Eir - 01.07.1900, Síða 56

168
skylda vor, að taka þá tafarlaust á land og lijúkra þeim. Það
er ransómi fyrir landið, að loka dauðveika menn inni í þröng-
um og dimmum sjómannaklefum undir þiijum niðri í marga daga
eða vikur, — meðan verið er að útvega hús. Það yfirvald
hlýtur að bera kinnroða fyrir þjóð sína, er segja verður við
dauðvona skipshöfn: Þið eruð illa staddir og þurfið hjúkr-
unar, en við höfum ekki týmt að byggja hús til þess að taka
á móti ykkur, eða ykkar líkum, þið verðið að vera kyrir, til
þess að enginn smittist af ykkur, og bíða þolinmóðir eftir því,
að útvegað verði til ieigu eitthvert hús, til þess að láta ykkur í.
Þingið hefir livað eftir annað „ekki séð sér fært“, að veita
fé til sóttvamarhúsa. Þeir menn hafa sjálfsagt þá hina gömlu
afsökun, að þeir vita ekki hvað þeir hafa gert, vita ekki að
samgöngur aukast svo mjög ár frá ári um allan heim, að oss
og öðrum nálægum þjóðum er nú meiri háski búinn, en nokkru
sinni fyr á tímum, af drepsóttum heitu landanna, að þær komi
og heimsæki okkur. Sá er háskinn, en sú er huggunin, að
nú kunna menn miklu )>etur en áður að taka á móti þessum
vogestum, geta afar-oft kveðið þá niður eða varnað þeim að
verða fjölda fólks að meini. En þá er líka að hagnýta sér
þessa kunnustu. Það er ekki nóg að vita hvað gera skal —
og framkvæma ekki neitt.
f*á er það megingalli á þeim ísl. lögum, er kveða á um
varnir gegn útlendum farsóttum, að íslenzkum sjómönnum
getur haldist. uppi óátalið að hafa dagleg mök við útlend fiski-
skip, sem aldiei hafa komið hjer við land. Öll ákvæði laganna
eru iitils virði fyrir þjóðina og koma að Jitlu haldi, ef þetta á
að við gangast. En hér get ég verið stuttorður, því að um
þetta atriði hefir margsinnis verið ritað að undanförnu. Allir
virðast vera á einu máli um það, að þessi háski megi ekki
líðast, og treysta þingi og stjórn að gera lagabót, sem dugi.
Yfirleitt eru þau íslenzk lög næsta ófullkomin, er lúta að
sóttvörnum gagnvart útlöndum. Páll Briem kemst svo að
orði i niðurlagi rftgerðar sinnar um sóttvarnarlög íslands, að
það þurfi „að setja ný lög um sóttvarnir gagnvart útlöndum,
sem eigi við ástandið hér á landi, eins og það er nú“, Það er