Milli mála - 2023, Blaðsíða 88

MILLI MÁLA
88 Milli mála 15/2/2023
Ákvörðunin um að flytja vestur var oft tekin innan fjölskyldu og
snerist ekki endilega um hag einstaklingsins heldur um stöðu
heildarinnar.15 Líkt og nú gat tilfinningaleg togstreita skapast milli
fjölskyldumeðlima sem fóru og þeirra sem urðu eftir í heimalandinu
en aðskilnaðurinn leiddi þó ekki til þess að böndin slitnuðu.16
Vægi fjölskyldunetsins og fjölskyldu í fólksflutningum til Norður-
Ameríku hefur fengið aukna athygli á undanförnum áratugum.17
Þegar frásagnir vesturfaranna eru skoðaðar sést að sameining stórfjöl-
skyldunnar var oft langtímamarkmið en þessi draumur um samein-
ingu rættist oft aldrei. Þegar innflytjandi var orðinn nógu vel stæður
til þess að aðstoða fleiri ættingja við það að koma var uppbyggingin
á svæðinu oft orðin það mikil að það var erfitt fyrir nýbúana að stofna
heimili í mikilli nálægð enda dýrt að koma sér vel fyrir. Vissulega
eru dæmi um vel heppnaða „fjölskyldusameiningu“ en oft enduðu
slíkar tilraunir þannig að ættingjarnir tvístruðust innan Norður-
Ameríku í leit að betri afkomu og stórfjölskyldur enduðu á víð og
dreif um heimsálfuna.
Ekki gekk vel hjá Petrínu og Steingrími að eignast góða bújörð í
Dakóta enda höfðu bitastæðustu jarðirnar þegar verið teknar til
ábúðar. Þau freistuðu því þess að flytja til Minnesóta-ríkis. Þar gekk
enn verr vegna vatnsflóða og þau sneru aftur allslaus til Dakóta. Eins
og rætt verður hér að neðan er það aðeins Jón sonur hennar sem
segir frá ógöngum fjölskyldunnar í Minnesóta. Eftir sjö ára dvöl í
Bandaríkjunum slóst Thorsteinson-fjölskyldan í hóp íslenskra „land-
leysingja“ – eins og Petrína kallar sig – sem fóru norður til Kanada
árið 1900 í leit að hagstæðari kjörum. Metúsalem og Jakobína kona
hans voru einnig með í förinni.
Hópurinn settist að við Red Deer Point við Lake Winnipegosis,
rúma 300 kílómetra norðaustur af Winnipeg í Manitóba. Svæðið
hafði árþúsundum saman verið heimkynni frumbyggjaþjóða. Nafn
vatnsins kemur úr Anishinabemowin-málinu en við suðvesturbakk-
ana bjó Minegoziibe Anishinabe-þjóðin. Þar stóð einnig nýlegur
fjögurra hæða heimavistarskóli úr hleðslusteini fyrir börn af frum-
15 Davíð Ólafsson og Sigurður Gylfi Magnússon, Burt og meir og bæjarleið: dagbækur og persónuleg skrif
Vesturheimsfara á síðari hluta 19 . aldar, 52.
16 Bryceson, „Transnational families negotiating migration and care life cycles across nation-state
borders“
17 Glick, „Connecting Complex Processes: A Decade of Research on Immigrant Families“.
SVAR VIÐ BRÉFI FRÍÐU
10.33112/millimala.15.2.4