30
Gleðileg friðarjól
Harpa Björk Eiríksdóttir fram­
leiðir Skarpa garn en það er ullar­
garn með rekjanleika. Harpa fer
með ull í verksmiðjuna Uppspuna
sem staðsett er á Suðurlandi og þar
er spunnið úr ullinni frá hverri kind
fyrir sig á sérstaka keilu, einungis
ull úr einni kind fer á hverja keilu.
Harpa býr svo til dokkur úr
garninu, sem er annars vegar
sokkagarn sem er sambland af togi
og þeli og hins vegar fínna garn
sem er 80% þel. Hún útbýr svo
miða með mynd af kindinni sem
ullin er af ásamt upplýsingum um
hvaða ár ullin var tekin af, hver sé
eigandi kindarinnar og nokkrar
staðreyndir um kindina en fyrir
Hörpu er hver kind sérstök og segir
hún það æðislegt að geta kynnt fólk
fyrir kindunum í gegnum garnið.
„Í dag á ég fjárhús með vinkonu
minni hérna í Nýræktinni í Stykkis­
hólmi og þar erum við með 22
kindur sem eru vel dekraðar,“ segir
Harpa sem notar ullina af sínum
kindum í Skarpa garnið. Hún notar
þó einnig ull frá öðrum sauðfjár­
bændum enda er garnið vinsælt og
er þegar í sölu á nokkrum stöðum á
Vesturlandi og á Vestfjörðum.
Tók sinn tíma að
læra inn á rokkinn
Harpa er ættuð frá Stað í Reyk­
hólahreppi þar sem hún ólst upp
til 16 ára aldurs. Í sveitinni var
ætíð nóg að gera og svo virðist sem
Harpa hafi tekið það með sér sem
veganesti út í lífið. „Ég er ein af
þessum sem er alltaf með of mörg
verkefni í gangi og mig vantar aðeins
fleiri klukkustundir í daginn,“ segir
Harpa og brosir. Hún var til að
mynda alltaf í tveimur til þremur
vinnum með skóla en hún útskrif­
aðist sem stúdent frá FÁ í Reykja­
vík. Seinna flutti hún til Bret­
lands þar sem hún fór í háskóla­
nám og útskrifaðist árið 2014 með
BS­gráðu í ferðamálastjórnun (e.
International Tourism Management).
Þá lét hún loks langþráðan draum
rætast þegar hún flutti aftur til
Íslands árið 2015 og skráði sig í
Búfræði við Landbúnaðar háskóla
Íslands. „Það var þar sem ég kynnt­
ist fyrst ullariðninni og það má segja
að ég hafi bara fallið kylliflöt fyrir
henni. Ég fór sem sagt í áfanga þar
sem nemendur fengu að vinna með
ull og læra að spinna. Það tók mig
alveg dágóðan tíma að ná tökum á
því að spinna og ég þurfti að vera
þrjósk við rokkinn en svo náði ég
tökum á þessari vinnu og þá var ekki
aftur snúið. Núna hef ég m.a. sjálf
haldið spunanámskeið og leiðbeint
öðrum.“
Fyrsta garnið var úr ull
af kindinni hans pabba
„Það var svo bara í framhaldi af
þessari ullarvinnu sem áhugi minn
kviknaði á rekjanleika ullar, þ.e. að
fólk viti hvaðan ullin sem það notar
og kaupir, kemur. Og af því ég tek
yfirleitt hlutina alla leið datt mér í
hug að fara sjálf að spinna garn með
rekjanleika til kindar. Það fyrsta
sem ég gerði var að spinna garn
úr ull af kindinni hans pabba míns
heitins. Ég plataði þá vinkonu mína
til þess að prjóna fyrir mig vettlinga
úr garninu sem fóru svo í jólapakka
til hans, en þetta var árið 2016.“
Harpa segist þó fljótt hafa áttað
sig á því að hún hefði sjálf ekki
nægan tíma til að spinna úr allri
ullinni sjálf og hefur frá 2017 farið
með sína ull í Uppspuna sem er lítil
verksmiðja sem vinnur garn úr ull.
Vinnslan þar er mitt á milli þess að
vera handverk og vélavinna en þar
eru allar vélar mataðar af starfsfólki
sem hefur næmt auga fyrir gæða­
hráefni og grípur inn í ef þess þarf.
Frá rúningi til peysu
Síðustu misseri hefur Harpa gjarnan
verið með líflegar ullarkynningar
fyrir hvers kyns hópa þar sem hún
fer í gegnum ferlið frá því að kind
er rúin og þar til peysa úr hand­
spunnu garni verður til. „Það kemur
fólki ávallt skemmtilega á óvart hvað
það er tímafrekt að vinna ullina.
En það kemur fólki líka oft á óvart
þegar ég fer yfir það hvaða eigin­
leika íslenska ullin hefur og hvað
það er hægt að leika sér mikið með
hana,“ segir Harpa en hún hefur líka
prófað að spinna saman ull og æðar­
dún, hundshár, hestahár og fleira.
„Fólkið sem situr kynningarnar fær
líka að snerta mismunandi unna ull
og tekur virkan þátt í kynningunni.
Ég fer einnig hratt í gegnum
vinnsluferlið við það að súta gærur
en ég hef gert töluvert af því líka
og það tekur ekki síður langan tíma
að fullvinna gærur.“ Áhugasamir
geta fylgst með á Facebook síðunni
Skarpa – Icelandic local yarn þar sem
auglýstar eru kynningar og sett inn
áhugavert efni tengt framleiðslunni.
Stekkur í öll verk
„Þetta ullarstúss er þó allt gert
í aukavinnu og er mitt stærsta
áhugamál,“ segir Harpa sem er í
fullu starfi hjá B. Sturluson ehf.
í Stykkis hólmi hvar hún er skrif­
stofustjóri og hefur verið frá 2019.
„Ég stekk þó í öll verk sem þarf
að gera. Ég er með lyftarapróf og
meirapróf svo að stundum er skrif­
stofan bara í flutningabíl á ferðinni.
En ég hef líka verið í tímavinnu á
Dvalarheimilinu í Stykkishólmi
síðan 2017 sem er mjög gef­
andi. Og auðvitað hef ég drifið
ullarstússið mitt með í vinnuna
og látið heimilis fólkið prófa rokk­
inn og hvað eina,“ segir Harpa að
lokum.
gbþ/Ljósm. úr einasafni
Ullarstússið er ástríða, áhugamál og aukavinnan
Rætt við Hörpu Björk Eiríksdóttur, framleiðanda af Skarpa garn
Harpa Björk Eiríksdóttir framleiðir Skarpa garn.
Sokkagarnið Heimreið.
Kindurnar á Gríshóli. Tryllta Tóta er fremst í flokki.
Harpa fer með garnið á hina ýmsu markaði. Hér er mynd frá markaði í Norska
húsinu, jólin 2020.