Goðasteinn - 01.09.1998, Blaðsíða 152

Goðasteinn 1998
þeim sem fara Fjallabaksleið. Þeir eru
nefndir Blesárfossar innri og fremri.
Hlíðin fyrir innan Blesá er nefnd
Blesárklofningar inn undir Hungur-
skarð sem er við suðurenda Skyggnis-
hlíða. Tungan sem myndast á milli
Rangár og Blesárklofninga að Blesá
heitir Kerlingarhraun. Þar er nokkuð
stór klettur norðan við gömlu hestagöt-
una sem kallaður er Kerling. Margar
smávörður eru þar í kring en þeir sem
fóru í fyrsta sinn á fjall áttu að eiga
barn með kerlingunni þ.e. hlaða vörðu
sem var barnið.
Vegur frá Fjallabakssleið um
Hungurskarð á Hungurfitjar
Syðst á móts við Rangárhlíðar er
vegur frá Fjallabaksleið fyrir þá sem
aka vilja um Hungurfitjar í Krók og
áfram niður á Fljótshlíðarafrétt. I
Hungurskarði er allstór klettur sem
fallið hefur úr brekkunni sunnan við
skarðið og staðnæmst niðri á jafnsléttu.
Þeir sem voru að fara í sína fyrstu
fjallferð (gangnaferð) áttu að klifra upp
á steininn á vissum stað í öllum
hlífðarklæðum. Gætu þeir það ekki
voru þeir ekki færir tii fjallferðar og
mátti þá fjallkóngur senda þá heim sem
ófæra fjallmenn. Ekki veit ég til að
þessu hafi nokkurn tíma verið beitt.
Þegar komið er inn fyrir Hungur-
skarð blasa við Hungurfitjar. Þar er
gangnamannakofi frá Rangvellingum,
Hungurfitjaskáli, sem gist er í í fjall-
ferðurn. Hestar eru hafðir á jarðhæð, en
á lofti er aðstaða fyrir smalamenn.
Skálinn var byggður 1961.
Gönguleið frá Hungurfitjum í
Austurdaí
Þegar komið er inn úr Hungurskarði
er kverk þar sem mætast undirhlíðar
Tindfjallajökuls og hlíðarnar sem liggja
norður að Hungurskarði. Þarna í horn-
inu er skarð sem gengur suðvestur að
Tindfjallajökli og kallað er Jökulskarð.
Þar fóru þeir sem smöluðu Austur-
dalinn. Ef rétt var farið suður úr Jökul-
skarði þá var upp tólf hækkandi öldur
að fara, en þá var komið í botn Austur-
dals. Stutt en nokkuð erfið leið.
Skamman spöl innan við Jökulskarð er
allhátt móbergsfjall sem Mófell heitir.
Inn af því heita Mófellsbætur sem eru
undirhlíðar Tindtjallajökuls.
Vegur frá Hungurfitjum á Krók
Hverfum þá að sæluhúsinu á Hung-
urfitjum. Hlíðarnar norður af húsinu
heita Skyggnishlíðar syðri. Frá Hung-
urskarði sést inn að Skyggni sem er all-
hár móbergstindur og norður af honum
er Skyggnisvatn sem er röð af sprengi-
gígum sem hafa síðar fyllst af vatni.
Austur af Skyggni heita Hnausar eða
Faxahnausar að Faxa.
Þegar ekið er af Hungurfit áfram inn
á afréttinn, þ.e. inn á Krók, þá er farið í
gegnum Reiðskarð en í gegnum það
falla kvíslar er koma frá báðum hlíð-
unum og Fitjunum. Þegar komið er inn
fyrir Reiðskarð verða fyrir okkur gras-
fitjar sem heita Sultarfitjar og ná þær
upp að Ferðamannaöldu, sem afmarkar
Sultarfitjar að norðaustan. Milli Ferða-
mannaöldu, sem er norðan við Sultarfit
-150-