Læknaneminn - 01.04.1999, Síða 55

Hvernig hefur ráöningarkerfi Félags læknanema reynst þér?
(Aöeins þeir sem hafa boðið út stöður, n=42)
Mynd 2
gangsröð. Allir félagsmenn af 4., 5. og 6. ári eru
dregnir út. Þeir sem mæta á mánaðarlega ráðningar-
fundi ganga fyrir um stöður sem komnar eru inn fyr-
ir fundinn. Þar fyrir utan er félagsmönnum heimilt að
vinna sem læknar í allt að 48 klst. í hverjum mánuði
án þess að það fari gegnum ráðningarkerfið en er þó
skylt að tilkynna það ráðningarstjóra sem heldur utan
um alla vinnu félagsmanna.
Meðal þess sem læknanemar hafa rætt varðandi
ráðningarkerfið undanfarin misseri eru ráðningar-
gjöldin. Hér er rétt að víkja nokkrum orðum að ráðn-
ingargjöldunum þar sem þau voru lækkuð í haust, en
um reglugerð F.L. um ráðningar ætlum við ekki að
fjalla frekar hér, en hana er hægt að skoða á heima-
síðu F.L. A stjórnarskiptafundi í september sl. var
samþykkt tillaga ráðningarstjóra um lækkun ráðning-
argjalda fyrir sjúkrahússtöður. Ráðningargjöld eru nú
kr. 1800 fyrir mánuð í stöðu heilsugæslulæknis og kr.
1200 fyrir mánuð í stöðu á sjúkrahúsi. Ráðningar-
gjöld fyrir sjúkrahússtöður voru því lækkaðar um kr.
300 fyrir mánuðinn og á þann hátt aukið samræmi
milli launa fyrir mismunandi stöður annars vegar og
ráðningargjalda hins vegar. Ráðningargjöldum er ætl-
að að standa straum af kostnaði vegna ráðningarkerf-
isins en staðreyndin er sú að þau hafa einnig skilað
tekjum umfram það inn í rekstur F.L. Sumum hefur
þótt óeðlilegt að ráðningargjöld standi straum af öðr-
um kostnaði F.L. en þeim er hlýst af ráðningarkerf-
inu. Þetta er vissulega umdeilanlegt og slík sjónarmið
í sjálfu sér vel skiljanleg. Það er hins vegar skoðun
okkar að þetta sé lágt gjald fyrir það að fá stöður svo
að segja fyrirhafnarlaust upp í hendurnar. Auk þess
má benda á að mikil vinna er að starfrækja slíkt kerfi
og kostnaður við það fer vaxandi.
Þekkir þú hina svokölluðu 48 klst. reglu í reglugerð
Félags læknanemaum ráðningar?
Mynd 3
Skólaárið 1998 til 1999 var nokkuð merkilegt hvað
varðar ráðningarkerfið vegna þess að þá ákváðu
nokkrir 6. árs læknanemar að standa utan F.L. og þar
með ráðningarkerfisins. Þetta fór almennt fremur illa
í fólk, en uppgefin ástæða þess að viðkomandi lækna-
nemar ákváðu að vera utan félagsins var gömul og
alltof mikið notuð lumma, þ.e. ráðningarkerfið er
heimskulegt, læknanemar verða af vinnu vegna þess,
iæknar fá ekki afleysingu vegna þess o.s.frv. Þetta var
náttúrulega bráðalvarlegt mál og í kjölfar þessa
klofnings fannst okkur ráðningarstjórum, ásarnt Þor-
varði Jóni Löve, þáverandi formanni F.L., rétt að stal-
dra aðeins við og skoða málin. Læknanemar hafa
mikið rifist um það hvort læknar séu ánægðir eða óá-
nægðir með ráðningarkerfið. Menn hafa fullyrt hitt
og þetta um afstöðu lækna og oft verið heitt í hamsi,
t.d. á aðalfundum F.L., en þetta atriði hefur ekki ver-
ið kannað skipulega áður. En við þrír gerðum einmitt
það. Utbúinn var spurningalisti varðandi ráðningar-
kerfið sem síðan var sendur til lækna. Tilgangurinn
var að kanna hvort í raun og veru væri jafn megn óá-
nægja meðal lækna með ráðningarkerfið og sumir
læknanemar vildu (og vilja) halda fram. Spurninga-
listinn var sendur til allra lækna sem ráðningarstjórar
undanfarinna ára hafa sent auglýsingar varðandi
ráðningarkerfið í þeim tilgangi að útvega læknanem-
um vinnu.
Svörun lækna var 51,1% í heildina - 94 spurninga-
listar sendir út og 48 svör bárust til baka. Niðurstöð-
ur könnunarinnar voru í senn athyglisverðar og
ánægjulegar að okkar mati. Allir 48 sem svöruðu
höfðu heyrt af ráðningarkerfinu og 47 kváðust þekkja
tilgang þess. 47 voru þeirrar skoðunar að slíkt kerfi
ætti rétt á sér meðal læknanema og 42 þeirra sem
LÆKNANEMINN • 1. tbl. 1999, 52. érg.
51