Milli mála - 2023, Blaðsíða 229
Milli mála 15/2/2023 229
liðinn í þriðja skiptið. Hann tók þá hönd mína, þá sem hafði brotnað
þrisvar sinnum og kyssti hana eins og heiðursmaður. Að því loknu
skildu leiðir og við fórum að telja niður dagana til næsta happy hour.
Tilviljanakenndri röð atburða var þó hvergi nærri lokið. Á fjög-
urra daga tímabili misstum við bæði vinnuna. Hann hjá
ráðgjafafyrirtæki þar sem hann hafði starfað í rúm tíu ár og ég á
mannauðsdeild rannsóknarstofu. Fyrirtækið framleiddi ýmsar
vörutegundir en var frumkvöðull í framleiðslu mangósjampós. Þó að
það hafi ekki verið góðar fréttir að missa vinnuna á okkar aldri – við
vorum næstum fertug – hættum við ekki okkar happy hour helgisið.
Við hættum einungis að hittast á barnum á San Martín-götu og
fórum að hittast heima hjá okkur. Við skiptumst á, einn föstudag
heima hjá honum, annan heima hjá mér. Hann átti hugmyndina. „Til
þess að spara“, lagði hann til, og þar sem mér fannst það ekki svo
vitlaust, samþykkti ég umyrðalaust.
Þetta kvöld hittumst við heima hjá mér. Þetta var ekki bara
einhver dagur. Við fögnuðum föstudagsfundum okkar til hálfs árs og
af því tilefni ákvað ég að útbúa nokkra Bloody Mary-drykki, drykk-
inn sem innsiglaði þennan helgisið sem fundir okkar voru.
Ég fletti uppskriftinni upp á netinu og gætti þess að hún væri sú
rétta: vodka, kældur tómatsafi, skvetta af sítrónusafa, önnur af
Worcestershire-sósu, nokkrir dropar af Tabasco, örlítið af salti og ca-
yenne-pipar. Á meðan ég kannaði hvernig ætti að blanda drykkinn
komst ég að uppruna hans. Nafnið var kennt við Maríu Tudor,
dóttur Hinriks VIII, og blóðugar ofsóknir sem hún háði á Englandi
gegn hverjum þeim sem ekki var mótmælandi. Ég fann líka mis-
munandi og hrollvekjandi útgáfur sem tengdu nafn drykkjarins við
djöfullegar þjóðsögur, fullar af skelfingu og dauða, þjóðsögur sem
ráðlögðu meðal annars að segja ekki „Bloody Mary“ fyrir framan
spegil vegna þess að það eitt kallaði fram djöfulinn. Mér fannst þetta
hlægilegt. Engu að síður, til að forðast yfirnáttúruleg óhöpp, ákvað
ég á síðustu stundu að útbúa suðurameríska útgáfu drykkjarins.
Bloody Mary með tekíla í stað vodka og án áhvílandi bölvunar. Tekíla
var ekki til í áfengisbirgðum mínum og þótt stuttur tími væri til
stefnumótsins varð ég að fara og kaupa tekíla. Það var ekki auðvelt
að finna flösku af Los Valientes. Ég fór í þrjár verslanir og fékk te-
kílað svo að lokum í verslun sem var í fjörutíu mínútna akstursfjar-
CRISTINA CIVALE