Milli mála - 2023, Blaðsíða 93

MILLI MÁLA
Milli mála 15/2/2023 93
Eldri drengir mínir eru á skóla á hverjum degi. Hann stendur í tvo 6
mánuði. Ég veit ekki hvert við látum Pétur ganga. Ekki vantar að hann vilji
það. Steini [Þorsteinn] ætlar að ganga vel við enskuna. Hann er gefnastur
fyrir bókina af þeim. Við höfum oft sagt að það hefði verið gaman og gagn
að láta Fríðu þína ganga á þennan skóla.32
Þrjú bréf berast Sigurgeiri frá Dakóta. Langt hlé verður hins vegar á
bréfasamskiptum við Sigurgeir þegar fjölskylda Petrínu lendir í erfið-
leikum og engin bréf eru send frá Minnesóta-ríki eða Winnipegosis.
Í bréfi frá Petrínu sem er dagsett 16. apríl og líklega sent árið 1907
frá Sleipni P.O. (síðar Wynyard) segir frá högum fjölskyldunnar í
Saskatchewan og útskýrir hún þar að einhverju leyti hvað hefur
gengið á í millitíðinni en leggur áherslu á velgengni fjölskyldunnar
við núverandi aðstæður. Hún lýsir Vatnabyggðinni á mjög jákvæðum
nótum og óskar þess að hann og Fríða komi. Í Vatnabyggðinni búa
nú margir af ættingjum og kunningafólki þeirra og þegar hefur verið
stofnað lestrarfélag og keyptar íslenskar bækur og blöð í stórum stíl:
„þessi fjarski sem keyptur er af íslenskum bókum – Þó eru þær miklu
dýrari hér en heima. Við lesum Akureyrarblöðin, Ísafold og
Eimreiðina“.33
Óljóst er hvort Sigurgeir hafi nokkurn tíma svarað þessu bréfi en
í bréfi til Arnfríðar dagsettu 17. mars 1908 kemur fram að bréf hefur
borist þeim frá Arnfríði sem vekur mikla gleði. Petrína þakkar fyrir
ljósmyndirnar sem Arnfríður sendir og svarar með fréttum af vinum
og vandamönnum í Ameríku. Petrína skrifar annað bréf 10. janúar
1910 og vonar að Arnfríður hafi það gott en hefur ekki fengið nýlega
bréf frá henni. Í millitíðinni hefur frændi þeirra, Þorlákur Jónasson
frá Grænavatni, flutt til Vatnabyggðar.
Í öðru ódagsettu bréfi til Arnfríðar segir Petrína að hún hafi lesið
ljóð eftir unga frænku sína í vikublaðinu Lögbergi og fengið staðfest-
32 „[E]ldri dreingir mínir eru á skóla á hverjum deii hann stendur í 6 mánudi eg veit ekki hvert við
látum Pjetur gánga ekki vantar ad hann vilji þad Steini ætlar ad gánga vel vid enskuna han er
gjefnastur firir bókina af þeim vid höfum oft sakt ad þad hefdi verid gaman og gagn ad láta Frídu
þína gánga á þennan skóla“. Petrína Guðmundsdóttir til Sigurgeirs Guðmundssonar, 29. desember
1893, 3r. Pétur er fjögurra ára þegar bréfið er skrifað.
33 „[Þ]essi fjarski sem kjeftur er af íslenskum bókum þó eru þær miklu dírari hjer en heima vid lesum
Akureirarblödin Ísafold og Ejmreidina.“ Petrína Guðmundsdóttir til Sigurgeirs Guðmundssonar,
16 april 1907(?), 4r.
KATELIN MARIT PARSONS