Milli mála - 2023, Blaðsíða 87
MILLI MÁLA
Milli mála 15/2/2023 87
Eftir að Guðfinna giftist bóndanum Sigurði Magnússyni (1840–
1928) fluttist hún að Arnarvatni í Mývatnssveit. Sigurgeir kom
þangað sem vinnuhjú og varð Arnarvatn heimili hans upp frá þessu.
Sigurgeir giftist vinnukonunni Kristínu Sigurðardóttur (1854–1895)
sem var í húsmennsku á Arnarvatni og þau eignuðust tvær dætur
með áratugsmillibili, Arnfríði skáldkonu og Guðfinnu (1890–1896).
Árið 1878 giftist Petrína Steingrími Þorsteinssyni (1855–1940) og
stunduðu þau búskap fyrst um sinn á Narfastöðum en fluttu síðan á
Daðastaði í Reykjadal. Jón, elsti sonur þeirra, dó í frumbernsku en
þrír yngri synir komust til ára, þeir Jón (f. 1882), Þorsteinn (f. 1887)
og Pétur (f. 1889). Fjölskyldan flutti til Ameríku árið 1893 frá
Daðastöðum og settist að í sveitinni skammt frá bænum Eyford í
Norður-Dakóta. Nokkuð stór hópur fór til Dakóta það ár og meðal
þeirra var annar bróðir Petrínu, Metúsalem eða Sali (1847–1928), sem
tók ættarnafnið Goodman(n) við komuna, en Steingrímur og Petrína
kusu sér ættarnafnið Thorsteinson. Elsti bróðirinn, Pétur (1843–
1935), bjó áfram í Mývatnssveit. Aldrei kemur fram í bréfum Petrínu
hvers vegna hjónin ákváðu að fara vestur en mágkona og svili Petrínu,
þau Kristín Þorsteinsdóttir (1853–1942) og Sigurður Kráksson eða
Krakson (1853–1903), höfðu sest að í svokallaðri Þingvallabyggð í
Dakóta eftir að þau fluttu til Nýja Íslands í Kanada 1878 og þau að-
stoðuðu fjölskyldu Petrínu við komuna. Úlfar Bragason hefur bent á
að stór hópur vesturfara tengdist Arnarvatni í Mývatnssveit og voru
úr ætt Petrínu og Arnfríðar, m.a. má nefna Jón Halldórsson í
Nebraska sem fór vestur strax árið 1872 en þau Petrína voru systkina-
börn.14
Guðmundur
Tómasson
Kristín
Jónsdóttir
Kristín
Sigurðardóttir
Sigurgeir Petrína Steingrímur
Þorsteinsson
Arnfríður Guðfinna Jón Þorsteinn Pétur
Mynd 1. Ættartengsl Petrínu og Arnfríðar
14 Úlfar Bragason, Frelsi, menning, framför: um bréf og greinar Jóns Halldórssonar, 92–94.
KATELIN MARIT PARSONS