Skessuhorn - 20.12.2022, Page 59

ÞRIÐJUDAGUR 20. DESEMBER 2022 59
Hinsta hvíldin
Kirkjan á Hellnum undirgengst
nú gagngerar endurbætur því
ástand hennar er slæmt, þótt aldur
hennar sé ekki hár í samanburði
við margar kirkjubyggingar lands­
ins. Altaristaflan hefur verið fjar­
lægð á meðan á viðgerð stendur
og tíminn að hluta til nýttur til að
hreinsa myndina, sem sýnir Krist
upprisinn hitta lærisveinana tvo
á leið til Emmaus. Var myndin
hreinsuð hjá Studio Stafni árið
2019 með stuðningi Snæfells­
bæjar og að frumkvæði þáver­
andi prests á Staðarstað, Arnaldar
Mána Finnssonar.
Umgjörð altaristöflunnar er
stærsta og merkasta verk skurðlista­
mannsins Jóhannesar Helgasonar
og hlýtur að teljast þjóðargersemi.
Það verður því fagnaðarefni þegar
lagfæringum á Hellnakirkju lýkur
og hægt verður að koma henni
aftur fyrir á sínum stað.
Jóhannes Fanndal Helgason var
lagður til hinstu hvíldar í Hellna­
kirkjugarði við hlið foreldra sinna
og systkina.
Þakkir
Við greinarskrifin var víða leitað
heimilda. En einkum eru Sæmundi
Kristjánssyni leiðsögumanni á Rifi
færðar bestu þakkir fyrir fróðleik,
ljósmyndir, yfirlestur og góðar
ábendingar. Að öðru leyti var stuðst
við skrif Sæbjörns Valdimarssonar
frá Skjaldartröð undir Jökli, rithöf­
undar og kvikmyndagagnrýnanda
Morgunblaðsins. Birtust þau í Les­
bók Morgunblaðsins 2. sept. 2000.
Skrifin byggir Sæbjörn að mestu á
endurminningum föður síns Valdi­
mars Kristóferssonar (1904­1969)
frá Skjaldartröð, en hann þekkti vel
til manna og aðstæðna. Sr. Arnaldi
Mána Finnssyni eru einnig færðar
þakkir fyrir greinargóðar upplýs­
ingar, svo og ljósmyndurum sem
leyfðu afnot mynda sinna.
gj
Krossinn í Sandahrauni. Ljósm. Sæmundur Kristjánsson.
Myndin sem Muggur teiknaði af gömlu kirkjunni. Ljósm. úr safni.
Koparskjöldurinn á krossinum.
Ljósm. Sæmundur Kristjánsson.
Hellnakirkja, sem nú bíður viðgerðar. Ljósm. Bryndís Súsanna Þórhallsdóttir.