Milli mála - 2023, Blaðsíða 220
220 Milli mála 15/2/2023
Perra virtual (1998)). Bækurnar ollu miklu fjaðrafoki vegna hispurs-
lausra frásagna af lífi kvenna á barmi taugaáfalls, eins og kvik-
myndaleikstjórinn Almódovar orðaði það á sínum tíma. Kvenpersónur
umræddra verka eru lauslátar, hefnigjarnar og ákafar. Þær drekka
ótæpilega og neyta eiturlyfja, þær láta sig viðhorf annarra engu varða
og gera lítið úr atgervi og áhrifum karla. Þær ögra viðteknum hug-
myndum um konuna sem göfuga, hreinlynda og heilsteypta veru sem
setur þarfir og langanir annarra umfram sínar eigin um leið og þær
gangast við skorti á eftirtektarverðum fyrirmyndum.
Í kjölfarið gaf Civale út bækur sem byggðust á rannsóknarblaða-
mennsku með sjálfsævisögulegu ívafi. Meðal þeirra eru Þrælar:
Aðkallandi skýrsla um flóttafólk á Spáni (Esclavos: informe urgente sobre la
inmigración en España, 2004); Argentínskur iðnaður: Samtímalist í smíðum
(Industria argentina: arte contemporáneo en construcción, 2007); Vitnisburðir
frá landamærum: ferðir um mörk tilverunnar (Crónicas desde la frontera:
viajes al mundo trans, 2008); og Þúsund og ein nótt: Saga einnar nætur í
hafnarborginni (Las mil y una noches, una historia de la noche porteña,
2011). Árið 2019 kom svo út bókin Brjóstalist: Konur sem breyttu lista-
sögunni (El arte en tetas . Mujeres artistas que cambiaron la historia del arte,
2019).
Cristina Civale hefur einnig verið atkvæðamikil á vettvangi fagur-
bókmennta. Eftir hana liggja smásagnasöfnin Fylliríssögur (Cuentos
alcohólicos, 2009) og Örhamingja og aðrar sögur (Microfelicidad y otros
relatos, 2013), auk skáldsagnanna: Þú verður maður lífs míns (El hombre
de mi vida serás tú, 2002); Vertu sæl Ameríka (Adiós América, 2005); og
Börn: Langt frá Disneylandi (Niños . Lejos de Disneylandia, 2006).
Síðustu verk hennar, sem öll hafa komið út hjá Milena Caserola út-
gáfunni, eru skáldsögurnar Konurnar (Las tipas, 2014); Kunnugleg saga
(Una historia familiar, 2016); og Mögulegir glæpir (Los crímenes posibles,
2022).
Frásagnarmáti Civale er ögrandi, snarpur og óvæginn. Hún fangar
athygli lesenda með því að beina sjónum að skúmaskotum sem fáir
fjalla um og gerir það með því að afhjúpa veikleika sögupersóna
sinna sem birtast gjarnan í formi öfundar, óöryggis og heiftar – jafn-
vel illsku. Margar þeirra – sem oftast eru konur – falla gjarnan á
eigin bragði og þurfa að horfast í augu við hvernig áform þeirra
misheppnast. Verkin spretta úr stórborgarsamfélagi þar sem almennt
UM CRISTINA CIVALE
10.33112/millimala.15.2.9