Náttúrufræðingurinn - 2023, Blaðsíða 4

Í Vísinda- og tæknistefnu 2020–2022
sem forsætisráðuneytið gefur út er
klausa sem á vel við í þessu samhengi:
Þegar um er að ræða flóknar sam-
félagslegar áskoranir getur verið
krefjandi verkefni fyrir sérfræðinga
að miðla niðurstöðum rannsókna til
almennings og stjórnvalda á sama
tíma og það er viðurkennt að þekk-
ingin verður aldrei fullkomin eða
óyggjandi. Það skiptir miklu að vís-
indamenn geti og vilji miðla af þekk-
ingu sinni og eiga um hana samtal út
fyrir raðir lokaðra hópa sérfræðinga.
Aukin þátttaka almennings í slíku
samtali getur orðið grundvöllur þess
að efla lýðræðislega umræðu um
ýmis álitaefni og hvernig móta skuli
stefnu sem byggist á bestu fyrir-
liggjandi þekkingu en tekur óviss-
una jafnframt inn í myndina.
Það er full ástæða til að hvetja íslenska
náttúrufræðinga að birta reglulega
greinar í Náttúrufræðingnum og taka
þannig virkan þátt í að efla vísinda-
læsi samfélagsins, sem og að upp-
lýsa fróðleiksþyrsta náttúrufræðinga
framtíðarinnar.
Jafnframt eru kennarar, leiðbein-
endur og foreldrar hvattir til nýta sér
efni Náttúrufræðingsins, sem nú er
aðgengilegt öllum sem áhuga hafa, á
prenti og á neti.
Sveinn Kári Valdimarsson
Mynd fyrir ofan: Héraðsvötn. Mynd til hægri: Lón við Virkisjökul og Fjallsjökul. Ljósm./Photos: Gyða Henningsdóttir
Náttúrufræðingurinn
92