Múlaþing: byggðasögurit Austurlands - 2020, Page 15

14
Múlaþing
umdæmið óvenju víðáttumikið og oft langar
vegalengdir að fara ef kalla þurfti fólk í síma
eða koma skeytum á áfangastað. Svokölluð
eftirlitsstöð, var sett upp á Ketilsstöðum í Jök-
ulsárhlíð þegar línan var færð af Smjörvatns-
heiði og lögð yfir Hellisheiði um 1914. Var
hún aflögð þegar sími var kominn á alla bæi
í Jökulsárhlíð um 1950.
Á Jökuldal var lagður sími á bæina
Hvanná, Hnefilsdal og Skjöldólfsstaði 1934
og áfram í Grímsstaði um Möðrudal og Víði-
dal 1945. Áratug síðar 1955 höfðu allir bæir
sveitarinnar fengið síma. Ég hafði grun um
að þriðja flokks símstöð hafi verið sett upp
á Hvanná en fann ekki staf um að svo hefði
verið. Í símtali sem ég átti við Gunnþórunni
Hvönn frá Hvanná kom fram, að það myndi
hún ekki til enda þá barn að aldri. Aftur á
móti minntist hún þess að Jón afi hennar hafi
stundum verið að snúast í símaherberginu og
fyrir kom að þau systkinin væru send með
skilaboð í Skeggjastaði. Fóru þau þá á árbakk-
ann gegnt bænum og kölluðu skilaboðin yfir
Jöklu og bjuggu þau til lúður úr blaðapappír
til þess að þau bærust betur.
Símstöðin á Fossvöllum var aflögð 1983
og hafði þá verið starfrækt í 77 ár. Þar af 65 ár
í umsjá sömu fjölskyldu. Þar komu við sögu
þrír ættliðir og var símstöðvarstjóri síðustu
árin Ragnheiður Ragnarsdóttir sem minnist
þess að hafa verið svo ung að árum þegar hún
byrjaði að gæta símans að setja varð púða í
stólinn svo hún næði upp á símaborðið.
Í Hróarstungu var sími lagður að prest-
setrinu Kirkjubæ 1930 og að Bót 1934 og var
þriðja flokks stöð á báðum bæjunum. Upp úr
1950 var síminn síðan lagður um alla sveit og
var símstöð áfram í Bót fram til 1960 að hún
var flutt að Litla-Bakka og var þar til ársins
1974 að hún var aflögð. Efalaust hafa margir
komið að símaafgreiðslu á þessum bæjum, en
í Bót mun húsfreyjan Aðalbjörg Pétursdóttir
oftast hafa setið við símann. Eftir að stöðin var
flutt að Litla-Bakka var Svandís Skúladóttir
símstöðvarstjóri.
Í Fellahreppi var opnuð símstöð að Ekkju-
felli 1934 og að Setbergi 1938. Sími var lagður
á alla bæi á árunum 1947–50. Var þá stöðin á
Setbergi lögð niður en símstöð var á Ekkjufelli
til ársins 1964 en þá tengdust bæir í Fellum
símstöðinni á Egilsstöðum. Á Ekkjufelli mun
húsfreyjan Sólveig Jónsdóttir oftast hafa
annast símann en hún hafði á árunum 1926
–1927 unnið sem talsímakona á símstöðinni
á Seyðisfirði.
Heimilissími verður
sjálfsagður lúxus
Á Egilsstöðum hafði verið starfrækt pósthús
frá árinu 1889 og árið 1906 bættist síminn
við. Í kringum báðar þessar stofnanir var
töluverður erill sem jókst að umfangi eftir því
sem árin liðu. Fram til ársins 1953 voru bæði
símstöðin og pósthúsið til húsa á Egilsstöðum
en það ár flutti starfsemin í nýja glæsilega
Skrá yfir hringingar á símstöðinni á Eyrarlandi.