Náttúrufræðingurinn - 2023, Síða 71

Hettumáfar í
Eyjafirði 2020
Sverrir Thorstensen, Ævar Petersen og Eyþór Ingi Jónsson
VARP HETTUMÁFA hefur verið vaktað í Eyjafirði á fimm
ára fresti síðan 1990. Tilgangurinn er að fylgjast með fjölda
varppara og fá þannig vísbendingar um breytingar á stofni
hettumáfa á Íslandi. Niðurstöður talningar 1990 voru birtar
í Blika árið 1993, í Náttúrufræðingnum árið 2005 fyrir
árin 1995 og 2000 en talningar 2005, 2010 og 2015 eru
í sama riti árið 2017. Hér er gerð grein fyrir talningu árið
2020. Hettumáfum fækkaði stöðugt frá 1990 til 2005,
úr 1709 pörum í 1085. Frá og með talningunni árið 2010
hefur hettumáfum í Eyjafirði fjölgað nokkuð samfellt, úr
1085 pörum árið 2005 í 1922 pör árið 2020.
1. mynd. Hettumáfar rífast um loðnu á Pollinum við Akureyri. – Black-headed Gulls wrestle for Capelin Mallotus villosus.
Akureyri (N-Iceland). Ljósm./Photo: Eyþór Ingi Jónsson, 29.04.2012.
Náttúrufræðingurinn 93 (3–4) bls. 159–166, 2023 159
Ritrýnd grein / Peer reviewed