Skessuhorn - 20.12.2022, Qupperneq 40

ÞRIÐJUDAGUR 20. DESEMBER 202240
Fréttaannáll ársins 2022 í máli og myndum
byggð og Hvalfjarðarsveit. Í Reykhólasveit var sami háttur
hafður, en athygli vakti að þar var kjörsókn einungis 53,8%.
Fjallað var ítarlega um úrslit kosninganna í Skessuhorni.
Ráðherra hyggst efla
lögregluembættin
Í maí kom fram að Jón
Gunnarsson dómsmálaráð­
herra hefði falið sjö lögreglu­
embættum á landsbyggðinni
að efla starfslið sitt og aug­
lýsa stöður lögreglumanna.
Var Vesturland þeirra á meðal. Ekki fylgdi tilkynningu um
þetta hversu mikið stuðningur við embættin yrði aukinn, en
tekið var fram að markmiðið væri að styrkja embætti lögreglu
á landsbyggðinni þannig að hægt yrði að efla útkallsviðbragð
og veita sambærilegri þjónustu um allt land.
Sæmundur skrifaði Árbókina
Árbók Ferðafélags Íslands 2022 fjallaði að þessu sinni um vest­
asta hluta Snæfellsness, svæðið undir Jökli. Höfundur megin­
efnis var að þessu sinni fræðimaðurinn og leiðsögumaður­
inn Sæmundur Kristjánsson í Rifi en Daníel Bergmann skrif­
aði náttúrukafla og tók langflestar myndirnar. Báðir eiga þeir
ættir að rekja til Snæfellsness. Árbókin í ár ber heitið Undir
Jökli og undirtitill er Frá Búðum að Ennisfjalli. Þess má geta
að í inngangi kom fram að nýtt félag hefði bæst í hóp deilda
Ferðafélagsins. Var það Ferðafélag Borgarfjarðarhéraðs sem
stofnað var árið 2021 og birti nú í fyrsta sinn starfsskýrslu sína
í bókinni.
Skjálftavirkni vestur
af Snæfellsnesi
Kristín Jónsdóttir, eldfjalla­ og jarðskjálftafræðingur, setti í
lok maí færslu á samfélagsmiðla vegna aukinnar jarðskjálfta­
virkni um 35 km vestur af Snæfellsnesi, en þar hafði mælst
um tugur skjálfta. Hún benti á að slíkt væri nýnæmi á þessu
svæði og væri áhugavert. Jafnframt tók hún fram að mikil­
vægt væri að fylgjast áfram vel með virkni á þessum slóðum.
Vitað er að Snæfellsjökull hefur gosið alloft á nútíma. Að
minnsta kosti tuttugu hraun hafa runnið úr fjallinu sjálfu
auk þriggja meiriháttar þeytigosa síðustu tíu þúsund árin.
Skipt um flotbryggju
í Grundarfirði
Í lok maí stóðu starfsmenn Grundarfjarðarhafnar og Köfunar­
þjónustunnar í ströngu þegar skipt var um flotbryggju í höfn­
inni í Grundarfirði. Nýja flotbryggjan var talsvert lengri en sú
gamla og því munu fleiri farþegabátar geta lagst að bryggju
með farþega skemmtiferðaskipanna á komandi árum. Gamla
bryggjan var svo hífð upp og fór í söluferli. Ýmsar aðrar
endurbætur hafa farið fram á höfninni í bænum á undan­
förnum árum og var hún fjórða stærsta löndunarhöfn lands­
ins á árinu 2021.
Tvíburasystur með
bestan námsárangur
Sá fáheyrði atburður átti sér stað við útskrift frá Menntaskóla
Borgarfjarðar í lok maí að tvíburasystur voru með bestan
námsárangur á stúdentsprófi. Þetta voru þær Þóra Kristín
og Ásrún Adda Stefánsdætur. Báðar voru þær með einkunn­
ina 9,32 og fengu fyrir það verðskuldaða viðurkenningu frá
Arion banka.
