Skessuhorn - 20.12.2022, Side 75

ÞRIÐJUDAGUR 20. DESEMBER 2022 75
Starfsfólk og sveitarstjórn
Hvalfjarðarsveitar sendir íbúum
og landsmönnum öllum hugheilar
jóla- og nýárskveðjur með
þökkum fyrir ánægjulegt
samstarf á líðandi ári
SK
ES
SU
H
O
R
N
2
01
9
GLEÐILEG
JÓL
Óskum Vestlendingum og landsmönnum öllum
gleðilegra jóla og farsældar á nýju ári.
Hljómsveitin Mersier frá Akra­
nesi gaf út í haust á Spotify lagið
Leyndarmál sem fékk mjög góðar
viðtökur. Í lok nóvember kom síðan
út nýtt lag frá sveitinni sem heitir
Heaven´s Own og er undanfari
breiðskífunnar Carved In Stone
sem er væntanleg á næsta ári. Blaða­
maður fékk tvo meðlimi Mersier,
Inga Sigurð Ólafsson og Dag Alex­
andersson, í heimsókn á skrifstofu
Skessuhorns fyrir skömmu til að
forvitnast um sveitina. Ingi og
Dagur spila báðir á gítar í bandinu
en auk þeirra eru Oliver Kon­
stantín Hilmarsson sem spilar á
trommur, Aðalgeir Aðalgeirsson er
á bassa og Sævar Snorrason sér um
sönginn. Allir í hljómsveitinni eru
af Skaganum, nema Aðalgeir sem
er úr bænum, og eru á aldrinum 21
til 26 ára.
Hvaðan er nafnið á hljóm­
sveitinni komið? Ingi segir að
hann hafi einhvern tímann verið
að vafra á netinu og var ein­
hverra hluta vegna að lesa sig til
um svarthol. Þar rakst hann á
nafnið Messier sem tengist stærð
á svartholi og fannst það heillandi
nafn. „Fyrstu drög að nafninu var
Messier og svo nefndi Dagur það
við mig að það heillaði hann meira
ef þeir myndu skipta út einu essi
og setja í staðinn eitt err. Okkur
fannst það einnig meira franskt og
meira bragð af því þannig. Svo var
enginn búinn að finna upp á þessu
nafni og við því sáttir með þetta
nafn enda ansi mörg góð hljóm­
sveitanöfn frátekin.“
Smullu strax saman
Dagur og Ingi byrjuðu að spila
á gítar árið 2016 og voru fyrst að
spila í „cover“ böndum. Svo fóru
þeir að semja lög og vantaði fleiri
áhugasama í að semja með þeim.
„Við sáum Oliver pósta í grúppu
þar sem vantaði hljóðfæraleikara og
við hittum hann, tókum smá djamm
og smullum strax saman. Þá þekkti
Ingi Sævar frá því úr menntaskóla,
hóaði í hann og hann var til í þetta.
Síðan fluttum við allir í bæinn,
fengum aðstöðu og fórum að æfa í
Tónhyl og þar hittum við Aðalgeir.
Sveitin var stofnuð í lok árs 2019
og fyrsta og hálfa árið vorum við að
æfa í bílskúr við Merkigerði heima
hjá Oliver trommara. Við komum
yfirleitt með beinagrind af lögum
og vinnum svo allir saman að því
að búa til lögin en textana semja
Ingi og Sævar og eru þeir yfirleitt
samdir eftir á.“
Hvernig mynduð þið lýsa tón­
listinni ykkar? Melódískt metal
mestmegnis með svona „ambient“
áhrifum. Nýja platan verður öll á
ensku en við fengum mikið hrós
fyrir lagið okkar sem kom út í sumar
á íslensku þannig að við eigum
örugglega eftir að gera meira af því
seinna meir. Við ákváðum að gefa
þessi tvö lög út til að sýna tvo ólíka
póla til að sýna fjölbreytnina, það
úir og grúir af ýmsu í tónlistinni
okkar.“ Varðandi áhrifavalda segja
þeir tveir að franska hljómveitin
Gojira sé í miklu uppáhaldi, einnig
Metallica, System Of A Down og
íslenska hljómsveitin Sólstafir sem
hafi gefið þeim vissan innblástur.
Hver stjórnaði upptökum á plöt­
unni? „Hann heitir Arnór Sigurðs­
son og heyrði í okkur eftir Músík­
tilraunir í fyrra og spurði hvort við
vildum taka upp lag með honum.
Við gerðum það og það gekk mjög
vel. Við vorum komnir með svo
mikið af lögum að við þurftum
að festa þetta einhvern veginn og
ákváðum að kýla á það að gefa út
plötu.“
Mjög stoltir af plötunni
En hvaðan kemur þessi áhugi ykkar
á tónlist? „Við erum allir sjálflærðir
og kunnum ekki á nótur nema Oli­
ver sem lærði á trommur. Ég og
Dagur æfðum saman og vorum
alltaf í keppni og urðum fljótt góðir
á gítar. Við æfum að jafnaði einu
sinni í viku og svo oftar ef við erum
að fara að spila á tónleikum. Svo
erum við einnig að æfa í sitthvoru
lagi, að gera „demó“ af lögum og
þannig.“ Varðandi framhaldið segja
þeir Ingi og Dagur að fyrsta mál á
dagskrá sé að koma plötunni út og
síðan fylgja henni vel eftir. „Stefnan
er að reyna að gefa hana út á vínyl
því að koma henni á fast form er
upplifun sem fátt kemst nálægt, það
höfum við heyrt frá mörgum. Við
erum mjög stoltir af þessari plötu
og getum ekki beðið eftir því að
leyfa fólki að hlusta á hana,“ segja
þeir félagar að endingu spenntir
fyrir nýjum ævintýrum.
vaks
Hljómsveitin
Mersier gefur út
sína fyrstu plötu
Hljómsveitin Mersier. Ljósm. aðsend