Andvari - 01.01.1983, Blaðsíða 74
72
JÓN L. KARLSSON
ANDVARI
tengdir geðveiki, þ. e. að þeir, sem bera tilsvarandi tegund af óvirku geni, séu
oft stórskynsamir, þótt sumir ættingja þeirra verði á hinn bóginn veikir.
Vitað er, að langfærustu menn á öllum sviðum gerast oft geðsjúkir, og
Islendingar hafa séð, hvernig framúrskarandi nemendur verða oft fyrir barði
slíkra kvilla. Skipulegar rannsóknir í öðrum löndum hafa leitt í Ijós aukna geð-
veiki í ættingjum fremstu manna í lærdómi og listum.
Annað gen, sem tengist auknum gáfum, veldur nærsýni í þeim, sem fæðast
með tvö slík gen. Nærsýni er mjög tíð með öllum menningarþjóðum, og mest
kveður að henni í Gyðingum og Japönum. Islenzkar rannsóknir hafa sýnt, að
færustu stúdentar eru oft nærsýnir. Lýsingar á Eskimóum benda til, að menn,
sem bera eitt nærsýnisgen, sem hefur þó ekki áhrif á sjón, standi sig vel í lífs-
baráttunni.
Enn annað gen, sem áhugi er nú á, er þekkt í sambandi við ofdrykkju. Hér
sýna íslenzkar rannsóknir, að ættingjum stjórnmálaleiðtoga og annarra framá-
manna hættir til að falla fyrir þessum kvilla. Þetta kemur heim við rannsóknir
í öðrum löndum, en safna þarf meira efni til endanlegs úrskurðar.
Augljóst virðist, að náttúruúrval og kynbætur hafa staðið í nánu sambandi
við loftslagsbreytingar og kuldasveiflur, sem gengið hafa yfir jörðina öldum
saman. Island er á sinn hátt vinnustofa rannsókna á þessu sviði. E. t. v. stafar
það að nokkru af því, að veðurfar norðursins hefur haft veruleg áhrif á ís-
lenzka kynstofninn og orðið til þess að móta hann og herða í sókn hans til
aukinnar menningar og framfara.