Sláttur hófst á Vesturlandi
Sláttur hófst á Vesturlandi laugardaginn 4. júní. Á Jörva í
Kolbeinsstaðarhreppi hófst sláttur þann dag og sömuleiðis á
a.m.k. tveimur bæjum í Hvalfjarðarsveit; Eystra­Miðfelli og
í Belgsholti. Víðar á Vesturlandi var vel sprottið á friðuðum
túnum miðað við árstíma og brátt huguðu fleiri bændur að
fyrsta slætti. Heyfengur reyndist ágætur í sumar.
Hjólaði Vestfjarðahringinn
Þorsteinn Eyþórsson í Borgarnesi lagði land undir fót um
miðjan júní og hjólaði Vestfjarðahringinn, orðinn 68 ára gam­
all. Alls hjólaði hann um 755 kílómetra. Steini, eins og hann
er yfirleitt kallaður, hóf ferðalag sitt við Geirabakarí sunnu­
daginn 12. júní. Hann hjólaði til styrktar Píeta samtökunum í
minningu tengdasonar síns, Árna Guðjónssonar, sem féll fyrir
eigin hendi fyrr á árinu. Áður hafði Steini hjólað Snæfells­
nesið árið 2015 og hringinn í kringum Ísland árið 2016, þá til
styrktar ADHD samtökunum.
Skorradalshreppur stöðvar
óleyfisframkvæmd
Í byrjun júní voru framkvæmdir við slóðagerð í hlíðum
Dragafells í Skorradal stöðvaðar. Þar hafði Skógræktin í huga
að planta í norðurhlíð fjallsins í landi Stóru­Drageyrar. Til
að auðvelda aðgengi með plöntur hafði verið ákveðið að fá
verktaka til að ryðja vegslóða þvert á mosavaxna hlíðina ofan­
verða. Framkvæmdaleyfi lá hins vegar ekki fyrir og því var að
beiðni skipulagsfulltrúa Skorradalshrepps lögregla fengin til
að stöðva slóðagerðina. Fleiri slík mál komu upp á árinu, þar
sem skógrækt stríddi gegn aðalskipulagi svæðis og í septem ber
ákvað Skorradalshreppur að kæra Skógræktina fyrir meintar
óleyfisframkvæmdir.
Fyrstu umferðarljósin
í Borgarnesi
Fyrstu umferðarljósin í Borgarnesi voru tekin í notkun 10.
júní við gangbraut á þjóðvegi nr. 1 við leikskólann Klettaborg.
Til stóð að ljósin yrðu stillt sem svokölluð alrauð ljós, þ.e. að
það yrði alltaf rautt ljós sem breyttist í grænt ef ekið væri að
þeim á löglegum hraða. Var það fyrirkomulag hugsað með
þessum hætti til reynslu í Borgarnesi. Það reyndist hins vegar
ekki vel. Var stillingunni breytt um haustið til að auka öryggi
gangandi vegfarenda og ljósin virka nú á hefðbundinn hátt.
Minnismerki um eina
skipaskurð landsins
Upplýsingaskilti um Flæðilækinn í Saurbæ í Dölum var
afhjúpað 17. júní að tilstuðlan Sigurðar Þórólfssonar frá
Innri­Fagradal, en hann hefur verið mikill áhugamaður um
að viðhalda munnmælum um þennan eina skipaskurð lands­
ins og merkja hann. Flæðilækurinn er 430 metra langur og
um 18 metra breiður en mjókkar nokkuð síðustu 30 metrana.
Hann liggur til suðurs í átt að Staðarhóli frá Hvolsá í Saurbæ.
Baldur bilaði skammt
frá Stykkishólmi
Laugardagsmorguninn 18. júní kom upp bilun í gír í Breiða­
fjarðarferjunni Baldri þegar hún var nýlögð af stað frá
Stykkis hólmi klukkan 9. Um borð í skipinu voru 102 farþegar
og níu manna áhöfn. Björgunaraðilar voru ræstir út á hæsta
forgangi og þyrla Landhelgisgæslunnar flaug í Stykkishólm.